Numbers 25:2 - Iñupiatun Mumiksat Uqalugiksuat

² Tamatkua aiyugaaqłiqhutiŋ iñugnik ikipkaivigmignun god-igiramignun aasii iñuich niġiŋarut suli purvigivlugich god-iŋich.

Numbers 25:2 Iomraidhean Croise

1 Kings 19:18

Kisiŋŋuqsiñiaqtuŋa 7,000-tun iñugiaktigiruanik Israel-mi, sitquġataŋaitchuanik Baal-mun suli kuniŋaitchuanik iñuuraqpaŋanik.”

Psalms 106:28

Tavraasii God-im iñuŋich iḷḷatiŋaniqsut nanġairuanun Baal iġġiŋani Peor-m suli niġiñagutivlutiŋ aitchuutauruanik tuquŋaranun god-inun.

Exodus 20:5

Purviginiaġnasigich iñuuraqpaich naaggaunnii aŋaiyyuvigilugich, qanukkii uvaŋa Ataniq, ilivsi God-iksi, sigñaturuŋa. Piḷuusiqiguvich tatavsaġniaġikpiñ kiŋuvaatillu tatavsaġniaġitka piŋayuannun, sisamaŋannunaglaan.

Exodus 22:20

“Tuqutaksrauruq iñuk aitchuiruaq allamun god-mun. Aitchuiruksrauruq uvamnun kisian, Ataniġmun.

Exodus 23:24

Purviginasigiŋ iñuuraqpaŋich nanġaġlugiḷḷu suli akuqtuġnasigik ukpiqqutimiktigun pilġusiŋich. Suksraunġiqsuksraġigisi iñuuraqpaŋich suli siqumillugich napaqutaliaŋich uyaġaich.

Exodus 32:6

Uvlaatchaurami uvlaakumman qaġġirriŋarut niġrutinik ikipkautiksranik suli allanik niqiksranik iḷammiuġnikun aitchuutiksranik. Iñuich aquptaaŋarut niqinaqisaqhutiŋ, piuqłaanġipiaġataŋarut aglaan imiqhutiŋ.

1 Corinthians 10:20

Sivuniġigiga ukpiŋaitchuat aitchuikamiŋ ikipkautinik iñuuraqpaŋnun, aitchuirut ilitqusiqł̣uŋnun God-mun pigaluaġnatiŋ. Piqasiqsuutitquŋitkivsi ilitqusiqł̣uŋnun.

Deuteronomy 32:38

Aitchulluataŋagisi iñuuraqpasi quiñiruaŋiññik aitchuutivsi, wine-mik niuqqaksriñmivḷugich. Qaiḷit ikayuġiaġlisi paŋmapak. Upillit annautiyaqtuġlusi.

Revelation 2:14

Aglaan uvva naġġukkutiqaġmiuŋa iñukitchuanik ilivsiññun. Iḷaqaqtusi tuvrairuanik iḷisaurrutiŋiñik Balaam, iḷisaurriŋaruam Balak-mik Israel-guruat piḷuksitquvlugich, niġiḷutiŋ aitchuutauŋaruanik iñuuraqpaŋnun, suli allatuquvlugich.