Numbers 27:14 - Iñupiatun Mumiksat Uqalugiksuat

¹⁴ qanuq iluqasik akiḷḷiqsruŋarusik pitqurriutimnik nunagluktuaŋani Zin. Iluqaġmiŋ nunaaqqiuruat uqamayugmata akiḷḷiġivluŋa Meribah-mi, iḷisimapkaġuŋiñŋagiksik salumaruaq suaŋŋatiga sivuġaanni.” (Meribah tavra suvliktuaq imiq Kadesh-mi nunagluktuaŋani Zin.)

Numbers 27:14 Iomraidhean Croise

Exodus 17:7

Ini atchiŋagaat Massah-miglu Meribah-miglu, qanukkii Israel-gum kiŋuvaaŋich uqaviḷuŋarut suli uuktuqługu Ataniq apiqsrikamiŋ, “Atanġum imña itqatigivatigut naakka itqatigiŋitpatigut?”

Numbers 13:21

Tavra aŋutit aullaŋarut sallinmun qimilġuŋagaat nuna nunagluktuaŋaniñ Zin kiluaniittuaq tikiḷġataqługu Rehob, qaniŋaniittuaq Hamath Pass-gum salliani.

Numbers 20:1

Sivulliġmi tatqimi iluqaġmi nunaaqqiŋat Israel nunagluktuaŋanuŋarut Zin aasii nullaqłutiŋ Kadesh-mun. Tavrani Miriam tuquŋaruq suli tavrani iḷuviqługu.

Numbers 20:24

“Aaron nunamugniaŋitchuq unniqsuqłiisigiŋaramnun Israel-mun; tuquniaqtuq, qanukkii iluqasik paaqłaŋavlugu piraksriutiga Meribah-mi.

Numbers 20:5

Summan Egypt-miñ aullautiŋaraptigut inigiitchuamun nauriḷaiḷamun? Palauvaksraitchuq, fig-gitchuq, grape-gitchuq, pomegranate-giñmiuq. Imġitchuq unnii imma imiksramik!”

Numbers 27:15

Moses uqallaktuq Ataniġmun,

Acts 7:51

Ilivsi uqaqtuvlu atiruasii iñuich, qanutun ukpiġutaisigirusi uummanmi. Qanutun tusaalaisigirusi God-im uqaluŋiñik maŋŋuuvsisun inmiusi. Ilivsivsauq ataramik paaqłaktaġiksi Ilitqusiġiksuaq.

Deuteronomy 1:37

Pisigivlusi Atanġum qinnautiŋammigaaŋa inna uqallakłuni, ‘Ilvich unii, Moses, isiġniaŋiñmigiñ nuna.

Deuteronomy 4:22

Tuquniaqtuŋa tamaani nunami ikaaġaluaġnagu kuuk, aglaan uvva ilivsi ikaaġaqsirusi nunannaktaaġisaġlugu nunagikpaktuaq.