Numbers 23:22 - Iñupiatun Mumiksat Uqalugiksuat

²² God-im qaġġisiŋagaich Egypt-miñ; Suaŋŋatiqaqtigiruq God qimuktiġruatun.

Numbers 23:22 Iomraidhean Croise

Psalms 22:21

Annauttuŋŋa laiyaqpagniñ; akiḷḷiliqsuutiksraitkitkaukua aŋusalluŋich niġrułłuich.

Psalms 68:35

Ilviñ God-auruatiin, kamanaqłutin qiksiginaqtutin aŋaiyyuvigñi. Israel-gum God-iŋa qaitchisuuruq sayaksramik suaŋŋanmiglu iñugmiñun. Nanġaġli God!

Psalms 92:10

Kamanaqsiḷiġniaġiŋma suaŋaruatun qimuktitun; kuviŋagigma uqsruġiksuamik quviasuunmik.

Exodus 12:41

430-iuruat ukiut naanmata, iluqaġmiŋ Atanġum iñuŋiñun aullaŋarut Egypt-miñ.

Exodus 12:51

Taaptumani uvlumi Atanġum aullautiŋagaich Israel-gum kiŋuvaaŋich Egypt-miñ.

Exodus 14:18

Akiisitkupkich, Egypt-miuguruat iḷisimaniaqtut uvaŋa Atanġutilaamnik.”

Exodus 20:2

“Uvaŋa Ataniq God-iksi Egypt-miñ annaurriksi, kivgauvivsigñiñ.

Exodus 9:16

Aglaan iñuupkaġivsi iḷitchuġitquvługich iñupayaat suaŋŋatimnik suli Atiġa siamitautquvlugu iluqaani nunami.

Numbers 22:5

tilisiŋaruq kivganik qaitquvlugu Balaam, iġñiŋa Beor-m, Pethor-miittuaq qaniŋani Euphrates River-m Amaw-m nunaŋani. Kiligiaŋagaat uumiŋa Balak-miñ: “Iḷisimatqugikpiñ uvva iñusalaich qaiŋarut Egypt-miñ; iñuŋich marra siaminŋarut sumipayaaq inillakhutiŋ nunaiġukłuta.

Numbers 24:8

God-im Egypt-minŋautiŋagai; suaŋŋatiqaqtigiruq qimuktiġruatun, Suksraunġiġñiaġai nunaqpaich akiḷḷiiriñi, suli navguġlugich sauniŋich kanuqqiḷugich, tapiglakługich qaġrumigñik.

Deuteronomy 33:17

Joseph suaŋŋatiqaqtigiruq suaŋŋataatun aŋusallum qimuktim. Nagruuk pamiqsaaguŋaitchuatun. Nagruuk arriqaqtuk Manasseh-m aŋuyaktisalaŋisun 1,000-tun suli Ephraim 10,000-tun aŋuyaktiŋisun. Nagruŋmigaqługit nunaqpait uŋuġrugiraġigaich isuanunaglaan nunam.”