Numbers 19:16 - Iñupiatun Mumiksat Uqalugiksuat

¹⁶ Iñuum aksiksimagumiuŋ iñuk tuqutauŋaruaq naakka tuquliqtuaq ilimisun siḷami naakkaunnii kia iñuum aksigñiġumiuŋ tuquŋaruam sauniŋa naagga iḷuviŋa, salumaiññiaqtuq tallimat malġugni uvluni.

Numbers 19:16 Iomraidhean Croise

Leviticus 21:1

Atanġum piraksriŋagaa Moses uqautitquvlugich Aaron-gum iġñiġutiŋi aŋaiyyuliqsiqpauruat, “Nalliat unnii aŋaiyyuliqsiqpauruat salumaiḷiñiaŋitchuq aksiglugu tuquŋaruam timiŋa piraġausikun ilimiñik iḷaksruutiluni aŋaiyyurrikpata nanmiñiq iḷaŋat tuqukpan,

Numbers 19:11

“Tuquŋaram timaa aksikpauŋ iñuum, salumaiññiaqtuq tallimat malġugni uvluni.

Numbers 19:15

Misuġuqtuutipayaat suli utkusipayaat tupiġmi matuagiḷaaqtuattauq salumaiḷiñiaġmiut.

Numbers 31:19

Tavra iluqasi tuqutchiŋaruasii iñugmik naagga aksiksiŋaruasi tuquruam timaanik, siḷataaniittuksraurusi nullaummivium tallimat malġugni uvluni. Piŋayuanni uvlut suli tallimat malġuanni salummaġlusi piraġausiq nalaullugu ilivsiññik suli aġnat piññaktaaġiŋarasi.

Numbers 5:2

“Piraksrikkich Israel-gum kiŋuvaaŋich anitqulugich iluqaisa naŋirrutiqaqtuat uviñimiktigun, timimiktigun maqiuqtuaqtuat, iluqaisalu salumaiḷiŋaruat aksiŋavlugich tuquŋaruat.

Numbers 6:6

Nuyasi nalunaiñŋutaurut ilaaguaqtauŋatilaavsiññik God-mun, tavraasii ilivsiññun salumaiḷiruksrauniaŋiñmiusi qalliḷugu tuquŋaruam timaa, aapagigaluaġuvsiuŋ-unnii, aakagigaluaġuvsiuŋ, aniqatigigaluaġuvsiuŋ aŋun, naakka aniqatigigaluaġuvsiuŋ aġnaq.

Numbers 9:6

Aglaan iḷaqaŋarut iñuich piraġausikun salumaiḷiŋaruanik aksiŋavlutiŋ tuquŋaruam timaanik, aasii iḷaksruutiyumiñaiñŋaniqsut Qulaurrusiqiruani taaptumani uvlumi. Ullautiŋarut Moses-mun Aaron-mullu,

Matthew 23:27

Qanutun naglignaqtigirusi ilivsi iḷisaurriich pitquranik Pharisees-lu, ukpiŋŋuaqtuasii. Qanuq ittusi qatiqsaqtatun iḷuvviviksun, siḷatiŋich qiñiyunaqsaqługich, aasii iḷuanni siḷivinŋavlutiŋ iḷuvġich sauniŋiññik iluqaaniglu auruamik.

Luke 11:44

Naglignaqtusiuvva ilivsi Pharisees, qanuq iḷuvviviktun ittusi nalunaiñŋutaitchuatun. Iñuich pisuaġvigikkaŋisun qaaŋatigun naluvlugich, aasii salumaiḷivḷutiŋ pitqurat uqaluatigun. Ukpiŋŋuaġnivsigun asiñuutigisi iñuich.