Numbers 27:18 - Iñupiatun Mumiksat Uqalugiksuat

¹⁸ Ataniq uqallaktuq Moses-mun, “Joshua piḷugu iġñiŋa Nun-gum, iñuk iḷitqusimnik piqaqtuaq, aasii argatin niaquanuglugich.

Numbers 27:18 Iomraidhean Croise

Genesis 41:38

aasii ilaata uqallautigai, “Paqitchumiñaitchugut iñugił̣haaqtuamik Joseph-miñ, iñuk God-im iḷitqusianik piqaqtuaq.”

Exodus 17:9

Moses-gum uqallautigaa Joshua, “Naliġakkumautin aŋuyagiaqtiksranik Amalek-miunun uvlaaku. Makitaniaqtuŋa qaaŋani qimiqqam tigummiḷugu ayauppiaq God-im tigumiaquraŋa.”

Numbers 11:17

Atqaġluŋa uqaqatiginiaġivsi tavrani; aasii iḷitqutchimiñ iliŋnun qaiñŋaramniñ siamitchiñiaġmiuŋa iliŋiññun; taapkua ikayuġniaġaatin, aasii kisiviñ savaaġiniaŋitkiñ.

Numbers 13:16

Tavra taapkua nalunaqtuakun iḷitchuġiñiaqtit Moses aullaqtinŋaraŋich qimilġuquvlugu nuna. Moses-gum atchitqiŋaraŋa Hoshea iġñiŋa Nun-gum Joshua-mik.

Numbers 27:23

Piraksriutaatun Atanġum, Moses-gum argagni Joshua-m niaquanuŋagaik aasii ataniġnaqusiqł̣ugu inaŋiutillasivḷugu ilimiñun.

John 3:34

Iñuk God-im tiliraŋa uqaqtuq uqaluŋiñik God-im, qanuq God-im aitchuġaa iluqaanik suaŋŋataanik Ilitqusiġiksuam.

Acts 13:3

Tavra niġiḷaitqaaqłutiŋ aŋaiyyuanikamiglu, iḷiŋagaich argatiŋ iliŋiŋnun aasii aullaqtiłługik.

Acts 19:6

Taavruma aquagun, Paul iḷimmagich argaŋni ilaiññun, Ilitqusiġiksuam aŋalarraqsiŋagai, aasii iliŋich uqaŋarut allakanik uqautchiñik nalukkamiŋnik, suli uqaqłutiŋ kaŋiqsiñaqsivḷugich God-im uqaluksriutiŋi.

Acts 6:3

Tavraasii aniqatiit, piksraġitchi tallimat malġuŋnik aŋutinik uqautikkusiaqaġluataqtuanik, aŋalatittuanik Ilitqusiġiksuamun isumattunmullu, savaakkigaksraptiŋnik taavrumiŋa.

Acts 6:6

Taapkua inillaŋagaich sivuġaannun tiliraunikun iḷitchitqurat, aasii aŋaiyyutiŋagaich iḷivḷugiḷḷu argatiŋ ilaiññun.

Deuteronomy 1:37

Pisigivlusi Atanġum qinnautiŋammigaaŋa inna uqallakłuni, ‘Ilvich unii, Moses, isiġniaŋiñmigiñ nuna.

Deuteronomy 3:21

“Tavraasii piraksriġiga Joshua: ‘Qiñiŋaġiñ Atanġum God-ikpich savaaŋa umialiuruagnun Sihon-mullu Og-mullu; tainnasuli piñiaġmiuq umialgutauruanun aŋuyagniakkavsigñun.

Deuteronomy 3:28

Joshua aglaan piraksriqsuġisigiñ. Suaŋŋaktaaġlugu piyummataa, qanukkiataŋ ikaaġutiniaġaich iñuich nunannaktaaġiyyaġlugu tamanna qiñaaġiran.’

Deuteronomy 31:14

Tavra Atanġum uqallautiga a Moses, “Iñuuviksran uvva sivikitchuq, ququulauŋ Joshua Tupiġmun God-im Itqatauvianun, savaaksraŋisigun uqautiyumagiga.” Moses-luasii Joshua-lu tavruŋa tupiġmuŋaruk.

Deuteronomy 31:23

Tavraasii Atanġum uqautiaqsivḷugu Joshua, iġñiŋa Nun-gum, “Suaŋŋatiqaġumautin qapiŋaiḷḷutin. Sivulliuġniaġitin uvva Israel-gum kiŋuvaaŋich nunannaktaaġiniaġniramnun iliŋiññuñ, uvaŋa aasii itqatiginiaġikpiñ.”

Deuteronomy 31:3

Atanġum God-ivsi inmiñik sivulliuġniaġaasi, suksraunġiḷḷaalugit nunat, aasii iñuuniaġviŋit nunannaktaaġipkaġlugit ilivsiññun. Joshua aullarriginiaġiksi, Atanġum uqalua nalaullugu.

Deuteronomy 34:9

Joshua iġñiŋa Nun-gum isumattutiqpaqaŋaruq; uvvakii Moses-gum inillaŋavlugu simmautigisaqługu. Israel-gum kiŋuvaaŋich kamaksriŋarut Joshua-mik Atanġuvlu piraksriutait maliġivlugich qaisaġiŋaraŋich Moses-kun.

1 Timothy 4:14

Atupiaġatakkich piḷḷasipkakkaŋi God-im aitchuutiŋi iliŋnun, satqummiŋakkaŋich God-im uqaqtiŋisa umialiŋnat iḷimmatigik argatiŋ iliŋnun ilaaguaqłutin savaaksriusiaġnun.

1 Timothy 5:22

Qilamiqsruuttaġinagu iḷisiñiaġniq argaŋnik ilaaguaqsiñiksramun iñuŋmik savaaŋanun Atanġum. Patchisauyumiñaqsiñak allat iñuich piḷuutiŋiññun. Qaunakkuiñ iliŋnik piḷuutaitchuglutin.

Hebrews 6:2

iḷisaurrutinik paptaiġutikun, iḷiñiŋanniglu argaŋisa umialiŋnat iñuum niaquanun, aŋŋisaatigullu tuquŋaruat, isuitchuakullu isivġiġvikun.

1 Samuel 16:18

Iḷaŋat savaktiŋisa uqallaktuq, “Jesse samma Bethlehem-miu iġñiqaqtuq atuqtuurayuqtuamik. Ilaa sivuuqqataitchuq suli aŋutigiŋmivḷuni, aŋuyaktilluataq, suli uqayuġmivḷuni. Atanġum nayuġaa.”