Numbers 21:7 - Iñupiatun Mumiksat Uqalugiksuat

⁷ Iñuich Moses ullakługu uqaġniqsut, “Piḷuusiqirugut uqaqapta akiḷḷiġivlugu Ataniq suli ilvich. Aŋaiyyutisigut Ataniġmun makkua nimiġiat piiqulugich.” Tavra Moses-gum aŋaiyyutiŋagai.

Numbers 21:7 Iomraidhean Croise

Genesis 20:17

Tavraasii Abraham-gum aŋaiyyutiŋagaa Abimelech, aasii God-im iłuaqsipkaqługu, iłuaqsipkaqługulu nuliaŋa kivgaŋiḷḷu aġnat, miqłiqsiullasivḷugich. Uvvakii Atanġum miqłiqtuqallaiyaŋavlugich aġnat Abimelech-gum igluqpaŋaniittuat, pisigivlugu Abraham-gum nuliaŋa Sarah.

Genesis 20:7

Aglaan uvva, qaitqiguŋ aġnaq uiŋanun. Uqaqtauruq God-mun, suli aŋaiyyutiniaġaatin, tuquŋitchumautin. Aglaan utiqtinŋisuaġupku, tavra kilikkikpiñ tuquniaqtutin, ilviḷḷu suli iluqaġmiŋ iñugiratin.”

1 Kings 13:6

Umialgum Jeroboam-gum uqallautigaa God-im uqaqtaa, “Aŋaiyyutiŋŋa Ataniġmun God-ignun, aasii apiġilugu mamititqulugu argaga!” God-im uqaqtaa aŋaiyyuruq Ataniġmun, aasii umialgum argaŋa iłuaqsivḷuni irrusimisun.

2 Kings 13:4

Tavra Jehoahaz aŋaiyyuŋaruq Ataniġmun, aasii Atanġum, qiñiqługu qanutun nagliksaaqtinniktigiruaq umialga Syria-m Israel-miuguruanik, kiuŋagaa aŋaiyyutaa.

Makpiġaaŋa Job-gum 42:10

Tavra Job-gum aŋaiyyutianigmagi piŋasut avilaitqatini, Atanġum piḷḷuatautiqatqiksinŋagaa aitchuqługulu malġuiqsuaqługu sivuaniñ pigikkaŋiññiñ.

Makpiġaaŋa Job-gum 42:8

Tavraasii Job-muutisigich tallimat malġuuk aŋusalluŋich qimuktit, tallimat malġuuglu aŋusalluŋich imnaich aasii ikipkaġlugich aitchuutigilugich ilivsiññun. Job-gum aŋaiyyutiniaġaasi, aasii kiuniaġiga aŋaiyyutaa, kanŋutchaktitauŋitchumausii tatavsausiaksravsisun. Iḷumun uqausiġiŋaitkivsiŋa Job-tun.”

Psalms 106:23

God uqallagman suksraunġiġñiaġnivḷugich iñuni, piksraqtaaġivlugu kivgani, Moses, makitaŋaniqsuq sivuġaani God-im, paaqłaŋanigaa God aasii suksraunġiqsinŋił̣ł̣ugich iñuich.

Psalms 78:34

Tuquttaġimmagich iḷatiŋ, iñuuruat saattaqtut ilaanun; isumalitqikł̣utiŋ aŋaiyyuvigiraġigaat katchuŋaiqł̣utiŋ.

Exodus 10:17

Suliqutigiŋaiqsiuŋ piḷuutiga atausivsaami aasii aŋaiyyulusik Ataniġmun God-ivsiññun piiqulugu uvamniñ una tatavsaun tuqqutauniaqtuaq.”

Exodus 32:11

Aglaan Moses-gum iŋiulagaa Ataniq God-ini aasii uqaqhuni, “Ataniiq, summan uvva qinnautivigich iñugiratin, annautianiŋaratin Egypt-miñ sapiġñaqtuakun suli suaŋŋatikkun?

Exodus 32:30

Uvlaakumman Moses-gum uqautigai iñuich, “Savaŋarusi piaġiitchuamik piḷuunmik. Aglaan uvva mayuvsaaġniaqtuŋa iġġimun Ataniġmun; suagguuq suliqutigiŋaiḷḷaniaġaa piḷuusiqiaqsi.”

Exodus 8:28

Pharaoh uqallaktuq, “Aullaqtinniaġivsi aitchuisaqtuġumausi ikipkaiḷusi Ataniġmun, God-ivsiññun, nunagluktuami, uŋasiksuamuŋitkuvsi. Aŋaiyyutisaġivsiñŋa.”

Exodus 8:4

Naaġaayiich minŋiġniaqtut iliŋnun, iñugiraġnun, iluqaiññullu atanauraġnun.’”

Exodus 8:8

Pharaoh-m ququaŋagaik Moses-lu Aaron-lu aasii uqallakłuni, “Aŋaiyyusitchik Ataniġmun piiqulugich makkua naaġaayiich, aasii aullaqtinniaġitka iñutin, aitchuiyumaut ikipkaiḷutik Ataniġmun.”

Numbers 11:2

Iñuich aasii kappiattualaŋarut Moses-mun ikayuquvlutiŋ; aŋaiyyuvluniasii Ataniġmun, tavra ikualaruaq qamiŋaruq.

Matthew 27:4

uqallakłuni, Piḷuksiŋaruŋa aitchuutigivlugu tuqutautquvlugu patchisaitchuaq iñuk. Ilaisa kiuŋagaat, Suliqutauva taamna uvaptiŋnun? Qaunakkuiḷḷi iliŋnik.

Acts 8:24

Tavra Simon kiuŋagik Peter-lu John-lu, Aŋaiyyutisiñŋa Ataniġmun, nalliiŋich unnii uqallautiptik taŋŋiŋitchumaut uvamnun.

Romans 10:1

Aniqatiit, uummatimniñ kipiġniupiaġataqtuŋa aŋaiyyuruŋalu God-mun, aŋaiyyutivlugich Jew-guruat aniqatiitka annaurrautquvlugich.

Deuteronomy 9:20

Atanġum qinnautiqpaŋammigaa Aaron tuqutchuktaallaan unnii, taputivlugu Aaron aŋaiyyuupiallaŋaruŋa.

James 5:16

Tavraasii quliaqsigik piḷuutisi pirasi allamun iñuŋmun ilaanun, aŋaiyyutilusiḷu avanmun, iłuaqsirauyumausi. Aŋaiyyutaa nalaunŋaruam iñuum suaŋŋatiqpaqaqtuq taŋŋiqsuiḷḷaruġlu.

1 Samuel 15:24

“Ii, piḷuusiqiŋaruŋa,” Saul-gum kiugaa. “Kamagiŋaitkiga Atanġum pitquraŋa ilviḷḷu iḷisaurrutitin. Iqsigiŋagitka iñutka tavraasii pisuutaat kamagivlugu.

1 Samuel 15:30

“Piḷuusiqiŋaruŋa,” Saul-gum kiugaa, “Aglaan qiksigiruatun uvaŋa aŋalanŋa sivuġaanni aullarrigma suli Israel iñupayaaŋisa. Utiqasiŋŋa nanġallayumagiga Ataniq God-in.”