Numbers 22:6 - Iñupiatun Mumiksat Uqalugiksuat

⁶ Iñugiakpaktut, qaiḷutin pigiitchuaq tuttirruŋ iliŋiññun; suagguuq akiisillasigivut aasii qimaktillugich nunamiñ. Iḷisimaruŋa uqallakkavich ikayuunmik, iñuich ikayuusiaqaġuurut, aasii-suli uqallakkavich pigiitchuamik, pigiitchuami ittut.”

Numbers 22:6 Iomraidhean Croise

Genesis 12:3

Anniqsuusiaqaqtinniaġitka ikayuiruat iliŋnun, Aglaan piaġiiḷḷiuqtinniaġitka piaġiiḷḷiuqtitchiruat ilignun. Aasii ilikkuaġlugu anniqsuusiaqaqtinniaġitka iñupayauraŋi nunam.”

Genesis 27:29

Nunaqpaich kivgaġiyumagitin, suli iñuich purvigilutin. Qaukłiuyumautin nanmiñiq iḷapayaaġnun, suli aakavich kiŋuvaaŋisa purvigiyumagaatin. Piaġiiḷḷiuqtitchiruat ilignun piaġiiḷḷiuġlich, suli iliŋich quviasaaġunmik qaitchiruat iliŋnun quviasaaġusiaqaġumaut.”

1 Kings 22:13

Tavraasii, atanauram aikł̣iqsuam Micaiah-mik uqallautigaa, “Iluqaġmiŋ uqaqtit uqautigigaat piḷḷuataġniaġnivḷugu umialik, aasii tainnali ilvich piruksraurutin.”

1 Kings 22:6

Tavraasii Ahab-gum ququaŋagaich uqaqtit, 400-tun iñugiaktigikavsaktuat, aasii apiġivlugich, “Aŋuyagiaġniaqpigu Ramoth, naakka aŋuyagiaġniaŋitpigu?” “Aŋuyagiaġuŋ,” kiugaat. “Atanġum akimapkaġniaġaasi.”

1 Kings 22:8

Ahab-gum kiugaa, “Imma suli atausivsaaq ittuq, Micaiah iġñiŋa Imlah-m. Aglaan uumigigiga qanukkii uqallautiqalaitchuq nakuuruamik uvamnun.” “Tainna uqallaktuksrauŋitchutin!” Jehoshaphat-gum kiugaa.

Psalms 109:28

Uqamaqłuutiniaġaluaġaanŋa, aglaan ilvich quviasaaġniaġiŋma. Piyuaqtitka kanŋutchaglich; aglaan uvaŋa, kivgauruaŋa iliŋnun quyyatiqaġlaŋa.

Proverbs 26:2

Pimaqłuktinniaġutit anniġumiñaitkaatin patchisauŋisuaġuvich. Qupałuktun arriqaqtut qulausiññaqtuatun.

Numbers 22:12

God-im uqautiniġaa Balaam, “Aullaqatiginagich, suli pigiitchuamik aitchuġnagich iñuŋich Israel, qanukkii quviasaaġusiaqaqtut uvamniñ.”

Numbers 22:17

Qutchiksiḷiġlutin akiḷiḷḷuataġniaġikpiñ suli kamagilutin qanuq uqallapayaaġuvich. Qaiḷutin pigiitchuamik aitchuġiakkich ukua iñuich.”

Numbers 23:13

Balak-gum aasii uqallautigaa Balaam, “Allamun inimuqasiŋŋa tautugnaġlugich iḷałhiñaŋich iñuŋich Israel. Pigiitchuamik aitchuqsaġitin taamaŋŋa.”

Numbers 23:27

Balak uqallaktuq, “Qaiñ maliŋŋa, allamun inimuutiniaġikpiñ. Uvamnun suagguuq God-im pigiitchuamik pipkaġumiñaġniaġaatin taikaŋŋa.”

Numbers 24:9

Israel lion-ruatun ittuq; Siñigman, kia unnii itiqsaġniaŋitkaa. Kia quviasaaġunmik Israel aitchuqpauŋ quviasaaqtauniaġmiuq, Aasii kia pigiitchuamik Israel aitchuqpauŋ pigiitchuamik piññagniaġmiuq.”

Acts 16:16

Iḷaanni aullalgiññapta aŋaiyyuliaġvikaamun paaŋagaatigut kivgam niviaqsiam ilitqusiqł̣uqaġniqsuam nalautchaġuuvluni sunik piyumaaqtuanik. Ilaan pigirini maniññakpautisuunikkaŋi nalautchuġaqłuni.

Deuteronomy 23:4

Ikayuġuŋiñŋammasi niqikun imikullu pigruqavsi nunaŋaniñ Egypt-gum, iliŋisalu akiḷiqł̣ugu Balaam Peor-m iġñiŋa, nunaaqianiñ Pethor-m Mesopotamia-miittuam, uqallamaqłuutitquŋammasi.

1 Samuel 17:43

Uqallaktuq David-mun, “Suksraun una taamna qiruuraq? Qimmiunasugiviŋa?” Aasii uqallamaqłuutinik ququaqtuq god-imiñiñ David-mun.