Numbers 17:10 - Iñupiatun Mumiksat Uqalugiksuat

¹⁰ Ataniq uqallaktuq Moses-mun, “Aaron-gum ayauppiaŋa iḷisaġiñ sivuġaanun Sivunniuġutim Kiguunniŋata. Kiliktuutauluni itchumauq Israel kiŋuvaaŋiññun paaqłaguktuanun tuqutauniaqtilaaŋiññik uqamayuŋaiŋisuaqpata.”

Numbers 17:10 Iomraidhean Croise

Psalms 57:4

Avatkaanŋauvva akiḷḷiima, laiyaqpaktun iñuktuqsiññaatun. Panatullu qaġruŋisullu pisiksit kigutiŋich ittut; uqaqaqtut ipiktigiruanik igḷuktuuliktun.

Exodus 16:32

Moses uqaqtuq, “Atanġum tutquqsitqugaatigut iḷaŋanik maana-m, kiŋuvaaksrautiptignun tautuquvlugich niqiksriusiavut nunagluktuami aullautikamisigut Egypt-miñ.”

Exodus 16:34

Atanġum piraksriusiatun Moses-mun, Aaron iḷiñiġaa sivuġaanun Sivunniuġutim Kiguunniŋata tutquqtautquvlugu.

Numbers 14:5

Tavraasii Moses-lu Aaron-lu punŋaruk nunamun sivuġaanni Israel-gum kiŋuvaaŋich.

Numbers 16:21

“Avuŋaqtaaġitchik ukunaŋŋa iñugniñ, suksraunġiġniaġitka tavraŋŋatchiaq.”

Numbers 16:38

Siḷaavyiutit piŋich taapkua aŋutit tuquŋaruat piḷuusiqiŋavlutiŋ. Eleazar-m aasii siḷaavyiutit kautaqtuksraugai maptukłiuraġlugich. Matuliuqtuksrauruq saniġaŋa ikipkaivigmun taaptumiŋa savił̣hamik. Taapkua siḷaavyiutit atuŋagaich uvamnun tivraġiksautinik aitchuigamik, tainnainniġman salumaruagurut uvamni. Kiliktuutauyumauq kautaqtaq savił̣haq nalunaiḷutauluni Israel-gum kiŋuvaaŋiññun.”

Numbers 16:40

Taamna kiliktuutigiŋagaa Israel-gum kiŋuvaaŋiññun kiñaunnii kiŋuniiġiŋitchaŋa Aaron-gum ikipkaivigmugluni ikipkaitquŋił̣ł̣ugu tivraġiksautinik Ataniġmun. Tainna pituaġumi suksraunġiqsauniaqtuq Korah-tun suli maliktiŋisitun. Iluqaan tamanna savaaġiŋaniġaat nalaułługu Atanġum piraksriutaa Eleazar-mun Moses-kuaqługu.

Numbers 17:11

Moses-gum savaaġiŋagaa Atanġum piraksriutaa.

Numbers 17:4

Tupiġmuutilugich nayuqtauvimnun aasii iḷiḷugich sivuġaanun Kiguunniŋata Sivunniuġutim, uqaġvikaaptinni.

Numbers 17:9

Moses-gum tautuktinŋagaich iluqaisa ayauppiat Israel-gum kiŋuvaaŋiññun. Qiñiŋagaich, aasii aullarriullaaruat ayauppiallaatiŋ tasutqiŋagaich.

Numbers 20:9

Moses-gum isagiaŋagaa ayauppiaq, piraksriutaatun Atanġum.

Numbers 4:18

“Iḷaŋich Kohath-gum

1 Corinthians 10:10

Suli uqamayuktuksrauŋitchugut iḷaŋisasuli piḷġusiatitun, suksraunġiqsittuat isaġulganun tuqqutim.

Ephesians 5:6

Kimulliqaa sagluqipkaġnasi iḷumun inŋitchuanik uqaluŋnik, qanuq tamatkua pisigilugich God-im tatavsaġniaġai kamasulaitchuat inmiñik.

Deuteronomy 9:24

Tavra nayuqsiutikavsiqaŋa paaqłaktuaġiksi Ataniq.

Deuteronomy 9:7

“Puigugniaġnasiuŋ qanuq Ataniq God-iksi qinnaiŋatilaaŋanik nunagluktuami. Aullaġluqqaaqtusi Egypt-miñ tikiḷgataġnivsiŋñuaglaan mauŋa, paaqlaktaŋaiyuitkiksi.

Hebrews 9:4

Aasii iḷuaniinŋaruq ikipkaiviḷiaq tivraġiksautinun piḷiaq maniŋmiñ kaviqsuamiñ, kigiunniġlu itqaumman God-im sivunniuġutaanun, puuqaqtuaq iluqani maniŋmik kaviqsuamik. Taavruma kiguunniġum imaġivlugich utkusigḷu piḷiaq maniŋmiñ kaviqsuamiñ imalik maana-mik, ayauppiaŋalu Aaron akutuqpanillaruaq, pitqurallu aglaŋaruat saapaqayaaŋnun uyaqqaŋnun.

1 Samuel 2:12

Eli-m iġñiŋich pigiiḷḷiqirauŋarut. Qiksiksrautiqaŋaitchut Ataniġmun.

1 Samuel 30:22

Aglaan iḷaŋich aŋutit iñugiitchuat anniqsuutauŋitchuallu David-gum piqatiŋich uqallaŋarut, “Piqatigiŋaitkaatigut, tavraasii aitchuġniaŋitkivut iḷaŋiññik suġaluich. Kisian tuvaaqatitiglu miqłiqtutiglu piḷugich aullaġlich.”