Numbers 18:8 - Iñupiatun Mumiksat Uqalugiksuat

⁸ Atanġum uqallautiŋagaa Aaron, “Uvaŋa savaaksriñŋagikpiñ qaunagitquvlugich aitchuutit uvamnun: salumaruat aitchuutipayaat uvamnun Israel-guruat qaisaŋich uvamnun ilivsiññun qaitkitka iġñiġutignullu nalunaiqsaulugich iliŋnun, isuitchuamun.

Numbers 18:8 Iomraidhean Croise

2 Kings 12:16

Manik aitchuutauruaq akiḷiutausaqługu killukkuaġutinun naakka piḷuutinun ikulaiñŋagaat kiguunniġmun; aŋaiyyuliqsiqpaiḷḷi piksrautigigaat.

Exodus 28:43

Aaron iġñiŋisalu atullaaraksraġiniaġaich Tupiġmukkumiŋ nayuqtauvimñun naakka ullautigumiŋ ikipkaivigmun aŋaiyyuliqsiqpauyyaġlutiŋ Salumaruami Inimi, tuqutauŋitchumaut nuisakpata timiŋich. Taamna tavra itchaġataġniaqtuaq maliġiraksraŋat Aaron-guvlu kiŋuniiŋisalu.

Exodus 29:21

Piḷugu iḷaŋa augum ikipkaivigmiittuam suli uqsruqtaaġun, kattaqsruġlugik Aaron-mun annuġaaŋiñun iġñiŋiññullu suli annuġaaŋiñun. Ilaa, iġñiŋiḷḷu, annuġaaŋiḷḷu tavra ilaaguaqtauniaqtut uvamnun.

Exodus 29:28

Tavra allaŋŋuġaġniaŋitchuaq sivunniutiga iñugiratka iḷammiuġutikun aitchuiraġikpata, sakiaŋalu mumiŋalu niġrutim piginiaġaich aŋaiyyuliqsiqpauruat. Tavra taamna iñuich aitchuutiŋat uvamnun, Atanġuruamun.

Exodus 29:29

“Aaron aŋaiyyuliqsiqpaukami annuġaaġiraŋich qaaŋiqtauniaqtut iġñiŋiñun tuquanikpan, atuġniaġaiḷḷi iliŋisa nalunaiqsaugumiŋ.

Exodus 40:13

Annuġaaqtillugu Aaron aŋaiyyuliqsiqpauruam annuġaaŋiñik, uqsruqtaaġlugu, tainna ilaaguaqtaġisaġlugu savautiyumagaaŋa aŋaiyyuliqsiqpauluni.

Exodus 40:15

Aasii uqsruqtaaġlugich, uqsruqtaaġusivsisun aapaŋannun, savautiyumagaanŋa aŋaiyyuliqsiqpaulutiŋ. Taaptuma uqsruqtaaqtauniŋata aŋaiyyuliqsiqpaullapkaġniaġaich taimuŋaaglaan.”

Leviticus 21:10

“Aŋaiyyuliqsiqpaich Qaukłiat kuvirauŋaruq uqsruqtaaġunmik niaqumigun aasii ilaaguaqtauvluni atullasivḷugich aŋaiyyuliqsiqpauruam annuġaaŋi, tavraasii iḷḷaiqsuŋaiḷaġniaŋitchuq naakkaunnii aligaġlugich annuġaani qiñiġnaqsaġlugu qivġuruagutilaani.

Leviticus 23:20

Aŋaiyyuliqsiqpauruam qaiññiaġaik punniik malġuglu imnaiyaak nakuuniqtapiaġataak aitchuutiksrak Ataniġmun. Tamatkua aitchuutit piginiaġaich aŋaiyyuliqsiqpaich. Taapkua aitchuutit salumarut.

Leviticus 6:16

Aŋaiyyuliqsiqpaich niġigisigaat iḷakua taaptuma. Punniliuġlugu imaksrautaiḷaamik aasii niġiḷugu salumaruami siḷalliġuaŋani Tupiŋata Atanġum. Uvaŋa, Atanġum, qaiñŋaratka aŋaiyyuliqsiqpagnun niqinik aitchuiraġimmata. Salumaruagupiaġataqtuq, piḷuutikullu nunuurautikullu aitchuutauruatun.

Leviticus 6:18

Taimuŋaaglaan aŋutauruat kiŋuniiŋisa Aaron-gum niġisuuniaġaich autaaġusiaġilugich niqiniñ aitchuutauruaniñ Ataniġmun. Allam aksigñiqpagich niqit aitchuutauruat tatavsaqtauniaqtuq suaŋŋataagun salumaniŋata.

Leviticus 6:20

ilaaguaqtausaqpan Aaron iġñiŋisa iḷaŋat, aŋaiyyuliqsiqpaguqsaġlugu. Taaptumani uvlumi ilaaguaqtauniŋani, aitchuutiqaġisiruq Ataniġmun malġuktun pounds-tun uqumaisigilugu palauvak (aktilaaġisuuraatun uvlutuaġman palauvaksram aitchuutikaaŋata), avvaŋa uvlaami aasii avvaŋa anaqami.

