Numbers 19:3 - Iñupiatun Mumiksat Uqalugiksuat

³ Aasii qaiḷḷugu Eleazar-mun aŋaiyyuliqsiqpamun. Siḷataanuutilugu nullaummiviuruam aasii tuqullugu takkuani Eleazar-m.

Numbers 19:3 Iomraidhean Croise

Leviticus 16:27

Immulivium aŋusallua nagruliglu aitchuutauruak piḷuun pisigilugu, Salumaniqtauruamun Inimuutiŋagaak auŋak piḷuutaiġutausaqługu, tigumiaġlugik siḷataanuutigisigaik inauviata aasii ikipkaġlugik. Amiŋak, niqiŋik, suli iŋaluaŋik iluqaisaasii ikipkaġlugich.

Leviticus 24:14

“Aŋun taamna nullaġviŋmiñ anitchiuŋ. Tusaaŋapayaaqtuaq uqamaqługman argatiŋ iḷigisigait aŋutim niaquanun patchisauniḷugu, aasii iluqaġmiŋ nunaaqqim iñuŋisa uyaġagnik miḷḷuuġlugu tuqunniaġaat.

Leviticus 4:11

Aglaan pigisigaa amiŋa, iluqaan niqaa, niaqua, niuŋich, suli ilġaviŋich, iḷagilugich iŋaluaŋich,

Leviticus 4:12

annisilugich nullaummiviuruamiñ piraġausiq nalaullugu salumaruaguruamun aġrat naavirviannun, aasii tavrani ikipkaġisigaa qiruich ikualavianni.

Leviticus 4:21

Tavra immulivium aŋusalluayaaŋa annisiniaġaa nullaummivigmiñ aasii ikipkaġlugu, ikipkausimisun aŋusalluayaamik aitchuutauruamun ilaata nanmiñiq piḷuutimiñun. Taamna tavra aitchuutauruq piḷuutaiqsaqługu nunaaqqiuruaq.

Numbers 15:36

Tavra iluqaġmiŋ nunaaqqim iñuŋisa siḷataanuutivlugu nullaummivigmiŋ tuqunŋagaat miḷḷuuqługu uyaġagnik, Atanġum piraksriutaatun.

Numbers 19:9

Iñuk aasii piraġausiq nalaullugu salumaruaguruaq katitchiñiaqtuq aġraŋiñik immulivium aasii iḷiḷugich piraġausiq nalaullugu salumaruamun inimun siḷataani nullaummiviuruam. Aġrat tavrani inniaqtut aasii Israel-gum kiŋuvaaŋich atugaksraŋich imiġmik itqanaiyaġumiŋ salummautiksramik piraġausiq nalaullugu salumaitchuaguruam. Taamna piraġausiq atuġniaġaat piḷuutaiqsaġlugu.

Numbers 3:4

aglaan Nadab-lu Abihu-lu tuqutauŋaruk aitchuutiqaqamiŋ salumaitchuamik igniġmik Ataniġmun Sinai-m Nunagluktuaŋani. Miqłiqtuqaŋaitchuk, tavraasii Eleazar-lu Ithamar-lu aŋaiyyuliqsiqpauŋaruk Aaron-gum iñuuniqtutilaaŋani.

Numbers 5:2

“Piraksrikkich Israel-gum kiŋuvaaŋich anitqulugich iluqaisa naŋirrutiqaqtuat uviñimiktigun, timimiktigun maqiuqtuaqtuat, iluqaisalu salumaiḷiŋaruat aksiŋavlugich tuquŋaruat.