Numbers 24:9 - Iñupiatun Mumiksat Uqalugiksuat

⁹ Israel lion-ruatun ittuq; Siñigman, kia unnii itiqsaġniaŋitkaa. Kia quviasaaġunmik Israel aitchuqpauŋ quviasaaqtauniaġmiuq, Aasii kia pigiitchuamik Israel aitchuqpauŋ pigiitchuamik piññagniaġmiuq.”

Numbers 24:9 Iomraidhean Croise

Genesis 12:3

Anniqsuusiaqaqtinniaġitka ikayuiruat iliŋnun, Aglaan piaġiiḷḷiuqtinniaġitka piaġiiḷḷiuqtitchiruat ilignun. Aasii ilikkuaġlugu anniqsuusiaqaqtinniaġitka iñupayauraŋi nunam.”

Genesis 27:29

Nunaqpaich kivgaġiyumagitin, suli iñuich purvigilutin. Qaukłiuyumautin nanmiñiq iḷapayaaġnun, suli aakavich kiŋuvaaŋisa purvigiyumagaatin. Piaġiiḷḷiuqtitchiruat ilignun piaġiiḷḷiuġlich, suli iliŋich quviasaaġunmik qaitchiruat iliŋnun quviasaaġusiaqaġumaut.”

Genesis 49:9

Judah ittuq lion-tun, Tuqułługu pisaġinnikhuni aasii utiġmivḷuni sisiŋanun. Isivsalaaqhuni suli nalaqsraaqhuni. Kia unnii alapisaaqsausiitkaa.

1 Kings 10:20

Qulit malġuk lion-git makitaŋarut itchaksrani tunmiġautani, aquani atausiq lion illaavłuni. Aquppiutaqaŋaitchuq tainnasimik sumi allami umialguviuruami.

Esther 6:13

Uqallautiŋagai tuvaaqatini suli avilaitqatipayaurani supayauratigun piruatigun inmigun. Tavraasii tuvaaqataatalu isumaturuallu avilaitqatiŋisa uqallautiŋagaat inna, “Uvvaiḷvich tammaisaiññaġiñ kamanautin Mordecai-mun. Ilaa Jew-guruq, aasii akimayumiñaiŋarutin ilaaniñ. Ilaan akiiḷipiaġataġniaġaatin nalupqinaitchuamik.”

Makpiġaaŋa Job-gum 41:10

Tupaaqtuni iqsiñapiallaktuq; kia saatchumiñaġniaqpauŋ?

Psalms 122:6

Aŋaiyyutigisiuŋ tutqiutiqaqulugu Jerusalem: “Piqpaksriruat iliŋnik piḷḷuatautiqaġumaut.

Psalms 2:12

purvigilugu Ilaa; atakkii akkupapiaq qinnałłakpiaqtuq, akkupaiññaġlu tuqulutin. Quviasuutiqaġlich iluqaġmiŋ Ilaanun annaksaqtuat navianaitchuaqsiuqhutiŋ.

Exodus 23:22

Aglaan kamagiguvsiuŋ suli kamagilugu sunapayaaq piraksriutiga, aŋuyaŋniaġitka akiḷḷipayaurasi.

Numbers 22:12

God-im uqautiniġaa Balaam, “Aullaqatiginagich, suli pigiitchuamik aitchuġnagich iñuŋich Israel, qanukkii quviasaaġusiaqaqtut uvamniñ.”

Numbers 22:6

Iñugiakpaktut, qaiḷutin pigiitchuaq tuttirruŋ iliŋiññun; suagguuq akiisillasigivut aasii qimaktillugich nunamiñ. Iḷisimaruŋa uqallakkavich ikayuunmik, iñuich ikayuusiaqaġuurut, aasii-suli uqallakkavich pigiitchuamik, pigiitchuami ittut.”

Numbers 23:24

Iñuŋich Israel lion-ruatun ittut: Unaŋuiqsialaitchuatun aliktuiganikkaluaġnani suli niġianikkaluaġnani, Imianiqqaaŋaunnagu auŋat tuquttaġmi.”

Numbers 24:10

Balak-gum qinnaliutiŋagaa Balaam, patiutiłłagniġaik argagni; aasii Balak-gum uqallautigaa Balaam, “Ququaŋaraqpiñ uqamaqłuunmik uqallaquvlutin akiḷḷiimnun, aasiuvva, ikayuunmik qaitchisiññaġitin piŋasuiqsuaqługich.

Matthew 25:40

Tavrali Umialgum kiuniaġai, Iḷumun uqallautigivsi, savaaġikavsiuŋ atautchimununnii naglignaġniqsramun makua aniqatiima iḷaŋannun, ilivsi savaaġiŋagiksi uvamnun.

Matthew 25:45

Tavra umialgum kiuniaġai, Iḷumun uqallautigivsi, ikayuġuŋiññavsiuŋ atausiqunnii makua iḷaŋat naglignaqtuat, ikayuġuŋiñŋagivsiŋa.

Acts 9:5

Tavra Saul apiqsriŋaruq, Kiuvich ququularuatin uvamnik? Aasiiḷi ilaan kiuŋagaa, Uvaŋa Jesus-guruŋa, nagliksaaqtitan. [Nagliksautiksriuqsiññaqtutin iliŋnun akiḷḷiḷiqsuqamŋa.]

Deuteronomy 30:7

Ilaan pimaqłuutipayaat tunŋapkaġniaġai akiḷḷivsiññun, uumigirivsiññun nagliksaaqtinŋammasi.