Leviticus 6:26

Aŋaiyyuliqsiqpaum ikipkaqługu aitchuiruam niġrunmik niġiñiaġaa salumaruami inimi, siḷagauraŋani Tupqum Atanġum nayuqtauviata.

Leviticus 7:14

Qaitchiḷusi aviktamik punnillaamiñ ilaaguaqtaulugu qaisaksramik Ataniġmun; piginiaġaa aŋaiyyuliqsiqpaum niġrutim auŋanik auguaqtairuam ikipkaivigmik.

Leviticus 7:28

Atanġum aitchuŋagaa Moses ukuniŋa maliġiraksranik

Leviticus 7:6

Nallipayaaŋata aŋutit aŋaiyyuliqsiqpauruat qitunġaġiiñi niġiyumiñaġaa, aglaan niġiraksraġigaa salumaruami inimi, salumapiaġataqtuagurukkii.

Leviticus 8:30

Moses uqsruksraqhuni iḷaŋanik uqsruqtaaġutim suli iḷaŋanik augum ikipkaivigmiittuam siqił̣ł̣aqtiŋagai Aaron-guvlu iġñiŋisalu annuġaaŋich. Tavra tainna pikami ilaaguaqtaġiŋagaich taputivlugich annuġaaŋich Ataniġmun.

Numbers 18:9

Salumaruaguvlugich aitchuutauŋaruaniñ ikipkaŋaiḷḷutiŋ ikipkaivigmi, ukua ilvich piginiaġitin: palauvaksrat aitchuutauruat, piḷuunmun aitchuutauruat, suli nunuurautikun aitchuutauruat. Sunapayaaq qaisauruaq uvamnun salumaruaguvlugu tavra ilvich piginiaġitin suli iġñiġiraqpich.

Numbers 5:9

Aasii-suli ilaaguaqługu aitchuigumiŋ Israel-gum kiŋuvaaŋich Ataniġmun aŋaiyyuliqsiqpaum akuqtuiruam piginiaġaa.

1 Corinthians 9:13

Iḷisimagisi iñuich savaaqaqtuat God-im aŋaiyyuvikpaŋani niqiksraġuurut aŋaiyyuvikpaŋmiñ, suli aŋaiyyuliqsiqpaich savaktuat ikipkaiviŋmi iḷaŋiutisuummiut niġrutiniñ aitchuutauruaniñ tavrani.

Deuteronomy 12:11

Ataniq naliġagniaqtuq inimik nanġaiviksravsigñik inmiñun, tavrani qaitkisigisi piraksriqsuutipayaatka: aitchuutit ikipkautaugaluaqpata allallu aitchuutisi, qulikuuġutisi qaisaksrautisiḷu suli aitchuutit nuimaruaġirasi unniqsuqłiutigiŋarasi aitchuutiginiaġnivḷugich Ataniġmun.

Deuteronomy 12:6

Tavrani aitchuigisirusi aitchuutiksravsigñik ikipkaaksrauruaniglu niġiraksraniglu, qulikuuġniġugaluaqpata aitchuutaugaluaqpata, qaisaksraugaluaqpata unniqsuqłiisigiŋavlugich Ataniġmun, naakka aitchuisiññaqtaugaluaqpata, naakka pamiqsaavsiññi aniqqaaqtuagugaluaqpata imnaigutivsigñiḷḷu.

Deuteronomy 18:1

“Aŋaiyyuliqsiqpauvlutigli kiŋunġuruat Levi-miñ, nunannaktaaqaġniaŋitchut nunannaktaŋiññiñ Israel iñuŋisa; aglaan, iñuuniutiqaġniaqtut aitchuutiŋiññik iñuich suli ikipkautauruanik Ataniġmun.

Deuteronomy 26:13

uqallakkumautin Ataniġmun ‘Qulikuuġutitka iḷakuitchut iglumni; qaisaniŋagitka Levi-m kiŋuvaaŋiññun, iglaanun, aŋayuqaagitchuanun, uiḷgaŋaruanullu piraksriutiktun. Kamagigitka puiguŋaitkitkalu piraksriutigiratin qulikuuġnikun.

Hebrews 1:9

Piviuttaġiŋagiñ iłuaqtualiqiniq aasii uumigivlugu pitquraiḷaġniq. God-aurutin, tavraasii Uvaŋa God, Aapauruaŋaa iliŋnun, inillaŋagikpiñ kamanaqsił̣haaqłutin iḷauraaġniñ, immiqł̣utin quviasuunmik.”

1 John 2:20

Aglaan Christ iḷiŋagaa Ilitqusiġiksuaq iḷuvsiññun, aasii taamna pisigivlugu iluqasi iḷisimagiksi iḷumun ittuaq.

1 John 2:27

aglaan Christ iḷiŋagaa Ilitqusiġiksuaq iḷuvsiññun. Sivisutilaaŋatun Ilitqusiġiksuam inniŋan iḷuvsiññi iḷisaurrituŋitchusi iñulimaamik. Qanuq Ilitqusiġiksuam puttuqsrisiqaqtitaaġaasi sum nalaunŋatilaaŋanik, suli iḷisaurrutiŋi iḷumun ittuagurut sagluuŋitchut. Tavraasii kamagiugaqsigik Ilitqusiġiksuam iḷisaurrutiŋi aasii atausiŋŋuqatigimaaġlugu Christ.