Numbers 2:3 - Iñupiatun Mumiksat Uqalugiksuat

^3-9 Qavanitchiani, nalunaiñŋutaqaqtuat Judah-m takuyaŋanik nullaġniaqtut iniksrallaamignun, aullarriqallaalutiŋ, ukunatun: Maŋŋuuruat Aullarrich Qavsiutilaaŋich Judah Nahshon iġñiŋa Amminadab 74,600 Issachar Nethanel iġñiŋa Zuar-m 54,400 Zebulun Eliab iġñiŋa Helon-gum 57,400 Katiłługich iñugiaktilaaŋat: 186,400 Iñuŋich Judah-m sivulliulutik avluġaaġniaqtut atautchikun.

Numbers 2:3 Iomraidhean Croise

Genesis 35:22

Israel iñuuniaqtillugusuli tamattumani nunami, Reuben siñiqatiqaŋaruq Bilhah-mik, iḷaŋannik aapami nukaġaŋisa; Israel tusaakami qinnalipiaġataŋaruq. Jacob iġñiqaŋaruq qulit malġugnik (12).

Genesis 35:23

Leah-m iġñiġiŋagaich Reuben (Jacob-gum iġñiŋa aŋayukłiq), Simeon, Levi, Judah, Issachar, suli Zebulun.

Exodus 6:23

Aaron tuvaaqasiŋaruq Elisheba-mik, panianik Amminadab, aniqataanik Nahshon; iġñiŋaruq Nadab-mik, Abihu-mik, Eleazar-mik, Ithamar-miglu.

Numbers 1:5

Ukua aŋutit ikayuġniaġaatin: Maŋŋuuruat Iḷagiiksuat qaukłiat Reuben Elizur iġñiŋa Shedeur-m Simeon Shelumiel iġñiŋa Zurishaddai-m Judah Nahshon iġñiŋa Amminadab-gum Issachar Nethanel iġñiŋa Zuar-m Zebulun Eliab iġñiŋa Helon-gum Ephraim iġñiŋa Joseph-gum Elishama iġñiŋa Ammihud-gum Manasseh iġñiŋa Joseph-gum Gamaliel iġñiŋa Pedahzur-m Benjamin Abidan iġñiŋa Gideoni-m Dan Ahiezer iġñiŋa Ammishaddai-m Asher Pagiel iġñiŋa Ochran-gum Gad Eliasaph iġñiŋa Deuel-gum Naphtali Ahira iġñiŋa Enan-gum

Numbers 10:5

Nipauqłuktaqpan nipaturuamik, nullaummiruat qavanitchiġmi kiŋuniġiiksuat aullaġniaqtut.

Numbers 3:38

Moses-lu Aaron-lu, Aaron-guvlu iġñiŋich nullaqtuksrauŋarut sivuġaanun Tupqum kivaliñaaŋata. Savaaġiŋagaiḷḷi savaaksrautitiŋ Salumaruami Inimi Israel-gum kiŋuvaaŋiññun. Kiña alla iñuk savaksaaruaq tavrani tuqutauniaqtuq.

Numbers 7:12

Qaisaġiŋagaich aitchuutitiŋ ukunatitun: Uvluq Maŋŋuuruat Aullarriŋich Sivulliġmi uvlumi Judah Nahshon iġñiŋa Amminadab Tuglianni uvlut Issachar Nethanel iġñiŋa Zuar-m Piŋayuanni uvlut Zebulun Eliab iġñiŋa Helon-gum Sisamaŋanni uvlut Reuben Elizur iġñiŋa Shedeur-m Tallimaŋanni uvlut Simeon Shelumiel iġñiŋa Zurishaddai-m Itchaksraŋanni uvlut Gad Eliasaph iġñiŋa Deuel-gum Tallimat malġuanni uvlut Ephraim Elishama iġñiŋa Ammihud-gum Tallimat piŋayuanni uvlut Manasseh Gamaliel iġñiŋa Pedahzur-m Quliŋŋuġutaiḷaŋanni uvlut Benjamin Abidan iġñiŋa Gideoni-m Quliŋanni uvlut Dan Ahiezer iġñiŋa Ammishaddai-m Qulit atausiŋanni (11) uvlut Asher Pagiel iġñiŋa Ochran-gum Qulit malġuanni (12) uvlut Naphtali Ahira iġñiŋa Enan-gum Aitchuutit qaġġisiraŋich iñullaam atiruaguŋarut: atausiq iḷuturuaq puggutauraq qatiqtuamiñ manigmiñ piḷiaq uqumaisilaaqaqtuaq malġukipiaq qulit (50) ounces-tun suli atausiq iḷuturuaq puggutauraq qatiqtuamiñ manigmiñ piḷiaq uqumaisilaaqaqtuaq Iñuiññaq qulit (30) ounces-tun, inillaŋaruakun maliġiraksrakun, iluqatik siḷivinŋavlutiŋ palauvagmik akunŋaruamik uqsrumik palauvaksranun aitchuutiksranun; atausiq kaviqsuaq manik puggutauraq uqumaisilaaqaqłuni sisamatun ounces-tun, siḷivinŋavluni ikipkautikun tivraġiksaunmik; atausiq nutauruaq aŋusalluq, atausiq aŋusalluq imnaiq, suli atausimik ukiuqaqtuamik imnaiyaamik, ikipkautiksramik; atausimik nagruligmik piḷuunmun aitchuutiksramik; suli malġugnik aŋusallugnik, tallimanik aŋusallunik imnaiñik, tallimanik nagrulignik, suli tallimanik atausimik ukiuqaqtuanik imnaiyaanik, iḷammiuġunmun aitchuutiksranik.

Matthew 1:4

Ram-li aapagigaa Amminadab-gum. Amminadab-li aapagigaa Nashan-gum. Nashan-li aapagigaa Salmon-gum.