Numbers 19:13 - Iñupiatun Mumiksat Uqalugiksuat

¹³ Kisut aksiŋagumiŋ tuquŋaruamik aasii salummaŋiḷḷutiŋ tainna salumaiññiaqtut. Qanukkii imġa salummautim siqił̣ł̣aktuutauŋaitchuq iliŋiññun salumaiḷiñiaġaat Atanġum Tupiŋa, suli anitauniaqtut Israel-miñ.

Numbers 19:13 Iomraidhean Croise

Exodus 30:33

Kiñapayaaq tainnasiḷiuqpan tuvraġlugich naakka atuġlugich kimupayaamun aŋaiyyuliqsiqpauŋitchuamun iḷauŋaiġñiaqtuq iñugiramnun.’”

Proverbs 14:32

Pigiiḷḷiqirauruat iñuich inmignun maqutchuurut piḷuktualiqigamik, aglaan nakuuruat iñuich anayanniuŋitchut ilumutuuġuuvłutik.

Leviticus 15:31

Atanġum uqautiŋagaa Moses kiliquvlugich Israel-gum kiŋuvaaŋich salumaisiḷaaŋiññik, salumaiḷitquŋił̣ł̣ugu Tupiq nayuqtauvia, qitqaniittuaq inauviŋata. Tainna pigumiŋ, tuquniaqtut.

Leviticus 20:3

Nallivsi aitchuutigikpauŋ miqłiqtuni Molech-mun aasii salumaruaq Tupiġa salumaiḷiḷugu suli kanŋunaqsiḷiġlugu salumaruaq atiġa, akiḷḷiḷiutiniaġiga suli iḷauŋaiġñiaqtuq iñugiramnun.

Leviticus 22:3

Nalliŋat kiŋuvaaġiravsi, piraġausikun salumaiḷḷaġmi, qallikpagi salumaruat aitchuutit Israel-gum kiŋuvaaŋisa ilaaguaqługich qaisaŋit uvamnun, ilaa savaaqatqikkumiñaitchuq ikipkaivigmi. Taamna tainnainniaqtuq taimuŋaaglaan. Uvaŋa Atanġuruŋa.

Leviticus 22:4

“Nalliŋat kiŋuvaaŋisa Aaron kiḷḷiġruaqaqtuaq naakka maqiuquaqaqtuaq quġġivigmiñi niġiñiaŋitchuq salumaruanik aitchuutinik piraġausikun salumasiŋaunnani. Nallipayaaŋata aŋaiyyuliqsiqpaich aksikpauŋ tuquŋaruam timaa salumaiḷiñiaqtuq naakka anitchigumi semen-mik

Leviticus 5:17

Nallisi piḷuusiqiniqpata pisaaġigaluaġnagu kamaksriŋiḷḷutiŋ Atanġum piraksriutiŋiñik, tavra piḷuusiqirusi aasii akiḷiqtuksraġigiksi tatavsausiaq.

Leviticus 5:3

Aksigñiġupku pisaaġigaluaġnagu sunaliqaa iñugmiñ qairuaq salumaitchuaq, suugaluaġniqpan, tavra pasirauniaqtutin iḷitchuġipqauraġuvich tainna pianiktilaaġnik.

Leviticus 5:6

akiḷiutigisaġlugu piḷuutignun qaġġirriruksraurutin Ataniġmun aġnasallumik imnaimik naakkaqaa nagruligmik aitchuutigisaġlugu. Aŋaiyyuliqsim aitchuutiginiaġaa ikipkaġlugu piḷuutin pisigilugu.

Leviticus 7:20

aglaan nallisi salummaqtauŋaitchuat niġiñiqpata, iḷauŋaiqsitaksraurut Israel-guqatimigniñ.

Leviticus 7:21

Aasiisuli, niġiñiġuvich taaptumaŋŋa aitchuutauruamiñ aksiqqaaŋaguvit piraġausikun salumaitchuaguruamik, iñugmiŋŋaqtaugaluaqpan naakka niġrutimiñ, iḷauyumiñaiġñiaqtutin God-im iñuŋiññun.

Numbers 15:30

“Iḷisimagaluaŋŋaġmiŋ aglaan piḷuusiqigumiŋ, Israel-mun kiŋuvaagugaluaqpata naagga allaniñ nunaniŋŋaqtaugaluaġumiŋ, pasiraurut aŋalałługu Ataniq kipakkutikun, aasii tuqutauniaqtut,

Numbers 19:14

“Iñuk aasii tuquniqpan tupqum iḷuani, kiñapayaaq isiġmiuruaq tavrani tuqumman naakkaunnii isiqtuaq salumaiññiaqtuq tallimat malġugni uvluni.

