Numbers 19:19 - Iñupiatun Mumiksat Uqalugiksuat

¹⁹ Uvlut piŋayuanni suli tallimat malġuanni iñuk piraġausiq nalaullugu salumaruaguruaq siqił̣ł̣aktiġisiruq imiġmik salumaitchuanun iñugnun. Uvlut tallimat malġuŋanni salummaġisigaich, iqaqsrianikpata annuġaamignik suli imiġmik ivvaġlutiŋ, salumasiñiaqtut piraġausiq nalaullugu siqiñiq nipikpan.

Numbers 19:19 Iomraidhean Croise

Genesis 2:2

Tallimat malġuŋanni uvlut God-im naanŋagaa savaani aasii savaaġiŋaiqł̣ugu.

Exodus 19:10

aasii Atanġum kiugaa, “Ullaglugich iñuich uqautisaġitin uvlupak uvlaakulu itqanaiyaqulugich atautchimugniksraptignun. Iqaġiruksraġigaich annuġaatiŋ

Leviticus 14:7

Qivsaliŋniaġaa augmik tallimat malġugni salumasirauniaqtuaq iḷaksi kiḷḷiġruaqtuġnimiñiñ, tavraasii kiligniaġaa salumasiñiḷugu. Iñuuruaq aasii tiŋmiaq tiŋipkaġniaġaa qulaatigun nunaraat.

Leviticus 14:9

Tallimat malġuanni uvlut kivravsaaqtaksraġigiñ niaqqun, umitillu, qavlutillu, suli timigniipayaaqtuat nusat; iqaġigisigitin annuġaatin ivvaġlutillu, aasii tavra piraġausiq nalaullugu salumasiñiaqtutin.

Numbers 19:12

Salummaqtuksrauruq imiġmik salummautiksraunmik piŋayuanni uvlut suli tallimat malġuk uvluanni, aasii salumasiñiaqtuq. Salummaŋitkumi aglaan piŋayuanniḷu suli uvlut tallimat malġuanni, salumasiñiaŋitchuq.

Numbers 19:13

Kisut aksiŋagumiŋ tuquŋaruamik aasii salummaŋiḷḷutiŋ tainna salumaiññiaqtut. Qanukkii imġa salummautim siqił̣ł̣aktuutauŋaitchuq iliŋiññun salumaiḷiñiaġaat Atanġum Tupiŋa, suli anitauniaqtut Israel-miñ.

Numbers 19:18

Sivulliġmi, iñuk piraġausiq nalaullugu salumaruaguruaq hyssop-mik pigisiruq, misuglugu immamun, aasii siqił̣ł̣aglugu tupiq, supayaat, suli iñuich tavraniittuat. Tuglia aasii, iñuum piraġausiq nalaullugu salumaruaguruam siqił̣ł̣autigisigaa imiq aksiŋaruanun tuquŋaruam iñuum sauniŋanik naakka tuquŋaruam timaanik naakka iḷuviġmik.

Numbers 31:19

Tavra iluqasi tuqutchiŋaruasii iñugmik naagga aksiksiŋaruasi tuquruam timaanik, siḷataaniittuksraurusi nullaummivium tallimat malġugni uvluni. Piŋayuanni uvlut suli tallimat malġuanni salummaġlusi piraġausiq nalaullugu ilivsiññik suli aġnat piññaktaaġiŋarasi.

Numbers 31:24

Tallimat malġuŋanni uvlut iqaġigisigisi annuġaasi; tavra piraġausiq nalaullugu salumasiñiaqtusi aasii isillasiḷusi nullaummivigmun.”

Titus 2:14

Tuquvluni aitchuutigiŋaruq inmiñik uvaptiŋnun atanniqsimaŋaiqsitchaqłuta iluqaanun pigiitchuamun, ilaaguaqsaqłuta ilaan iñugisukłuta, kipiġniuqtuaguut nakuurualiqisukłuta.

Hebrews 10:22

Taapkua tainnainniġmata, qalliḷaaqta God-mun iḷumutuuqtuamik uummatiqaġluta ukpiġutiqaġlutalu nalupqisuŋipiaqtuamik, isumaaluutaiġḷuta piḷuutiptiŋnik, suli salummaqtaupiaġluta piḷuutiptiŋniñ.

1 John 1:7

Aglaan iñuuniaqtuagugupta qaummaġmi, ilaatun qaummaġmiittuatun, piqaqtugut iḷammiuġunmik avanmun, suli auŋata Jesus ilaan Iġñiŋan salummaqsimaaġaatigut piḷuutipayaaniñ.

Jude 1:23

Annautisigik nuqipqaulliŋmatun igniġmiñ. Nagligisigik allattauq piḷuusiqirit sivuuqqatigillaan piḷuusiqisuŋiḷḷusi iliŋisitun, uumigilugich iluqaqpiatchiaŋisa nalunaiññiŋich piḷuutiŋisa, nagligilugich piḷuusiqirauniġmata.