Numbers 22:12 - Iñupiatun Mumiksat Uqalugiksuat

¹² God-im uqautiniġaa Balaam, “Aullaqatiginagich, suli pigiitchuamik aitchuġnagich iñuŋich Israel, qanukkii quviasaaġusiaqaqtut uvamniñ.”

Numbers 22:12 Iomraidhean Croise

Genesis 12:2

Iñugiaktuanik kiŋuvaaksriññiaġikpiñ, aasii nunaqpaguġniaqtut. Piḷḷuatautiqaqtinniaġikpiñ atqiḷḷu kamanaqtuaġuġlugu, tainnaptauq ilvich anniqsuutauniaqtutin.

Psalms 144:15

Quviasuutiqaġlich nunaqpauruat taapkunatun ittuat; quviasuglich iñuich God-iqaqtuat Ataniġmik!

Psalms 146:5

Quviasuglich God-iŋanik Jacob ikayuqtiqaġuuruat suli tunŋavigivlugu Ataniq God-iktiŋ,

Numbers 22:11

iñuich amma qaiŋanivḷugich Egypt-miñ nuna iluqaan siḷviłługu. Pigiitchuamik aitchuqugai uvamniñ, aŋuyallasukługich aasii aullaqtillugich.”

Numbers 22:13

Uvlaaġmagu Balaam-gum ullaŋagaich Balak-gum kivgaŋich aasii uqallautivlugich, “Aisitchi; Atanġum aullaqatigitquŋitkaasi.”

Numbers 22:6

Iñugiakpaktut, qaiḷutin pigiitchuaq tuttirruŋ iliŋiññun; suagguuq akiisillasigivut aasii qimaktillugich nunamiñ. Iḷisimaruŋa uqallakkavich ikayuunmik, iñuich ikayuusiaqaġuurut, aasii-suli uqallakkavich pigiitchuamik, pigiitchuami ittut.”

Numbers 23:23

Aanġuaqtuutaitchuq, aŋatkularuanik, Suaŋŋataitchut anniġuġlugu Israel. Tavra iñuich uqaġniaqtut Israel-kun, ‘Qiñiqsiuŋ qanuq God savaŋatilaaŋa!’

Numbers 23:3

Tavra Balaam-gum uqallautiŋagaa Balak, “Uumani makitallagiñ aitchuutikpich saniġaanni, avuŋaqtaallagluŋa Ataniġmun kasuġniaġmagaaġiaqtilluŋa. Uqallautiniaġikpiñ qanuq sumik iḷitchuġipkaqpaŋa.” Tavraasii kisimi qaaŋanuŋaruq qimiqqam,

Numbers 23:8

Qanuġluŋa pigiitchuamik qaitchiñiaqtuaŋa God-im qaiñŋaisaŋanik, Naakkaunnii uqaġluŋa suksraunġiunmik Atanġum suksraaŋaitchaŋanun?

Numbers 24:9

Israel lion-ruatun ittuq; Siñigman, kia unnii itiqsaġniaŋitkaa. Kia quviasaaġunmik Israel aitchuqpauŋ quviasaaqtauniaġmiuq, Aasii kia pigiitchuamik Israel aitchuqpauŋ pigiitchuamik piññagniaġmiuq.”

Matthew 27:19

Tavra Pilate isivġiipkaqtillugu isivġiġvium aquppiutaŋiñi, nuliaŋan tilisivigiŋagaa uqaluŋmik, Iḷaksianagu taamna nalaunŋaruaq iñuk, qanuq iłuiḷḷiuġutigillakkiga ilaa unnuapak siññaktuġivlugu.

Romans 11:29

God-im aitchuikami aitchuutinik suli ququaqamigich iñuich, aŋiuqsiḷaitchuq uqaluŋmiñik aglaan taŋŋiġuugai unniqsuqłiisini.

Ephesians 1:3

Nanġaġlakput God, Aapaŋa Atanipta Jesus Christ, qanuq atausiŋŋuqatigiŋakaptigu Christ, ilaan aitchuŋagaatigut anniqsuutauyumiñapayauraqtuanik uvaptiŋnun itqanaiqsaqłuta qiḷaŋmuŋniksraptiŋnun.

Deuteronomy 2:7

“Itqaumagilugu ikayuusiaqsi Ataniġmiñ God-ivsiññiñ suraġausipayaavsigun. Qaunagiŋagaasi kukiḷugvigisugrukavsiuŋ nunagluktuami. Nayuŋagaasi malġukipiani (40) ukiuni, suiḷḷiuqtinŋaitkaasi.

Deuteronomy 23:5

Aglaan Atanġum God-ivsi naalaġniŋaitkaa Balaam; aasii piḷḷuatausiusiaksravsigñun mumiksinŋagaa pimaqłuutiksrakkaluaqsi, qanukkii Atanġum God-ivsi nakuaġivlusi.

Deuteronomy 28:6

“Atanġum piḷḷuataqtinniaġaasi suliqipayaaġuvsi.

Deuteronomy 33:29

Israel-gum kiŋuvaaŋich, qanutun quviasuktigivisi! Ilivsitun ittuamik piitchuq, nunaqpak annautikkaŋatun Atanġata. Atanġum inmiñik akkiaġautauruam savikpauvluniḷu ilivsiññun, sapunniaġukłusi akimmatisimaaġlusiḷu. Akiḷḷisi nagligitqugisigaluaqtut, tunmalugisiññaġniaġisi.

Deuteronomy 7:14

Nunam iñuŋi ilivsiksun piḷḷuatautiqaqtigiyumiñaitchut. Suli pamiqsaasi nalliat unnii ivaaqalaitchumiñaitchuq, naakka ilivsi aŋutit aġnallu miqłiqsisuitchuaguyumiñaiñmiut.