Numbers 24:17 - Iñupiatun Mumiksat Uqalugiksuat

¹⁷ Tautugniaġiga, aglaan akkupaŋiḷaaq; Qiñiġaluaġiga, aglaan qanitkaluaġnagu: aullarri qaiñiaqtuq Jacob-miñ, umialik makinniaqtuq Israel-miñ. Siqummaaġniaġaich qauŋich Moab, suksraunġiġḷugiḷḷu iñuŋich Seth-gum.

Numbers 24:17 Iomraidhean Croise

Genesis 49:10

Judah-m tigummiñiaġaa umialguruam ataniġnaqutaa, Suli kiŋuvaaŋich atanniqsimanniguuniaqtut. Nunaqpauruat qaġġirriñiaqtut ilaanun nanġautauruanik; Suli pullutiŋ sivuġaanun kamakkutiqaġlutiŋ.

2 Samuel 8:14

Ilaa nappaiŋaruq aŋuyaktuat nullaġviksraŋiññik sumiḷiqaa Edom-mi, suli iñuŋich iñugiliutiŋagaich. Atanġum akimapkaqtaŋagaa David sumiḷiqaa.

2 Samuel 8:2

Aasii suli akiiḷimmivḷugich Moab-miut. Tigutaaqtat nallaqtinŋagaich nunamun aasii malġuk piŋasuuruani iñugni tuqułługich. Tavraasii Moab-miut ilaan pigiliutiŋagaich suli akiḷiipkaliqł̣ugich akiḷiqsuaksranik.

2 Kings 3:5

Umialik Ahab aglaan tuqumman, Mesha-m paaqłaŋasiŋagaa Israel.

Psalms 110:2

Zion-miñ Atanġum isaaġutiniaġaa tikkuaġun suaŋŋatiqaqtuaq, uqallakłuni, “Aŋalatchirauniaqtutin akunġanni akiḷḷiqpich.”

Psalms 45:6

Umialgun God-im qaisaŋa ilignun; itchaġataqtuq taimuŋa isuitchuamun. Atanniqsuivḷutin iñugnik pitqiksiġautaitchuakun;

Numbers 21:29

Aḷakkaa ilivsi, iñugiraŋich Moab! Suksraunġiqsaurusi, nanġaqtaqsii Chemosh! God-igiravsi qimmaupkaġaich aŋutit, aasii-suli aġnat tigutaaqtaġiliutivlugich umialgata Amor-miut.

Numbers 24:16

tusaallaruaq sumik God uqallaktilaaŋanik suli iḷisimaruam iḷisimmataanik Qutchigñiqtauruam. Tautuktuuraaqtuŋa God-miñ kamanaqtigiruamiñ. Puttuŋa ilaanun aasii irrakak agmaqtuk.

Luke 1:78

Qanuq God-ikput nagliktuutiqpaqaqtuq piaqłuktautiqaŋitchuġlu uvaptiŋnun. Uvlum nutauruam qausaġatauraġniŋatun inniaqtuq uvaptiŋnun, tilikpagu Annaurri.

Hebrews 1:8

Aglaan Iġñiq God-im uqallausiġiŋagaa, “God-auruatiin, umialguniaqtutin isuitchuamun. Nalaunŋaruaq ataniġnaqun suaŋŋatiginiaġaa umialgutikpich.

Hebrews 7:14

Nalupqinaitchuq Ataniqput maŋŋuqaqtuaguruq Judah-miñ, aasii taapkua maŋŋuġiich Moses uqallausiġiŋaitkai aŋaiyyuliqsiqpautqulugich.

2 Peter 1:19

Taamna pisigilugu nalupqigiŋaimmaġiksaagaksraġigivut iḷumun itilaaŋat uqaluich aglaaŋich God-im uqaqtiŋisa Bible-ni. Nakuuruq ilivsiññun naalaġniguvsigik uqaluŋich, qanuq uqaluŋich ittut qaummaqtun qaummatauruatun unnuami qausaġataġniŋanun aglaan. Uqaluŋisa ikayuġaatigut kaŋiqsiñiksraptigun tikitchiaġivlugu iḷitchuġilluataġniksraqput Christ niptaqpan uvluġiatun iḷitchuqqutauruatun qauyasisilaaŋanik.

Jude 1:11

Qanutun tatamaanaqtigiruaq kasuġumaaġaat. Ilimiŋnik pasirauyumiñaqsiŋarut Cain-tauq piŋaraŋatun ittuamik. Maġġutipiallaŋarut inmiŋnik killuliqutipiaġatanun maniqallatuvaił̣ł̣utiŋ, Balaam-tuttauq. Suksraunġiqsauniaqtut qanuq makivsaallaŋarut akiḷḷiutivlutiŋ Korah-m makivsaallausiatun.

Revelation 1:7

Iḷisimasitchi uvva, ilaa qaiñiaqtuq nuvuyatigun, aasii iñupayaat tautugniaġaat iluqaġmiglu kapiriŋisa. Suli iluqaġmiŋ iñuŋi nunam uiġualaniaqtut isumaaliqpaiḷḷutiŋ ilaa pisigilugu. Tainna piḷi. Amen.

Revelation 11:15

Tavrani tallimat malġuat isaġulgich nipauqłuktaŋaruq. Aasii nipatuvlutiŋ nipit nivliŋarut qiḷaŋmi uqaqłutiŋ, Umialgutaa nunam umialgutigiliutigaa Atanipta Christ-ŋatalu aasii ilaa atanniqsimanniŋniaqtuq taimuŋa isuitchuamun.

Revelation 22:16

Uvaŋa Jesus tiliŋagiga isaġuliga iliŋnun quliaqtuaksrił̣ł̣ugu aŋaiyyuliqiruanun. Uvaŋa maŋŋuuruŋa kiŋuniġigaaŋalu David, qaummaġiksuaq uvluġiaq nuisuuruaq uvlum sivuuraŋani.

1 Samuel 14:38

Tavra Saul uqallaŋaruq qaukłiŋiññun iñuich, “Qaiḷusi iḷitchuġiyyaġitchi sumik piḷuusiqimmagaisa uvlupak.