Numbers 27:3 - Iñupiatun Mumiksat Uqalugiksuat

³ “Aapagiraqput tuquŋaruq nunagluktuami iġñiqaġaluaġnani. Maliġuaqtigiraŋiññi Korah-m iḷauŋaiñmiuq, akiḷḷiqsruiruani Ataniġmik; tuquŋaruq pisigivlugu ilaata piḷuutini.

Numbers 27:3 Iomraidhean Croise

Numbers 14:35

Nalunaiqł̣ugu uqallautigigiga tainna aŋalanniaqtilaavsiññik ilivsi piḷuusiqirauruasi atautchimunmukłusi akiḷḷiḷiutiruasii uvamnun. Maani nunagluktuami iluqaqpiuravsi tuquġaaniaqtusi. Uvaŋa, Atanġuruaŋa, uqallaktuŋa.’”

Numbers 16:19

Koram tavra katinŋagaich nunaaqqim iñuŋich, aasii qikaaqsivḷutiŋ sanmivḷugik Moses-lu Aaron-lu paaŋani Tupqum. Tavraŋŋatchiaq qaumanġa Atanġum niptaŋaruq iluqaiññun katittuanun,

Numbers 16:49

Iñuich tuquruat iñugiaktilaaqaŋarut 14,700-tun, kisitkaluaġnagich tuquruat pisigivlugu Korah-m paaqłautaa.

Numbers 26:33

Zelophehad iġñiŋa Hepher-m iġñiqaŋaitchuq, paniqaqsiññaqłuni; Atiŋich Mahlah, Noah, Hoglah, Milcah, suli Tirzah.

Numbers 27:2

Ullautiŋarut sivuġaagnun Moses-gum, Eleazar-vlu aŋaiyyuliqsiqpaum, aullarriḷḷu, iluqaġmiglu nunaaqqiuruat paaŋanun Tupqum Atanġum Nayuqtauviata aasii uqallakłutiŋ,

Numbers 27:4

Iġñiqaŋaisiññaġnivḷugu, summan aapagirapta atqa tammaġniaqpa Israel-miñ? Nunaksritchigulli akunġannun aapapta nanmiñiq iḷaŋisa.”

John 8:21

Jesus uqallautitqiŋagai, Aullaġniaqtuŋa. Ivaġniaġaluaġivsiŋa aasii tuquniaqtusi piḷuusiqiraulusi. Qaiyumiñaitchusi aullaġviksrautimnun.

John 8:24

Uqallautiŋagivsi tuquniaġnivḷusi piḷuusiqiraulusi. Qanukkiuvva ukpiŋisuaġuvsi Christ-gutilaamnik, tuquniaqtusi piḷuusiqiraulusi.

Romans 5:12

Una pisigivlugu iñupayaat piḷuksiŋarut aasii tuquvlutiŋ. Adam iñuqqaaq piḷuksiŋaruq aasii aquvatigun tuquŋaruq. Adam kiŋuniġivlugich iñupayaat, iluqaġmiŋ piḷuksiŋarut aasii tuquruksraġuqłutiŋ.

Romans 5:21

Tavra piḷuun atanniqsimanniŋman iñuŋnik tuqqutauvluni, God-ivli nagliktuutiqpaŋa atanniqsimanniktuq iñuŋnik iñuupkallavlugich isuitchuamun qanuq Atanipta Jesus Christ nalaunŋasipkaŋagai.

Romans 6:23

Kiñaliqaa piḷuusiqirauruaq akiḷiusiaqaġniaqtuq tatavsaqtauluni isuitchuamun, aglaan God-im akiiḷaaq aitchuutigigaa iñuggun isuitchuaq tamatkunuŋa atausiŋŋuqatauruanun Christ Jesus-mun.