Numbers 19:11 - Iñupiatun Mumiksat Uqalugiksuat

¹¹ “Tuquŋaram timaa aksikpauŋ iñuum, salumaiññiaqtuq tallimat malġugni uvluni.

Numbers 19:11 Iomraidhean Croise

Leviticus 11:31

Kiapayaaq aksigñiqpagich tamatkua naakka tuquŋaruat timiŋich salumaiḷiŋaniaqtut anaqalġataqtillugu.

Leviticus 21:1

Atanġum piraksriŋagaa Moses uqautitquvlugich Aaron-gum iġñiġutiŋi aŋaiyyuliqsiqpauruat, “Nalliat unnii aŋaiyyuliqsiqpauruat salumaiḷiñiaŋitchuq aksiglugu tuquŋaruam timiŋa piraġausikun ilimiñik iḷaksruutiluni aŋaiyyurrikpata nanmiñiq iḷaŋat tuqukpan,

Leviticus 21:11

Ilaa tavra qaisaġiŋaruq uvamnun aasii piraġausikun salumaiḷiñiaŋitchuq naakkaunnii suksraġiŋaiġḷugu salumaruaq Tupiġa utiġvigigumiuŋ isiqqaaġluni iglumun tuquŋaruaqaqtuamun, ilaata aapagigaluaġumiuŋ naakka aakagigaluaġumiuŋ.

Leviticus 22:4

“Nalliŋat kiŋuvaaŋisa Aaron kiḷḷiġruaqaqtuaq naakka maqiuquaqaqtuaq quġġivigmiñi niġiñiaŋitchuq salumaruanik aitchuutinik piraġausikun salumasiŋaunnani. Nallipayaaŋata aŋaiyyuliqsiqpaich aksikpauŋ tuquŋaruam timaa salumaiḷiñiaqtuq naakka anitchigumi semen-mik

Leviticus 5:2

Pisaaġigaluaġnak aksigñiġupku suna piraġausikun salumaitchuaguruaq, tuquŋaratun niġrutitun, tavra salumaiḷiŋarutin aasii pasiñaqsivḷutin iḷitchuġipqauraġavich tainna pianiktilaaġnik.

Numbers 19:16

Iñuum aksiksimagumiuŋ iñuk tuqutauŋaruaq naakka tuquliqtuaq ilimisun siḷami naakkaunnii kia iñuum aksigñiġumiuŋ tuquŋaruam sauniŋa naagga iḷuviŋa, salumaiññiaqtuq tallimat malġugni uvluni.

Numbers 31:19

Tavra iluqasi tuqutchiŋaruasii iñugmik naagga aksiksiŋaruasi tuquruam timaanik, siḷataaniittuksraurusi nullaummivium tallimat malġugni uvluni. Piŋayuanni uvlut suli tallimat malġuanni salummaġlusi piraġausiq nalaullugu ilivsiññik suli aġnat piññaktaaġiŋarasi.

Numbers 5:2

“Piraksrikkich Israel-gum kiŋuvaaŋich anitqulugich iluqaisa naŋirrutiqaqtuat uviñimiktigun, timimiktigun maqiuqtuaqtuat, iluqaisalu salumaiḷiŋaruat aksiŋavlugich tuquŋaruat.

Numbers 6:6

Nuyasi nalunaiñŋutaurut ilaaguaqtauŋatilaavsiññik God-mun, tavraasii ilivsiññun salumaiḷiruksrauniaŋiñmiusi qalliḷugu tuquŋaruam timaa, aapagigaluaġuvsiuŋ-unnii, aakagigaluaġuvsiuŋ, aniqatigigaluaġuvsiuŋ aŋun, naakka aniqatigigaluaġuvsiuŋ aġnaq.

Numbers 9:10

uqallautitquvlugich Israel-gum kiŋuvaaŋich inna, “Ilivsi naakka kiŋuvaaġirasi salumaiŋaniqpata aksiksiŋavlutiŋ tuquŋaruam timaanik naagga piił̣ł̣usi aullaaŋavlusi, Qulaurrusiqisukkuvsi

Numbers 9:6

Aglaan iḷaqaŋarut iñuich piraġausikun salumaiḷiŋaruanik aksiŋavlutiŋ tuquŋaruam timaanik, aasii iḷaksruutiyumiñaiñŋaniqsut Qulaurrusiqiruani taaptumani uvlumi. Ullautiŋarut Moses-mun Aaron-mullu,

Acts 21:26

Tavra Paul piŋagai taipkua aŋutit, aasii uvlaakumman salummaksaqłuni pitquratigun piqatigivlugich. Aasii ilaa isiŋaruq aŋaiyyuvikpaŋmun uqallautiyaqtuqługu aŋaiyyuliqsiqpak qakuguaglaan salummaqsaġniqtiŋ naanniaqtilaaŋanik, aasii naatpan, atausiullaalutiŋ iluqatiŋ aitchuisaġlutiŋ ikipkautinik.

Acts 21:27

Tallimat malġuk uvlut naatkaqsimmiullu, iḷaŋich Jews qaiŋaruat nunaaqqiŋiñiñ Asia-m, tautuŋagaat Paul aŋaiyyuvikpaum iḷuani. Tavra ilaisa tuavaallaktinŋagaich iñusalaich, aasii tigguġlukługu Paul,

Romans 5:12

Una pisigivlugu iñupayaat piḷuksiŋarut aasii tuquvlutiŋ. Adam iñuqqaaq piḷuksiŋaruq aasii aquvatigun tuquŋaruq. Adam kiŋuniġivlugich iñupayaat, iluqaġmiŋ piḷuksiŋarut aasii tuquruksraġuqłutiŋ.

2 Corinthians 6:17

Taamna pisigilugu, piqasiqsuġnagich ukpiŋaitchuat piraġausiŋiññi. Avinŋasitchi iliŋiññiñ. Uvaŋa Ataniq piraksriġivsi. Piqqayaanagich pigiitchuat piraġausiŋich, aasii iviġaumaniaqtuŋa akuqtuġlusi.

Ephesians 2:1

Tavra ilivsi qaŋapak tuquŋaruatun iñuktun inŋagaluaqtuasii qanuq piḷuksiŋavlusi kamagiŋił̣ł̣ugiḷḷu God-im pitquraŋi, God-im aitchuŋagaasi iñuggunmik isuitchuamik.

Hebrews 9:14

Taamna tainnainŋakpan, qanutułhaaq auŋata Christ salummaqtigivagich ilitqutchisi tuqunaqtuaniñ piḷġutchiñiñ savautiyumiñaqsivḷugu God iñuuruaq. Christ, Ilitqusia iñuuruaq isuitchuamun, aitchuutigiŋaruq inmiñik tuqukami akuqtuġnaġumiñaqłuni God-mun.