Numbers 3:9 - Iñupiatun Mumiksat Uqalugiksuat

⁹ Piraksratualuginiaġaat tavra Levi-m kiŋuvaaŋich savautilugu Aaron iġñiŋiḷḷu.

Numbers 3:9 Iomraidhean Croise

Numbers 16:9

Uvvaimña suqpauŋiññasugivisiuŋ God-iŋata Israel ilaaguaqtaġiŋammasi iluqaaniñ Israel nunaaqqiŋaniñ? Ilaa savaŋagaa ilimiñun sivuġaanullasivḷusi savaaksrasi savaaġillavlugich Atanġum Tupqani, aasii ikayuqługich nunaaqqiuruat suli alġaqsruqługich.

Numbers 18:2

Qaġġisilugich nanmiñiq iḷagirasi, maŋŋuqaqtuat Levi-mik, savaqatigitqulutin iġniġutiitillu savakkuvsi savaavsiññik Tupim siḷataani.

Numbers 3:8

Qaunaksrauniaqtut iluqaiññun suġautaŋiññun Tupiqpaum nayuqtauvimñun aasii piraksrauruat savaaġilugich Israel-gum kiŋuvaaŋiññun.

Numbers 8:14

Inna iliŋiguaqtuksraġigitin Levi-m kiŋuvaaŋich allaniñ Israel-gum kiŋuvaaŋiññiñ, uvaŋa pigiyumagitka.

Numbers 8:16

Piksraqtaaġipiallaŋagitka inaŋiutivlugich iluqaiññun aŋayukłiġiraŋiññun Israel-gum kiŋuvaaŋich, uvaŋa kisima piginiaġitka.

Numbers 8:18

Piksraqtaaġigitka Levi-m kiŋuvaaŋich inaŋiqsaġlugich aŋayukłiich Israel-gum kiŋuvaaŋich,

Numbers 8:19

aasii qaiñŋagitka Levi-m kiŋuvaaŋich Aaron-mullu iġñiŋiñullu, aitchuutauvlugich Israel-gum kiŋuvaaŋiññiñ, savautitquvlugich iñuich Tupiġmi suli qaunagitquvlugich Israel-gum kiŋuvaaŋich suksraunġiqsauniksraŋanniñ qallivaitparruŋ Salumaniqsrauruaq Ini.”

Ephesians 4:11

Aasii aitchuutiŋi innasiuŋarut, iñuich iḷaŋich tilirautquvlugich, iḷaŋich uqaqtautquvlugich God-mun, iḷaŋich tusaayugaaġiksuanik alġaqsruitquvlugich, iḷaŋich aŋaiyyuliqsautquvlugich iḷisaurrautquvlugiḷḷu.

Ephesians 4:8

Taamna sivuniġivlugu, aglausimaruq Bible-ni inna, “Mayuqami qiḷaŋmun, aullarriŋaruq tigutaaqtaġiŋakkaŋiñik Tuunġaum, suli qaitchivḷuni piraksranik iñuŋnun.”