Numbers 21:34 - Iñupiatun Mumiksat Uqalugiksuat

³⁴ Ataniq uqallaktuq Moses-mun, “Iqsiginagu. Akimapkaġniaġikpiñ ilaaniñ, iñugipayaaqtaŋiññiḷḷu, suli nunaŋaniñ. Sihon-tun aŋalataġisaġmigiñ, Amor-miunun umialguŋaruaq Heshbon-mi.”

Numbers 21:34 Iomraidhean Croise

2 Samuel 5:19

David-gum apiqsruŋagaa Ataniq, “Aŋuyaglagich Philistia-ġmiut? Akimapkaġniaqpiŋa?” “Ii, aŋuyakkich!” Atanġum kiugaa. “Akimapkaġniaġikpiñ!”

1 Kings 20:13

Tainna pipkaqtillugich, God-im uqaqtaa umialigmuŋaruq Ahab-mun aasii uqallakłuni, “Ataniq uqaqtuq, ‘Iqsiginagich taamapkua aŋuyaktiġaaġruich! Akimmatiqaqtinniaġikpiñ uvlupak, aasii iḷitchuġiniaqtutin uvaŋa Atanġutilaamnik.’”

1 Kings 20:28

God-im uqaqtaa ullautiŋaruq Umialik Ahab-mun aasii uqaqłuni, “Ataniq uqaqtuq inna: ‘Syria-ġmiut uqaŋammata uvaŋa god-aunivḷuŋa qimiqqanun qaiqsuanunŋiḷaaq, akimmatiqaqtinniaġikpiñ iñugiaktuaniñ aŋuyaktiŋiñiñ, aasii ilviḷḷu iñuktillu iḷitchuġiniaqtusi Atanġutilaamnik.’”

2 Kings 3:18

Suli Elisha uqavsaaqtuq, “Aglaan uvva taamna siġġaġnaitchuq Ataniġmun, savakkumiuŋ; akimmatiqaqtinniaġmigaasi Moab-miuguruaniñ.

Numbers 14:9

Paaqłagnasiuŋ Ataniq iqsiñasiunnii iñuuniaqtuanik taavani. Pisaġiniaġivut siġġaqigaluaġnata. Atanġum itqatigigaatigut suli akiisitaniŋagai god-tit munaqsriŋich; iqsiñasi.”

Deuteronomy 2:30

“Tavraaglaan Sihon umialgum apqusaaquŋiñŋagaatigut nunamigun. Atanġum God-ivsi uqayunaiqsiłługu paaqłaŋasipkaqługulu, uvaptignun akiisitquvlugu nunaiġḷugulu, aasii pagmamuaglaan nunagigikput.

Deuteronomy 20:3

‘Aŋutauruasii Israel-mi, naalagitchi! Uvlupak uvva aŋuyagniaqtusi. Iqsiginagich akiḷḷisi naakkaqaa qanuqsausiiġñiaġnasi suli tatamaallagnasi pisigilugich.

Deuteronomy 3:1

“Tavra suli, igliqtugut salliñaaŋanun tuŋaanun nunaŋata Bashan, Umialguruam Og, aŋuyaktipayaaniḷu qaivḷutiŋ aŋuyagiaġaatigut qaniŋani Edrei-m.

Deuteronomy 3:11

(Taamnagguuq Umialik Og aqulliġiniġaat iñukpasuich Rephaim-gich. Tuqumman Og, kiguunniŋa uyaġagmik savaŋamagaat, itchaksratun isigagniqtun siḷiktilaaqaqłuni aasii akimiaġutaiḷakavsaktun (14) isigagniqtun taktilaaqaqhuni, taimani uuktuutiŋisitun. Qiñiġnaqtuqsuligguuq Rabbah-mi, nunaŋanni Ammon-gum kiŋuvaaŋisa.)

Deuteronomy 31:6

Uummatin suaŋŋatiqaġli nalupqisuutaiḷḷi. Iqsiginagi, Atanġum God-ivsi itqatiginiaġaasi. Ikayuŋaiġumiñaitkaasi qimakkumiñaitkaasiḷu.”

Deuteronomy 7:17

“Ilivsigñik nikaginasi nunaqpauruat iñugiakpaiññiḷugi qimaaratchiyumiñaiññasugalugich.

Deuteronomy 7:18

Iqsiginagich, itqaumalusi qanuq piŋatilaaŋanik Atanġum God-ivsi Pharoah-mun, iñuŋiññullu.

Deuteronomy 7:21

Tainnamik sivuuġaginagich tamatkua iñuich, Atanġum God-ivsi nayuġaasi; ilaakii kamanaqtuaguruq God sivuuġagiraksraułhaaqtuq.

Deuteronomy 7:24

Ilaan aitchuutiginiaġai umialiŋich ilivsi suaŋŋativsigñun. Tuqunniaġisi, aasii allat iñuich puiguġniaġaich. Kia unnii nutqaqtitchumiñaitkaasi; tamatkiġḷugich suksraunġiġñiaġisi.

1 Samuel 23:4

Tavraasii David-gum apiġilgitkaa Ataniq, aasii Atangum kiuŋagaa, “Aullaġiñ Keilah-mun qanukkii akimmasiġñiaġikpiñ Philistia-ġmiuniñ.”