Numbers 23:23 - Iñupiatun Mumiksat Uqalugiksuat

²³ Aanġuaqtuutaitchuq, aŋatkularuanik, Suaŋŋataitchut anniġuġlugu Israel. Tavra iñuich uqaġniaqtut Israel-kun, ‘Qiñiqsiuŋ qanuq God savaŋatilaaŋa!’

Numbers 23:23 Iomraidhean Croise

Genesis 3:15

Uumikkutigiiksinniaġivsik aġnaġlu; iluqasik kiŋuvaasik uumikkutigiiguuniaqtut. Kiŋuvaaŋata karugniaġaa niaqqun, aasiiḷi kiŋuvaaqpich kiiñiaġaa kimmiŋa.”

Psalms 31:19

Qanutun kamanaqtigiva nakuuniġiñ, Ilvich tutquqsimaran tamatkunuŋa qiksigirignun! Kiapayaam iḷitchuġiŋagaa qanutun nakuutilaan, annaksimaaġviurutin ukpiqtuanun Ilignun.

Psalms 64:9

Iluqaġmiŋ iqsitchagniaqtut; isumalaaġutiginiaġaich God-im nalautittaŋich aasii uqausiġilugich savaaŋich.

Numbers 24:1

Balaam puttuqsriruq Atanġum quviasaaġunmik aitchuqummagich iñuŋich Israel, aŋatkuaġaŋitchuq, sivuani piusimisun. Saanŋagaa nunagluktuaq

Matthew 12:25

Jesus iḷisimavlugich isumaŋich, uqallautiŋagai, Nunauruat atinġiqł̣utiŋ aŋuyautikamiŋ inmiŋnun suksraunġiġuurut. Suli iniqpakkaluaq naaggaunnii igluqpaum iñuŋi atinġiqamiŋ suksraunġiġñiaqtut inmiŋnik.

Matthew 12:27

Aasii uvaŋa anittaġupkich ilitqusiqł̣uich Beelzebul-kun, kikulli maliġuaqtivsi anittaġuuvatigik? Tavra iliŋich isivġiqsiginiaġisi iḷisimanaqsiḷugu killukuapiaġataqtilaaqsi.

Matthew 16:18

Aasii uqallautigikpiñ, ilivich Peter-aurutin, sivuniqaqtuaq Uyaġagmik, aasii taavrumuŋa uyaġagmun nappaġniaġiga aŋaiyyuviga, aasii suaŋŋatipayauraŋisa Tuunġaum payariyumiñaitkaat.

John 11:47

Tavra aŋaiyyuliqsiqpaich Pharisees-lu katinŋagaich ataniġnaqusiraqtuat aasii uqallakłutiŋ, Qanuġniaqpisa? Qanuq taimña iñuk savaktuq iñugiaktuanik aliuġnaqtuanik ukpiġnaqtuanik iñuŋnun.

Acts 10:38

Iḷisimammiusi Jesus Nazareth-miukun, God-im suaŋŋasikkaŋagun kuvivḷugu Ilitqusiġiksuani ilaanun. Iḷisimammiusi Jesus kukiḷuŋanivḷugu nakuurualiqivluni, iłuaqsivḷugiḷḷu iluqaisa iłuiḷḷiuqtitaŋi Tuunġaum, God-im itqatigivlugu.

Acts 15:12

Tavra iluqaġmiŋ kasimaruat nipaiñŋarut, naalaktuaqługik Barnabas-lu Paul-lu quliaqtuaqtillugik qanutchisigun aliuġnaqtuatigun ukpiġnaqsiḷiġutitigun God-im savaaŋigun ilimikkun akunġanni Jew-guŋitchuat.

Acts 4:16

uqaqłutiŋ, Qanuġniaqpisigik apkuak iññuk? Qanuq-uvva iñupayaat iñuuruat Jerusalem-mi iḷisimagaat suqpauruaq aliuġnaqtuaq savaaŋak taamapkuak, aasii piiḷaaġiyumiñaitkikput.

Acts 5:12

Tavra akunġanni iñuich tiliraunikun iḷitchitqurat piŋarut iñugiaktuanik aliuġnaqtuanik nalupqinaiyautauruanik uqaluŋmiŋ iḷumun itilaaŋanik. Tavra iluqaġmiŋ ukpiqtuat kasimaŋarut atautchimi Taġġisimaaġviŋmi Solomon atqanik atiqaqtuami.

Acts 5:14

Aglaan iñugiaksisaiññaŋarut iñuich iḷaliutiruat ukpiqtuanun, aŋutisalaiḷḷu aġnallu ukpiliqsuat Ataniġmun.

Romans 16:20

Tainna iñuusiqaġuvsi, God-im aŋuyautairrutiqaqtitchiruam akiisinniaġaa Tuunġaq, ilivsiññun tunmalugimmatun siqumiłługu. Nagliktuutiqpaŋata Atanipta Jesus Christ itqatigilisi.

Deuteronomy 3:24

‘Qutchigniqsrauruatiin Ataniiq, iḷisimaruŋa qiñiqtittaġma aullaqisaaġutiłhiñaŋiññik kamanaqtuat aliuġnaqtuallu savaaġiniaqtatin. Allamik god-aitchuq qiḷagmi nunamiunnii iliktun savallaruamik aliunaqtuanik!

Revelation 12:9

Tavra kamanaqtuaq nimiġiaqłuk igitauŋaruq anmun. Taamna aippaaġnisaq nimiġiaq, atiqaqtuaq Tuunġaġmik Satan-miglu, sagluqiraqtiŋat iñupayaurat nunami. Ilaa igitauŋaruq nunamun, suli isaġuliŋi igitqatauŋarut.