Numbers 18:16 - Iñupiatun Mumiksat Uqalugiksuat

¹⁶ Miqłiqtut atausimik tatqiñiŋaruat tauqsiġñiaġisi akikaaŋatitun tallimanik qatiqtuanik manigñik, nalaullugu inillaŋaruaq maliġiaksraun Tupiġmi.

Numbers 18:16 Iomraidhean Croise

Exodus 30:13

Iluqaġmiŋ iḷauruat kisitchikpata akiḷiiruksraurut akiḷiaksraunmik manigmik, uqumaisilaaqaġlugu inillaŋaruakun. Iluqaġmiŋ taamna akiḷiqtaksraġigaat aitchuutaulugu uvamnun.

Exodus 38:24

Iluqaġmi kaviqsuaq manik qaisauŋaruaq Ataniġmun Aŋaiyyuvikpaksramun Tupiġmun uqumaisigiŋaruq 2,195 pounds-tun, uqumaisilaaġusiatigun inillaŋaruakun.

Leviticus 27:25

Iluqaisa akiŋit inillagniaġait maliġilugu atuġuuraŋat uuktuun.

Numbers 18:15

“Aŋayukłiupayaaqtuat miqłiqtut aŋutaiyaat naagga niġrutauruat Israel-gum kiŋuvaaŋich qaisaŋat uvamnun tavra piginiaġiñ. Aglaan akuqtuqtaksraġigiñ akiḷiun tauqsitqiksaġlugu aŋayukłiupayaaqtuaq miqłiqtuq, suli akuqtuimmiḷutin akiḷiunmik anayukłiġiraŋiñun niġrutit piraġausiq nalaullugu salumaitchuaguruaq.

Numbers 18:17

Aŋayukłiŋich aglaan immuliviich, imnaich, suli nagrulgich tauqsitqikkumiñaitkisi; iluqaisa pigigitka suli aitchuutauruksraurut. Siqił̣ł̣autilugu auŋat ikipkaivigmun aasii ikipkaġlugu qaunnaŋat niġrutit aitchuutigilugu ikipkaivigmun, tipaa iviġaumanaqtuq uvamnun.

Numbers 3:46

Israel-gum kiŋuvaaŋich iġñiqqaaŋich iñugiałhaaniġmata Levi-m kiŋuvaaŋiññiñ 273-tun iñugiałhaaqtigivlutiŋ, tauqsiqtuksrauniaqtutin atisisaġlugik.

Numbers 3:47

Atausiḷḷaa tallimanik qatiqtuanik manigñik tauqsiḷḷaalugu, maliġilugu inillaŋaruaq,