Numbers 23:21 - Iñupiatun Mumiksat Uqalugiksuat

²¹ Jacob-gum kiŋuniiŋi anniqsauniaŋitchut, qiñiġnaitchuq isumaaluunmik Israel-mi. Atanġum God-iŋatta itqatigigai; Nipatuvlutiŋ quliaġaat umialiginivḷugu.

Numbers 23:21 Iomraidhean Croise

Psalms 103:12

Uŋasiksilaaŋatun tatqavaŋŋamiñ taavuŋanmun tainnatun piiŋagaich piḷuutivut uvaptigniñ.

Psalms 118:15

Naalaġnisigik quviasuktuat akimmanmi tupiŋiñi iluaqtualiqirauruat: “Atanġum taliqpik argaŋa savaŋaruq kamanaqtuanik!

Psalms 135:21

Nanġaqsiuŋ Ataniq Zion-mi, Jerusalem-mi, ilaata aimmiviani. Nanġaqsiuŋ Ataniq!

Psalms 23:4

Tavraasii, pisuaġaluaġuma natiġnaŋagun tuqqutim taġġaŋata, Iqsiñiaŋitchuŋa pigiitchuamik, qanuq itqatigigigma. Anaullaugauraqpich ayauppiaqpiḷḷu tutqiksitkaanŋa.

Psalms 32:2

Iñuk quviasugli Atanġum pasiŋitchaŋa killuliqiniḷugu pasiraksraił̣ł̣uni iḷitqusimiñi saglutaġautipayaaniñ.

Psalms 32:5

Kiisaimmaa quliaqpatka piḷuutitka Ilignun; Iḷakutchiŋaiqł̣ugich killukuaġutitka. Sivunniqł̣uŋa quliaġupiallakługich Ilignun, aasii suliqutigiŋaiġiñ pasirauniġa piḷuusiqiapkun.

Psalms 46:11

Atanġum Sapiġñaġniqsrauruam nayuġaatigut; God-iŋa Jacob-gum uqqisimaaġvigigikput.

Psalms 46:7

Atanġum Sapiġñaġniqsrauruam nayuġaatigut; God-iŋa Jacob-gum uqqisimaaġvigigikput.

Psalms 97:1

Ataniq umialguruq, nuna quviasugli! Quviatalasitchi, taġiuġmiuguruasii!

Psalms 99:2

Ataniq kamanaqtuq Zion-mi; suli kamanaġniqtauvluni nunaqpapayaaniñ.

Exodus 13:21

Uvlumi Atanġum sivulliuŋagai nuvuyamik takiłhuaŋaaqtuamik iglauyaaksraŋannik, aasii unnuami igniġmik takiłhuaŋaaqtuamik nanniqsimavlugich, iglaullasivḷugich unnuamiḷu uvlumiḷu.

Exodus 3:12

God-im kiugaa, “Itqatiginiaġikpiñ, aasii qaġġisigupkich iñuich Egypt-miñ, nanġautiqaġniaqtutin uvamnun uumani iġġimi. Taamna nalupqinaiġutauniaqtuq uvamnun tiliŋatilaaġnik.”

Exodus 34:9

Uqallaktuq, “Ataniiq, iviġaumagipiaġumŋa, aullaqatigiyumiñaqpisigut. Ukua uvva iñuich sivunmuuturut, aglaan suliqutigiŋaikkich pigiiḷḷiqutivut piḷuutivullu, aasii akuqtuġluta iñugiliutiluta ilvich.”

Leviticus 9:24

Tavraŋŋatchiaq Ataniq qaipkaiŋaruq igniġmik, aasii ikipkaqługich aitchuutauruat qaunnaviñġiḷḷu ikipkaivigmiittuat. Iñuich tautukkamirruŋ avaallaŋarut aasi punŋarut kiiññatiŋ aksiutivlugich nunamun.

Numbers 14:18

‘Uvaŋa, Atanġuruaŋa, qinnaliqsiġiitchuaguruŋa, suli maniuqtuaqługu piqpakkutiqpak suli ukpiġnaġniq suliqutigiŋaiġullu piḷuutinun, suli paaqłaktautiqaqtuanun. Tavraaglaan tatavsautiqaŋitchumiñaitchuŋa miqłiqtunun tutaaluuuruanullu piŋayuannun suli sisamaŋannun kiŋuniġiiguruat piḷuutigiraŋiññun aŋayuqaaġiraŋisa.’

