Numbers 30:2 - Iñupiatun Mumiksat Uqalugiksuat

² Iñuk unniqsuqłiikami aitchuisugluni sumik Ataniġmun naagga uqallaŋaluni atuŋisaallagniaġniḷugu suna, naviktaksraġiŋitkaa unniqsuqłiisiñi, aglaan taŋŋiġḷugu iluqaan piñiaġnirani.

Numbers 30:2 Iomraidhean Croise

Makpiġaaŋa Job-gum 22:27

Aŋaiyyuguvich kiuniaġaatin; unniqsuqłiigutitin taŋŋiġñiaġitin.

Psalms 116:14

Taŋŋiġñiaġiga unniqsuqłiisiga Ataniġmun takkuanni iñugipayauraqtaŋisa.

Psalms 116:18

Kasimappata iluqaġmiŋ iñugiratin, siḷalliġmi kasimaviani Aŋaiyyuvikpakpich Jerusalem-mi, Qaitchiñiaġikpiñ unniqsuqłiisigiŋaramnik. Nanġaqtauli Ataniq!

Psalms 119:106

Taŋŋiġñiaġiga unniqsuqłiutigiŋaraġa kamaginiaġnivḷugich nalaunŋaruat piraksriqsuutitin.

Psalms 15:3

maqutchisuitchuallu allanik. Pimaqłuktaisuitchuat avilaitqatiimignik uqautikłiḷaitchuallu siḷalliimignik.

Psalms 22:25

Naamavlutiŋ katittuani nanġaġniaġikpiñ ilvich savaaġiŋarapkun; takkuqsraaġlugich ilignik nanġairuat qaitchiḷuŋa aitchuutiginiaġniŋaramnik.

Psalms 50:14

Quyyanmik God-mun aitchuiḷutin; suli taŋŋiġḷugich unniqsuqłiisigiŋaratin Qutchigñiqtauruamun.

Psalms 55:20

Piqatigiŋagaluakkaġma aŋuyaŋagaich avilaitqatauraġniani; navgivluni unniqsuqłiunmiñik.

Psalms 56:12

God-auruatiin, aitchuiñiaqtuŋa unniqsuqłiutimnik; aitchuiḷuŋa quyyatikun aitchuutinik,

Psalms 76:11

Qaiḷḷugu Ataniġmun God-ivsiññun suna unniqsuqłiisigiŋaguvsiuŋ ilaanun; aitchuutinik ilaanun qaġġirrisitchi unniqsuqłiisigiŋaravsiññik, iluqasi siḷalliġiiksuasii nunaqpauruasii. Ilaanun iñupayaam qiksigiraksraġiraŋannun;

Exodus 20:7

“Aŋŋuu, uqamaqłuutiginiaġnagu atiġa, qanuq uvaŋa, Ataniq God-iksi, tatavsaiñiaqtuŋa uqamaqłuutigikparruŋ atiġa.

Proverbs 20:25

Isumalaaġutigimmaġiksaaġuŋ unniqsuqłiiŋaiñŋaqpich aitchuutiksraġnik God-mun. Nunuuraliqpiaqtutin aquvatigun.

Leviticus 5:4

Isumalaaġaluaġnak unniqsuqłiiñiġuvich God-im atqagun, sukun itkaluaqpan, patchisaurutin kaŋiqsipqauraqavich qanuq pitilaaġnik.

Numbers 21:2

Tavraasii iñuŋich Israel unniqsuqłiiŋaniqsut Ataniġmun, “Pisaġipkaġupkich ukua iñuich uvaptignun, iluqaqpiuraŋisa nunaaqqiŋich suksraunġiġñiaġivut.”

Numbers 30:10

Uiqaqtuaq aġnaq unniqsuqłiiŋagumi naagga unniqsuqłiiḷuni suna atuŋisaaġuglugu,

Numbers 32:24

Tavraasii nunaaqqiḷiuġitchi aġnavsiññun suli qitunŋavsiññun, avaluliuġlugiḷḷu imnaisi, aglaan savaglusi unniqsuqłiisigiravsiktun.”

Matthew 23:16

Qanutun naglignaqtigirusi ilivsi, ayauŋaruatun aullarrit. Iḷisaurrisuurusi kiñaliqaa unniqsuqłiigumi ukpiġnaqsiḷiġlugu atuġlugu uqaluk aŋaiyyuvikpak, pasiñaġumiñaiññivḷugu taŋŋiŋitpagu unniqsuqłiisini. Suli iḷisaurrimmiusi kiñaliqaa aŋiuqsiyumiñaiññivḷugu unniqsuqłiiñmiñik atuqpagu uqaluk manik kaviqsuaq suġauttaġikkaŋa aŋaiyyuvikpaum.

Matthew 23:18

Aasii iḷisaurrisuummiusisuli, Iñuk kiñaliqaa unniqsuqłiikpan ukpiġnaqsiḷiġlugu atuġlugu uqaluk ikipkaivik, pasiñaġumiñaiññivḷugu taŋŋiŋitpagu unniqsuqłiisini. Suli iḷisaurrimmiusi kiñaliqaa aŋiuqsiyumiñaiññivḷugu unniqsuqłiunmiñik atuqpagu uqaluk, aitchuutauruq ikipkaiviŋmi.

Acts 23:12

Uvlaaġmagu Jew-guruat kasimavlutiŋ sivunniuŋarut unniqsuqłiipiaġataqłutiŋ niġiyumiñaiññivḷutiŋ imiġuraġumiñaiññivḷutiglu tuqutqaaŋaunnagu Paul.

Acts 23:14

Tavra iliŋich ullautiŋarut aŋaiyyuliqsiqpaŋnun umialiŋnanullu, aasii uqallakłutiŋ, Pisaġisapiaġataqługu unniqsuqłiipiaġataŋarugut uvaptiŋnik niġiyumiñaiqł̣uta suuramik-unnii tuqunŋaunnagu Paul.

Acts 23:21

Aglaan aŋiġnagich, qanuq malġukipiaq iñuich sippalik iriqsimaniaqtut utaqqiḷugu Paul. Taapkua unniqsuqłiipiaġataŋarut niġiyumiñaiññivḷutiŋ imiġumiñaiññivḷutiglu tuqutqaaŋaunnagu Paul, aasii paŋmapak itqanaitchut taamna pisukługu, utaqqirullu sivunniutiksraġnik.

2 Corinthians 1:23

Qaisukkaluaŋŋaġmaunnii Corinth-mun, qaiŋitchuŋa. God iḷisimaruq iḷumun ittuamik uqaqtilaamnik ilivsiññun. Qaiŋirrutigigiga qanusiġaġuŋił̣ł̣usi.