Numbers 21:24 - Iñupiatun Mumiksat Uqalugiksuat

²⁴ Israel-gum kiŋuvaaŋisa aglaan tuqunŋagaich iñugiaktuat uumigiritiŋ aŋuyakkamiŋ aasii nunannaktaaġivḷugu Arnon River-miñ salliñaamun Jabbok-muaglaan, Ammon-miut nunaŋannunaglaan, qanukkii killiŋat munaqsraukkaqłuni.

Numbers 21:24 Iomraidhean Croise

Genesis 32:22

Tavrani unnuami Jacob makinŋaruq, kaluqługik nuliagni, malġuk aġnak kivgagni, suli qulit atausiq (11) miqłiqtuni, aasii ikaaqługu Jabbok River.

Psalms 136:19

Sihon, umialgat Amorite-guruat; ilaan nakuaqqutaa isuitchuamun ittuq;

Numbers 21:13

Tavraŋŋa aullalgiññamiŋ nutqaŋarut salliñaaŋagun Arnon River-m, nunagluktuaq iḷagivlugu Amor-miuguruat nunaŋat. (Arnon killiŋaniittuaq Moab-miullu Amor-miullu.)

Deuteronomy 1:4

Taamnauvva nalautinŋaruq Atanġum akiisitanigmagik ukuak: umialiŋat Amor-miut Sihon atanniqsuiruaq Heshbon-miñ, aasii suli umialiŋat Og Bashan-miut, atanniqsuiruaq Ashtaroth-miḷḷu Edrei-miḷḷu.

Deuteronomy 29:7

Tikiññapta mauŋa inimun, Umialgum Sihon, Heshbon-mi Umialgumlu Og, Bashan-mi aŋuyagiaŋagaatigut aglaan akiisinŋagivut.

Deuteronomy 3:16

Aglaan qaitkiga kiŋuvaaŋiññun Reuben-gum Gad-guvlu, nunaŋaniñ Gilead-gum Arnon River-muaglaan. Qitqa kuugum avgutigivlugu kiluliñaaŋani, aasii Jabbok River avgutigivlu salliñaaŋani, taamna avgutauvluniptauq Ammon-gum kiŋuvaaŋiññun.

Deuteronomy 31:4

Atanġum suksraunġiġñiaġait iñuich, suksraunġiusiġmisun Sihon-mik suli Og-mik, umialiŋik Amor-miut; suksraunġiġmivḷugu nunaat.