Numbers 18:19 - Iñupiatun Mumiksat Uqalugiksuat

¹⁹ “Qaitkitka iliŋnun, iġñiġutiignun, suli paniutignun, taimuŋaaglaan, iluqaisa ilaaguaqługich nalunaiqsauruat aitchuutiŋich Israel-gum kiŋuvaaŋich uvamnun. Allaŋŋuġumiñaitchuq taamna unniqsuqłiisiga iliŋnun suli kiŋuniiġiraġnun.”

Numbers 18:19 Iomraidhean Croise

2 Kings 12:16

Manik aitchuutauruaq akiḷiutausaqługu killukkuaġutinun naakka piḷuutinun ikulaiñŋagaat kiguunniġmun; aŋaiyyuliqsiqpaiḷḷi piksrautigigaat.

Exodus 29:27

“Aŋaiyyuliqsiqpauruaq nalunaiqsaukpan, sakiaŋalu mumiŋalu aŋusallum imnaim atugaksrauruk piraġausiq atuġumirruŋ nalunaiqsaunikun ilaaguaŋalutiŋ uvamnun nuimaruagulugich aitchuutit aasii ilaagun itillugich aŋaiyyuliqsiqpaŋnun.

Leviticus 2:13

Taġirriġḷugu palauvaksraq aitchuutaupayaaqtuaq, taġium arriġigaa sivunniuġutauŋaruaq ilivsiññiḷu God-miḷu. (Taġiuliqsuksraġigisi iluqaisa aitchuutigirasi.)

Leviticus 21:22

Tainnaittuam aŋutim niġiyumiñaġaa niqi aitchuun uvamnun, iluqaaktun salumaruaġlu salumapiaġataqtuaġlu niqik aitchuutik,

Leviticus 7:14

Qaitchiḷusi aviktamik punnillaamiñ ilaaguaqtaulugu qaisaksramik Ataniġmun; piginiaġaa aŋaiyyuliqsiqpaum niġrutim auŋanik auguaqtairuam ikipkaivigmik.

Numbers 18:11

“Tavra suli, ilaaguaqługich aitchuutigiraŋiññik Israel-gum kiŋuvaaŋisa uvamnun iḷaŋa piñiaġmigiksi. Qitunġaġiigñivsiññi iḷaupayaaqtuaq salumaruaq piraġausiq nalaullugu niġiyumiñaġniaqtuq.

Numbers 18:8

Atanġum uqallautiŋagaa Aaron, “Uvaŋa savaaksriñŋagikpiñ qaunagitquvlugich aitchuutit uvamnun: salumaruat aitchuutipayaat uvamnun Israel-guruat qaisaŋich uvamnun ilivsiññun qaitkitka iġñiġutignullu nalunaiqsaulugich iliŋnun, isuitchuamun.

Numbers 31:29

Qaiḷḷugich aasii Eleazar-mun aŋaiyyuliqsiqpagmun nuimaruagilugich aitchuutigilugich Ataniġmun.

Numbers 31:41

Tavra Moses-gum qaitchiŋagaa Eleazar tax ilaaguaġlugu aitchuun Ataniġmun, Atanġum piraksriutaatun.

Deuteronomy 12:26

Nanġaivigmuutilugich ilaaguaqtaġiŋarasi suli unniqsuqłiutigiŋarasi Ataniġmun.

Deuteronomy 12:6

Tavrani aitchuigisirusi aitchuutiksravsigñik ikipkaaksrauruaniglu niġiraksraniglu, qulikuuġniġugaluaqpata aitchuutaugaluaqpata, qaisaksraugaluaqpata unniqsuqłiisigiŋavlugich Ataniġmun, naakka aitchuisiññaqtaugaluaqpata, naakka pamiqsaavsiññi aniqqaaqtuagugaluaqpata imnaigutivsigñiḷḷu.