Numbers 18:7 - Iñupiatun Mumiksat Uqalugiksuat

⁷ Ilvich aglaan iġñitillu kisivsi savaaġillaniaġiksi aŋaiyyuliqsauniq ikipkaivigmi ikipkaiñikun suli sut ittuat Salumaniqtauruami Inimi. Tamarra tamatkua piraksriusiaġigisi, uvaŋa qaiñŋavlugu ilivsiññun aŋaiyyuliqsauniq. Kiña iñugruiññaq qallituaġniqpan salumaruanun suġautaġiraŋiñun tuqutauniaqtuq.”

Numbers 18:7 Iomraidhean Croise

Psalms 115:10

Aŋaiyyuliqsiqpaich Aaron-gum kiŋuvaaŋi, ukpiġutiqaġitchi Ataniġmun. Ikayuġuugaasi suli akkiaġautauruq ilivsiññun.

Exodus 28:1

“Qaitquuŋ aniqatin Aaron, iġñiŋiḷḷu Nadab, Abihu, Eleazar, Ithamar-lu. Ilaaguaġlugich Israel-gum kiŋuvaaŋiññiñ, savautiyumagaanŋa aŋaiyyuliqsiqpaulutiŋ.

Exodus 29:9

iḷiḷugich tavsiaŋich tiġiksraġviŋiññun aasii nimmaaġusiġḷugich niaquŋich. Tavra tainna nalunaiqsaġiniaġisi Aaron-lu iġñiŋiḷḷu. Iliŋisa suli kiŋuniiŋisa savautiniaġaanŋa aŋaiyyuliqsiqpaulutiŋ isuitchuamun.

Leviticus 16:2

Uqallautigaa, “Uqallauttuuŋ aniqatin Aaron kisiatualuk piviksraq tikitpan tunuanuqulugu talukiyaaŋata Salumaniqtauruam Inim, qanukkii tavrani niptaġuuruŋa nuviyakun qulaagun matuaŋata Sivunniuġutim Kiguunniŋata. Kamaksriŋisuaġumi, ilaa tuqutauniaqtuq.

Leviticus 7:35

Tavra taamna iḷagigaat niqit aitchuutauruat Ataniġmun qaisauŋaruaq Aaron-mun iġñiŋiñullu uvlumi ilaaguaqtauvlutiŋ aŋaiyyuliqsiqpaguqsaġmata.

Numbers 1:51

Aullaġaġiguvsi nullaummivivsiññiñ, Levi-m kiŋuvaaŋich tupqiyallaaniaqtut aasii nappaġmiḷugu nullatqigviannun. Kiña alla iñuk qaninŋautiruaq Tupiġmun tuqutauniaqtuq.

Numbers 16:40

Taamna kiliktuutigiŋagaa Israel-gum kiŋuvaaŋiññun kiñaunnii kiŋuniiġiŋitchaŋa Aaron-gum ikipkaivigmugluni ikipkaitquŋił̣ł̣ugu tivraġiksautinik Ataniġmun. Tainna pituaġumi suksraunġiqsauniaqtuq Korah-tun suli maliktiŋisitun. Iluqaan tamanna savaaġiŋaniġaat nalaułługu Atanġum piraksriutaa Eleazar-mun Moses-kuaqługu.

Numbers 18:20

Atanġum uqallautigaa Aaron, “Nunannagniaŋitchutin kiŋuvaannaktaaġisaġlugich, suli iḷaŋaunnii nunaŋa Israel ilignun qaiññiaŋitkaat. Uvaŋa, Ataniq, naamaruŋa pigigumŋa.”

Numbers 18:3

Piraksriusiatigli savaaġiruksraġigaich ilignun suli savaaksriusiatiŋ Tupim siḷataani, aglaan aksiasaaniaŋitkaich salumaruaguruat atuġuuraŋich Salumaruami Inimi naakka ikipkaivigmi. Tainna pituaġumiŋ, iliŋiḷḷu suli ilivsi tuqutauniaqtusi.

Numbers 3:10

Nalunaiġñiaġiñ piksraqtaaġilugu Aaron iġñiŋiḷḷu savaaġitqulugich savaaŋich aŋaiyyuliqsiqpauniġum; kiña alla tainna pisaaruaq tuqutauniaqtuq.”

Numbers 3:38

Moses-lu Aaron-lu, Aaron-guvlu iġñiŋich nullaqtuksrauŋarut sivuġaanun Tupqum kivaliñaaŋata. Savaaġiŋagaiḷḷi savaaksrautitiŋ Salumaruami Inimi Israel-gum kiŋuvaaŋiññun. Kiña alla iñuk savaksaaruaq tavrani tuqutauniaqtuq.

Matthew 10:8

Iłuaqsisigik naŋittuat, aŋipkaqsigik tuquruat, mamititchigik kiḷḷiġruaqtuqtuat, anittaqsigik ilitqusiqł̣uich. Suaŋŋasiqsauŋarusi akiḷiġaluaġnagu, aasiiḷi atuqsiuŋ suaŋŋan akiiḷaaġlugu.

John 3:27

John kiuŋagai, Iñupayaaq piyumiñaqtuq kisianik God-im pitqukpani.

Ephesians 3:8

Kamanaiññiqsraugaluaqtilluŋa iluqaiññiñ ilaaguaqtauruaniñ God-mun, ilaa naglikkutiqaŋaruq uvamnun, aasii uvamnun alġaqsruutigitquŋagai Jew-guŋitchuanun inuaŋaitchuat anniqsuusiaksraŋich iluqaġmiŋ, atausiŋŋuqatauŋaruat Christ-mun.

Deuteronomy 18:2

Nunannaktaaqaġniaŋitchut iḷavsiksun kiŋunġuruatitun; piññaktaalluataŋat tavra nuimaruaguruaq aŋaiyyuliqsiqpauvlutiŋ Ataniġmun, ilaan unniqsuqłiutaatun.

Hebrews 5:4

Kiñaliqaa aŋaiyyuliqsiqpagulaitchuq inmiñik, aglaan ilaa nalunaiqsiqaġaqtuq God-mik, Aaron-tuttauq nalunaiqsaŋatun.

1 Peter 5:2

Siḷġiqsuġivsi qaunagitquvlugich God-im iñuŋi munaqsraġikkasi, piḷusi imnaiḷiqiritun qaunaksriḷḷuataqtuatun imnaimiñik. Qaunagisigik taqiŋaŋaiġḷusi piyummatigilugu, God-im pitqutaatun ilivsiññun. Qaunagisigik pisigiłhaaġlugu piyummatiqaġniqsi, akiḷiusiaksranik piqutiqaġniġmiñ.

1 Peter 5:3

Atanniqsimaniatagnagich taluqsralliaġilugich iñuich qaunagiraksriusiasi, aglaan tuvraaksriqsigik iñuuniaġutchimik tuvraġumiñakkaŋannik.

1 Samuel 2:28

Maŋŋuqatigiipayaaqtuaniñ Israel-guruat piksraqtaaġiŋagitka Aaron-kut aŋaiyyuliqsiqpagisukługich, savaquvlugich ikipkaivigmi, ikipkaiḷutik tivraġiksuanik, suli atuquvlugu aŋaiyyuliqsiqpaum kiapiġutaa takkumni. Piksrallasiŋagitkalu iḷaŋiññik aitchuutit ikipkaqtat.