Numbers 18:3 - Iñupiatun Mumiksat Uqalugiksuat

³ Piraksriusiatigli savaaġiruksraġigaich ilignun suli savaaksriusiatiŋ Tupim siḷataani, aglaan aksiasaaniaŋitkaich salumaruaguruat atuġuuraŋich Salumaruami Inimi naakka ikipkaivigmi. Tainna pituaġumiŋ, iliŋiḷḷu suli ilivsi tuqutauniaqtusi.

Numbers 18:3 Iomraidhean Croise

Numbers 1:51

Aullaġaġiguvsi nullaummivivsiññiñ, Levi-m kiŋuvaaŋich tupqiyallaaniaqtut aasii nappaġmiḷugu nullatqigviannun. Kiña alla iñuk qaninŋautiruaq Tupiġmun tuqutauniaqtuq.

Numbers 1:53

Aglaan Levi-m kiŋuvaaŋich nullaġniaqtut avataanun Tupqum munaqsrausaġlutiŋ, kia-unnii qaninŋaŋitchumagaa Tupiq qanukkii qaninŋaqpata qinnautiniaġitka Israel-gum kiŋuvaaŋich.”

Numbers 16:40

Taamna kiliktuutigiŋagaa Israel-gum kiŋuvaaŋiññun kiñaunnii kiŋuniiġiŋitchaŋa Aaron-gum ikipkaivigmugluni ikipkaitquŋił̣ł̣ugu tivraġiksautinik Ataniġmun. Tainna pituaġumi suksraunġiqsauniaqtuq Korah-tun suli maliktiŋisitun. Iluqaan tamanna savaaġiŋaniġaat nalaułługu Atanġum piraksriutaa Eleazar-mun Moses-kuaqługu.

Numbers 18:4

Savaqatigiruksraġigaasi piraksriusiamiktitun iluqaani savaaksrami Tupim siḷataani, aglaan alla iñuk qallisaaniaŋitchuq ilivsiññun.

Numbers 18:7

Ilvich aglaan iġñitillu kisivsi savaaġillaniaġiksi aŋaiyyuliqsauniq ikipkaivigmi ikipkaiñikun suli sut ittuat Salumaniqtauruami Inimi. Tamarra tamatkua piraksriusiaġigisi, uvaŋa qaiñŋavlugu ilivsiññun aŋaiyyuliqsauniq. Kiña iñugruiññaq qallituaġniqpan salumaruanun suġautaġiraŋiñun tuqutauniaqtuq.”

Numbers 3:25

Qaunagiŋagaalli Tupiq, iḷulliq taluŋa, siḷalliġḷu taluŋa, talukiyaaŋalu paaŋata,

Numbers 3:31

Savaaksriusiaġiŋagaat Sivunniuġutim Kiguunniŋa, niġġivigḷu, naparuaġlu naniqaġvik, ikipkaiviich, suġauttat aŋaiyyuliqsiqpaich atuġuuraŋich Salumaruami Inimi, talukiyaaġlu paaŋaniittuaq Salumaniqtauruam Inim. Savaaġiniaġaich savaaksrauruat taapkunaŋŋa.

Numbers 3:36

Savaaksriusiaqaŋarulli avaluŋiññik Tupqum, sanniġutaŋiññik, napaqsraŋiññik, tunŋaviŋiññik, iluqaiññiglu savalġutiŋiññik, Savaaġiniaġaich savaaksrauruat taapkunaŋŋa.

Numbers 31:30

Taapkunaŋŋa qaitchaŋiññiñ iñugnun, atausimik piksrallaalusi malġukipiaq quliuruaniñ (50) tigutaaqtaniñ suli tainnasuli pamiqsaaniñ, kakaktiniñ, imnaiñiñ, suli nagruligniñ. Qaiḷḷugich Levi-m kiŋuvaaŋiññun qaunaksrauruanun Atanġum Tupqanik.”

Numbers 4:15

Aaron-guvlu iġñiŋiksalu matuuganikpatigich salumaruat suġauttapayaurat, aullaġnaqsikpata kisian, Kohath-gum kiŋuvaaŋisa tigumiaġiaġniaġaich. Aglaan aksiktuksraġiŋitkaich salumaruat suġauttaŋich, atakkii tainna pituaġumiŋ tuquniaqtut. Kohath-gum kiŋuvaaŋisa tigumiaġniaġaich tamatkua iḷuaniittuat Tupqum Atanġum nayuqtauviata.