Numbers 18:15 - Iñupiatun Mumiksat Uqalugiksuat

¹⁵ “Aŋayukłiupayaaqtuat miqłiqtut aŋutaiyaat naagga niġrutauruat Israel-gum kiŋuvaaŋich qaisaŋat uvamnun tavra piginiaġiñ. Aglaan akuqtuqtaksraġigiñ akiḷiun tauqsitqiksaġlugu aŋayukłiupayaaqtuaq miqłiqtuq, suli akuqtuimmiḷutin akiḷiunmik anayukłiġiraŋiñun niġrutit piraġausiq nalaullugu salumaitchuaguruaq.

Numbers 18:15 Iomraidhean Croise

2 Kings 12:5

Aŋaiyyuliqsiqpaullaaruam qaunagiruksraġigaich maniich qaġġirraŋich maniḷiqisriŋisa, suli manik atuġumaaqługu iluaqsruutigilugu Aŋaiyyuvikpagmun, savagnaqsiraġikpan.

Exodus 13:15

Pharaoh uqayunaił̣ł̣uni aullaquŋiñmatigut, Atanġum tuqunŋagaich aŋayukłiupayaaqtuat aŋutit nunaŋani Egypt, iñuiḷḷu niġrutillu. Tainnamik tavra aitchuutigisuugivut aŋayukłiupayaaqtuat aŋusallut niġrutit Ataniġmun, aglaan tasuqługich aŋayukłiuruat iġñivut.

Exodus 13:2

“Ilaaguaqsigik iluqaisa aŋayukłiuruat aŋutit uvamnun, qanuq uvva aŋayukłipayaat aŋutit Israel-gum kiŋuvaaŋich suli aŋayukłiuruat aŋusallut niġrutit uvaŋa pitka.”

Exodus 22:29

“Aitchuutiqaġitchi uvamnun palauvaksrautivsiññiñ, wine-gutivsiññiñ, suli uqsruliaguruaniñ olives-niñ aitchuutaunaqsiraġikpata. “Qaitchigik uvamnun aŋayukłiuruat iġñisi.

Exodus 34:20

aglaan tauqsitqiktaksraġigiksi aŋayukłiupayaaqtuaq kakakti aitchuiḷusi imnaiyaamik inaani. Tauqsitqiŋitkuvsiuŋ, niġluġlugu quŋusiñġa. Tasutqigḷuguasii aŋayukłiupayaaqtuaq iġñiġuruaq. “Kiña unnii sivuqqamnuktuksrauŋitchuq aitchuutaiḷaaġluni.

Numbers 18:16

Miqłiqtut atausimik tatqiñiŋaruat tauqsiġñiaġisi akikaaŋatitun tallimanik qatiqtuanik manigñik, nalaullugu inillaŋaruaq maliġiaksraun Tupiġmi.

Numbers 3:46

Israel-gum kiŋuvaaŋich iġñiqqaaŋich iñugiałhaaniġmata Levi-m kiŋuvaaŋiññiñ 273-tun iñugiałhaaqtigivlutiŋ, tauqsiqtuksrauniaqtutin atisisaġlugik.

Deuteronomy 15:19

“Aŋayukłiŋich aŋusallut pamiqsaavsiŋniñ imnaiñiḷḷu aitchuutigiyumagisi Ataniġmun God-ivsigñun; savaktinniaġnagich naakka saliñagich imnaich mitquŋich.