Numbers 19:18

Sivulliġmi, iñuk piraġausiq nalaullugu salumaruaguruaq hyssop-mik pigisiruq, misuglugu immamun, aasii siqił̣ł̣aglugu tupiq, supayaat, suli iñuich tavraniittuat. Tuglia aasii, iñuum piraġausiq nalaullugu salumaruaguruam siqił̣ł̣autigisigaa imiq aksiŋaruanun tuquŋaruam iñuum sauniŋanik naakka tuquŋaruam timaanik naakka iḷuviġmik.

Numbers 19:19

Uvlut piŋayuanni suli tallimat malġuanni iñuk piraġausiq nalaullugu salumaruaguruaq siqił̣ł̣aktiġisiruq imiġmik salumaitchuanun iñugnun. Uvlut tallimat malġuŋanni salummaġisigaich, iqaqsrianikpata annuġaamignik suli imiġmik ivvaġlutiŋ, salumasiñiaqtut piraġausiq nalaullugu siqiñiq nipikpan.

Numbers 19:20

“Salumaitkuvich aasii salumasisuŋitkuvich aasii iqaġiŋitkuviñ imiġmik akunŋaruamik aġramik, patchisauniaqtutin Atanġum Tupiŋa salumaiḷigupku, suli Israel-guruanun iḷauŋaiġñiaqtutin.

Numbers 19:9

Iñuk aasii piraġausiq nalaullugu salumaruaguruaq katitchiñiaqtuq aġraŋiñik immulivium aasii iḷiḷugich piraġausiq nalaullugu salumaruamun inimun siḷataani nullaummiviuruam. Aġrat tavrani inniaqtut aasii Israel-gum kiŋuvaaŋich atugaksraŋich imiġmik itqanaiyaġumiŋ salummautiksramik piraġausiq nalaullugu salumaitchuaguruam. Taamna piraġausiq atuġniaġaat piḷuutaiqsaġlugu.

Numbers 8:7

inna: siqił̣ł̣aktiġlugich imiġmik salummautauruamik aasii nusaiyaġluni tamatkiġlugu timaa iqaġilugiḷḷu annuġaatiŋ. Tainna tavra pigumiŋ inmigñik salumasiñiaqtut.

Numbers 9:13

Aglaan piraġausiq nalaullugu salumaruaguguvsi iglauŋiḷḷusiḷu, aasii iḷauŋitkuvsi Qulaurrusiqiruani, iḷauŋaiġñiaqtusi iñugiramnun, qanukkii aitchuutiqaŋitchusi uvamnun piviksraq nalautinman. Igḷutuqtaksraġigiksi tatavsausiaksraŋa piḷuutivsi.

John 8:24

Uqallautiŋagivsi tuquniaġnivḷusi piḷuusiqiraulusi. Qanukkiuvva ukpiŋisuaġuvsi Christ-gutilaamnik, tuquniaqtusi piḷuusiqiraulusi.

Hebrews 10:29

Qanutun suaŋałhaaqtuamik tatavsagaksrauruq iñuk tununniktuaq God-im Iġñiŋanik, anniqsuutauŋiññivḷugu Christ tuqqutaa ilaan ilaaguaqtirrusiani God-mun, aasii pisaaŋavlugu Ilitqusiġiksuaq nagliktuutiqpaqaqtuaq inmiñun.

Hebrews 9:10

Aglaan tamatkua piraġautchich aŋalatchirut aŋaiyyuliqiniġmi niqiłhiñaniglu imiłhiñamiglu qanusiḷimaaniglu aŋaiyyuliqinikun salummaksautinik timimun. Tamatkua qaałhiñakun piraġautchich piruksrausuurut tikitchiaġivlugu God-im nakuułhaaqtuaq sivunniuġutaa taŋŋiqsitaŋa Christ-mun.

Revelation 21:8

Aglaalli qapiyaruat, ukpiġutaitchuallu, naġġunapiaġataqtuallu, iñuayuktuallu, allatuqtillu, aŋatkuuruallu, iñuuraqpaktuqtuallu, iluqaġmiglu sagluturuat iniqaġniaqtut narvami ikualaruami igniġmi tivluktuamiḷu kakavyaŋmi. Taamna igḷugigaa tuqqutim.

Revelation 22:11

Pigiitchualiqirauruaq iñuk kiikaa pigiitchualiqili, suli salumaitchuanik isumalik kiikaa salumaiḷḷi isumamiñi, suli nalaunŋaruaq iñuk kiikaa nalaunŋaruakuaġli, suli piḷuutaitchuaq kiikaa piḷuutaiḷḷi.

Revelation 22:15

Isiqtitauniaŋitchut iniqpaŋmun, iqsiñaqtuat qimmich isiqtitauyumiñaiñmatun iniqpaŋmun, iñuich allatuqtit, aŋatkullu, iñuaqtillu, iñuuraqpaŋnullu aŋaiyyusuuruat, suli iluqaġmiŋ piviuttaqaqtuat aullasiqaqtuallu saglunmik.