Numbers 3:3 - Iñupiatun Mumiksat Uqalugiksuat

³ Nalunaiqsauŋarullu ilaaguaqtauŋarullu aŋaiyyuliqsiqpauniġmun,

Numbers 3:3 Iomraidhean Croise

Exodus 28:41

Atipkaġlugich tamatkua annuġaat aapiyaġnun Aaron-mun iġñiŋiñullu. Aasii ilaaguaqtaġilugich suli nalunaiqsaġilugich uqsruqtaaġlugich olive uqsruanik, savautiyumagaanŋa aŋaiyyuliqsiqpaulutiŋ.

Exodus 40:13

Annuġaaqtillugu Aaron aŋaiyyuliqsiqpauruam annuġaaŋiñik, uqsruqtaaġlugu, tainna ilaaguaqtaġisaġlugu savautiyumagaaŋa aŋaiyyuliqsiqpauluni.

Exodus 40:15

Aasii uqsruqtaaġlugich, uqsruqtaaġusivsisun aapaŋannun, savautiyumagaanŋa aŋaiyyuliqsiqpaulutiŋ. Taaptuma uqsruqtaaqtauniŋata aŋaiyyuliqsiqpaullapkaġniaġaich taimuŋaaglaan.”

Leviticus 8:12

Ilaan ilaaguaqtaġiŋagaa Aaron kuvivḷugu iḷaŋa uqsruqtaaġutim niaquanun.

Leviticus 8:30

Moses uqsruksraqhuni iḷaŋanik uqsruqtaaġutim suli iḷaŋanik augum ikipkaivigmiittuam siqił̣ł̣aqtiŋagai Aaron-guvlu iġñiŋisalu annuġaaŋich. Tavra tainna pikami ilaaguaqtaġiŋagaich taputivlugich annuġaaŋich Ataniġmun.

Numbers 3:4

aglaan Nadab-lu Abihu-lu tuqutauŋaruk aitchuutiqaqamiŋ salumaitchuamik igniġmik Ataniġmun Sinai-m Nunagluktuaŋani. Miqłiqtuqaŋaitchuk, tavraasii Eleazar-lu Ithamar-lu aŋaiyyuliqsiqpauŋaruk Aaron-gum iñuuniqtutilaaŋani.

Hebrews 7:28

Pitquratigun aŋaiyyuliqsiqpaich qaukłiksraġuugaich piḷuksiḷḷaruanik. Aasii pitqurat qaisauganiŋmata God-im nalunaiŋagaa Iġñini piḷuksiŋaitchuaq isuitchuamun.