Numbers 28:2 - Iñupiatun Mumiksat Uqalugiksuat

² piraksriquvlugich Israel-gum kiŋuvaaŋi aitchuiḷḷaatqulugich piviksraq tikitchaġikpan niqinik aitchuutauruksrauruanik tivraġiksuanik iviġaumagiraŋiñik Ilaata.

Numbers 28:2 Iomraidhean Croise

Genesis 8:21

Tipaat aitchuutigiraŋisa iviġaginiġaa Atanġum, aasii ilimiñun uqallaktuq, “Qakuguunnii nuna piaġiiḷipkatkigñiaŋitkiga iñuich piḷġusiŋich pisigilugich; iḷisimaruŋa mikiniġmiŋniñ qaŋa isummatiŋich pigiitchuagurut. Qakuguunnii suksraunġitqigñiaŋitkitka iluqaisa iñuuruaguruat, savausiġiraptun taaptumani.

Psalms 81:3

Nipauqłuktautaa niqinaqivium nivliqsillugu, tatqiq nuivaallukpan suli tatqiq aqvalluaġiksikpan.

Exodus 23:15

Tatqiŋani Abib, tatqimi aullaġvivsiññi Egypt-miñ, quviasugvigilugu Niqinaqiniq Puvlaksautaitchuamik Punniġmik piraksriusiptun ilivsiññun. Niġiñasi punniġmik imaksraligaamik taapkunani tallimat malġugni uvluni. Qaiñasi nanġaġiaġluŋa qaġġirrigaluaġnasi aitchuunmik.

Exodus 29:18

Ikipkautigilugu iluqaan aŋusallum imnaim niqaa ikipkaivigmi aitchuutausaġlugu. Tipaat taapkua aitchuutit iviġaumagigiga.

Leviticus 1:13

Iġġuġlugich aasii iḷuġutiŋich kiŋulliiglu niuŋik, aasii aŋaiyyuliqsiqpaum ikipkaġniaġaa iluqaan aitchuutauruaq ikipkaivigmi. Tivraġigñiŋa ikipkaqtam iviġaumanaqtuq Ataniġmun.

Leviticus 1:17

Tigulugik isaġuŋik alikkisigaa timaa agmaġlugu, isaġuŋik piiġaluaġnagik, aasii ikipkaġlugu suġaiḷḷugu ikipkaivigmi. Tivraġigñiŋa ikipkaqtam iviġaumanaqtuq Ataniġmun.

Leviticus 1:9

Iġġuġisigisi iḷuġutiŋich suli kiŋulliik niuŋik, aasii aŋaiyyuliqsiqpaum ikipkaġniaġaa iluqaan aitchuutauruaq ikipkaivigmi. Tivraġigñiŋa ikipkaqtam iviġaumanaqtuq Ataniġmun.

Leviticus 21:6

Salumaruksrauruq suli kanŋunaqsiḷiġniaŋitkaa atiġa. Ilaa qaitchisuuruq niqinik aitchuutauruanik uvamnun, aasii salumaruksrauruq.

Leviticus 21:8

Iñuit isummatigiruksraġigaat aŋaiyyuliqsiqpak salumaruagulugu, qanukkii qaitchisuuruq niqinik aitchuutauruanik uvamnun. Uvaŋa Atanġuruŋa; uvaŋa salumaruŋa suli iñugiratka salumaruaġuġuugitka.

Leviticus 3:11

Aŋaiyyuliqsim ikipkaġniaġaich iluqaisa taapkua ikipkaivigmi, niqit aitchuutit Ataniġmun.

Numbers 15:24

killukkuaġniqpata naluvlutiŋ nunaaqqiuruat, aitchuiruksraurut aŋusalluġruamik ikipkautikun, tipaa iviġaumanaġniaqtuq Ataniġmun. Maliġiraksraġigaat piraksriun palauvaksramik aitchuutiksrakun suli wine-mik aitchuunmik. Maniriruksraurut aŋusallumik nagruligmik piḷuutinun aitchuunmik.

Numbers 15:3

qaitchigisirusi Ataniġmun pamiqsaanik naakka imnaiñik, aitchuutinik ikipkautitigun itkaluaqpata naagga unniqsuun nalautitkanikpan, naagga aitchuutigisiññaġlugich naagga niqinaqutigilugich pisigilugu Ataniq, illit aasii tivraġigḷutiŋ iviġaumanaġlugu Ataniġmun.

Numbers 15:7

Qaġġirrilusiḷu wine-miglu imaqtutigilugu piŋasutun pint-tun. Taapkua iluqaisa aitchuutigilugich tivraġiksuat Ataniġmun.

Numbers 28:1

Atanġum piraksriŋagaa Moses

Numbers 29:39

Tavra tamatkua maliġiraksrasi ikipkautikun aitchuutitigun, palauvaksratigun aitchuutitigun, imiksrat aitchuutit, suli iḷammiuġutikun aitchuutauruat aitchuutiginiaqtasi Ataniġmun niqinaqiniġich tikitchaġikpata. Tavra taapkua iḷaginiaġisi aitchuutivsiññi taŋŋiqsaġlugu unniqsuqłiutiksi naagga piyummatiqaġlusi aitchuiguvsi.

Numbers 9:13

Aglaan piraġausiq nalaullugu salumaruaguguvsi iglauŋiḷḷusiḷu, aasii iḷauŋitkuvsi Qulaurrusiqiruani, iḷauŋaiġñiaqtusi iñugiramnun, qanukkii aitchuutiqaŋitchusi uvamnun piviksraq nalautinman. Igḷutuqtaksraġigiksi tatavsausiaksraŋa piḷuutivsi.

Numbers 9:7

aasii uqallakłutiŋ, “Salumaitchugut aksiŋavlugu tuquŋaruam timaa, aglaan summan minitaugaqsivisa aitchuutiksraunmun Ataniġmun piqatigilugich Israel-gum kiŋuvaaŋich?”

2 Corinthians 2:15

Qanuq iviġakkikput God alġaqsruutigikaptigu Christ akunġanni iñupayaat, tamatkua annaurrauniaqtuallu suksraunġiqsauniaqtuallu.

Ephesians 5:2

Piviuttaqqutiqpaqaġitchi allanun iñuŋnun, maliġuaġlugu tuvraaksriutaa Christ piviuttaġivluta aitchuutigiŋaruq inmiñik God-mun tuqutauvluni piḷuutaiġukłuta. Tainna pikami, iviġaŋagaa God, taipkunatun ikipkairuatun niġrutinik aitchuikamiŋ ilaanun.

Philippians 4:18

Paŋmapak piqaqtuŋa iluqaiññik pigiraksraġikkamnik, sippaksraqaqtuŋaunnii, aitchuusiaqaqłuŋa iḷaŋaniñ aitchuutivsiññik tuyuutigikkavsiññik Epaphroditus qaimman. Tamatkua tivraġiksuatun ikipkautitun aitchuutauruatun God-mun ittut, akuqtuġnaġumiñaqłutiŋ iviġaumanaqłutiglu ilaanun.