Numbers 18:13 - Iñupiatun Mumiksat Uqalugiksuat

¹³ Iluqaisa ilvich piginiaġitin. Iḷagipayaaqtaqpich qitunġaġiigñivsiññi piraġausiq nalaullugu salumaruaguruat niġiḷḷaniaġaat.

Numbers 18:13 Iomraidhean Croise

2 Kings 4:42

Allamisuli, aŋun qaimaruq Baal Shalishah-miñ, aatchivḷugu Elisha iñuiññanik (20) punniġnik kivluaqqaaŋiñiñ barley-niñ taaptumani ukiumi, suli kivluaqqammianiñ palauvaksraniñ. Elisha-m tilimagaa kivgani niġipkaquvlugich God-im uqaqtiŋi taapkuniŋa,

Exodus 22:29

“Aitchuutiqaġitchi uvamnun palauvaksrautivsiññiñ, wine-gutivsiññiñ, suli uqsruliaguruaniñ olives-niñ aitchuutaunaqsiraġikpata. “Qaitchigik uvamnun aŋayukłiuruat iġñisi.

Exodus 23:19

“Ukiutuaġaġikpan qaġġisilugich igluanun Atanġum God-ivsi sivulliit palauvaksrat katiqsrasi. “Iganasiuŋ imnaiyaaq naakka nagrulik aakaŋata immuani.

Exodus 34:26

“Ukiutuaġaġikpan Atanġum igluanuurriḷusi sivulliġñik palauvaksranik kivluavsiññik. “Iganasiuŋ imnaiyaaq naakka nagrulik aakaŋata immuaniñ.”

Leviticus 22:7

Siqiñiq nipianikpan salumasiñiaqtuq, tavraasii niġiḷḷasiḷuni salumaruanik aitchuutinik, ilaatakii niqigigai.

Leviticus 23:17

Qitunġaġiiḷḷaat qaġġirrigisirut malġugnik punniignik aasii aitchuutigilugik Ataniġmun ilaaguaġlugik aitchuutik. Punnillaa imaksraligaaq uqumaisilaaqaġniaqtuq sisamatun pounds-tun aasii sivulliiñiñ palauvaksraniñ kivluaniñ aitchuutauluni Ataniġmun.

Deuteronomy 18:4

Aitchuusiaqaġisirut sivulliŋiññiñ palauvaksrat, wine, olive uqsruq, suli imnait mitquŋiñik.

Deuteronomy 26:2

atausiullaalusi ilaaguaqsiyumausi nauriaqqaavsiŋniñ aguummagnun aasii ilaaguaqtasi kaluġlugich aŋaiyyuvigmun.