Numbers 23:4 - Iñupiatun Mumiksat Uqalugiksuat

⁴ aasii God-im kasuŋagaa. Balaam-gum uqallautigaa, “Ikipkaiviḷiuŋaruŋa tallimat malġugnik aasii aitchuivḷuŋa aŋusalluġruamik suli aŋusallumik imnaimik ikipkaiviḷḷaami.”

Numbers 23:4 Iomraidhean Croise

Numbers 22:20

Unnuaġman tavrani God-im ullaŋagaa Balaam aasii uqallautivlugu, “Ukua aŋutit apiqsruqpatin aullautisuglutin, itqanaiyaġumautin, aglaan kisian sutqugupkiñ kamagiluŋa.”

Numbers 22:9

God-im ullaŋagaa Balaam aasii apiqsruqługu, “Kitkut marra makua iñuich iligni ittuat?”

Numbers 23:1

Balaam-gum uqallautigaa Balak, “Tallimat malġugnik ikipkaiviḷiuġutiŋŋa uvuŋa, itqanaiqsiḷutin tallimat malġugnik aŋusalluġruanik suli tallimat malġugnik aŋusallunik imnaiñik.”

Numbers 23:16

Atanġum kasuŋagaa Balaam, uqallautivlugu qanuq uqaluksraŋiñik, aasii Balak-muktitqikł̣ugu uqautitquvlugu.

Numbers 23:3

Tavra Balaam-gum uqallautiŋagaa Balak, “Uumani makitallagiñ aitchuutikpich saniġaanni, avuŋaqtaallagluŋa Ataniġmun kasuġniaġmagaaġiaqtilluŋa. Uqallautiniaġikpiñ qanuq sumik iḷitchuġipkaqpaŋa.” Tavraasii kisimi qaaŋanuŋaruq qimiqqam,

Numbers 23:5

Atanġum uqallautigaa Balaam uqaluksraŋanik aasii tilivḷugu Balak-mun kiligiaquvlugu.

Matthew 20:12

uqaqłutiŋ, Ukua uvva aqulliich savaktut atausił̣hiñami ikarraġmi, aasiuvva ilivich atunim piqasiutigitin uvaptiŋnun igḷutuqługu uunnaq savaktuanun uvluqtutilaaŋatun.

Luke 18:12

Niġiḷaitchuuruŋa aŋaiyyuuġnimni malġuiqsuaqługu savaiññaak akunġak. Aitchuisuummiuŋa quliŋŋuġutiŋiññik supayaat piġġaktaaġma.

John 16:2

Iñuich aninniaġaasi Jew-guruat aŋaiyyuviŋiññiñ. Iḷumutun, piviksraq tikitchumaaqtuq qakugu kiapayaaq tuqutkumisi isumaniaqtuq ilaa savaurriñasugaluni God-mik.

Romans 3:27

Tainnainniġman, uqavigaaġutiksraipiaqtugut qanuq nalaunŋasiyumiñaitchugut kamagilugich God-im pitquraŋi. Nalaunŋasipkaqtaurugut ukpiġutiptigun,

Ephesians 2:9

Annaurrauŋaitchusi pisigilugich piḷġusiḷḷuatasi. Annaurraullaniġuvsi piḷġusiḷḷuatasi pisigilugich, iñuk uqavigaaġutiksraqaġniaġaluaqtuq.