Numbers 14:19

Tavraasii Ataniiq, kamanaqtuaguniŋani allaŋŋuqtauraŋitchuam nakuaqqutikpich, suliqutigiŋaikkich, aŋaiyyuruŋa, piḷuutiŋich ukua iñuich, suliqutigiŋaiqsimaaġusiqsun aullaġataġmataqaŋa Egypt-miñ.”

Numbers 16:3

Katiłłutiŋ sivuġaanugniqsut Moses-guvlu Aaron-guvlu aasii uqautivlugik, “Iŋattaqpaitchusik uvva! Iluqaġmiŋ nunaaqqim iñugiraŋich salumarut, suli Ataniq itqatauruq iliŋiññun. Summan, aasii uvva, Moses, aullarriñagutiviñ Atanġum iñuŋiññik?”

Numbers 9:22

Uvlut malġuugaluaqpata, tatqiq naatkaluaqpan, ukiuq naatkaluaqpan, naaggaunnii sivisułhaaġluni, tavra nuviya qulaaniinman Tupqum, aullalaitchut; qunmugman aglaan, aullallaavlutiŋ.

Matthew 1:23

“Aŋusiuŋaitchuaq siŋaiyauniaqtuq aasii iġñiqaġluni, aasii atiqaġniaqtuq Emmanuel-mik, sivuniqaqtuamik, God-im itqatigigaatigut.”

Romans 6:14

Piḷuutim aŋalataġiŋaiġñiaġaasi, qanuq iñuuŋaiŋarusi kamaginiataglugich pitqurat, aglaan iñuurusi God-im nagliktuutiqpaŋagun.

Romans 8:1

Tavra paŋmapak suksraunġiqsauyumiñaitchut tamatkua atausiŋŋuqatauruat Christ Jesus-mun.

2 Corinthians 2:14

Aglaan God quyyavigirauli ataramik akimapkairuaq uvaptiŋnik pisigivlugu atausiŋŋuqatauŋaniqput Christ-lu, suli tilisiruaq uvaptiŋnik sumulliqaa, quliaqtuaġutitquvlugich iñuich Christ-mik.

2 Corinthians 5:19

Sivuniġigiga Christ tuqqutaagun, God-im iḷauraaliuŋagai nunam iñuŋi, pasiŋaiqł̣ugich piḷuutiŋisigun. Aasii ilaan piksraqtaaġiŋagaatigut alġaqsruutigitquvlugu uqaluksrirrutini iḷauraaliuġnikun God-mik.

2 Corinthians 6:16

Taapkunatuttauq God-im aŋaiyyuvikpaŋa imaqaġumiñaiñmiuq iñuuraqpaŋmik. Uvagut ukpiqtuaguruaguut God-im aŋaiyyuvikpaŋatun ittugut, qanuq ilaa iñuuruq iḷuptiŋni, Bible-ni uqallausiġmisun inna, “Uvaŋa iñuuniaqtuŋa iḷuŋiññi, suli kukiḷugluŋa akunġanni. Uvaŋa God-iginiaġaanŋa aasiiḷi iliŋich uvaŋa iñugilugich.

Deuteronomy 31:23

Tavraasii Atanġum uqautiaqsivḷugu Joshua, iġñiŋa Nun-gum, “Suaŋŋatiqaġumautin qapiŋaiḷḷutin. Sivulliuġniaġitin uvva Israel-gum kiŋuvaaŋich nunannaktaaġiniaġniramnun iliŋiññuñ, uvaŋa aasii itqatiginiaġikpiñ.”

Deuteronomy 32:5

Ilivsiḷi aglaan uvva ukpiġnaitchusi, nalliummatiŋitchusi iñuginiaqpasi, piḷuktuaguvlusi pisaasuġmiaqtuaġuuruasii nunaat.

Deuteronomy 33:5

Tavraasii Ataniq umialliutiŋaruq iñuŋmiñun Israel-gum kiŋuvaaŋiññun, kiŋuniġiiguruat aullarriŋiḷḷu atautchimugmata.

Deuteronomy 9:24

Tavra nayuqsiutikavsiqaŋa paaqłaktuaġiksi Ataniq.

1 Samuel 25:28

Suliqutigiŋaiŋŋa, aŋuun, killukuaqtautipayaamnik. Atanġum umialiguqtinniaġaatin, suli kiŋuvaatin, qanukkii ilvich aŋuyautigiñ; suli ilvich piḷuktuamik savagniaŋitchutin iñuuniqtutilaaqtun.