Numbers 16:41 - Iñupiatun Mumiksat Uqalugiksuat

⁴¹ Uvlaakumman nunaaqqim iñugiraŋich iluqaġmiŋ uqamayuŋamagaik Moses-lu Aaron-lu uqallakłutiŋ, “Tuqunŋagisi imma Atanġum iñuŋisa iḷaŋich.”

Numbers 16:41 Iomraidhean Croise

1 Kings 18:17

Ahab-gum tautukkamiuŋ, uqallaktuq, “Uvaniittutilliqaa—iłuiḷḷiuqtitchiriqpak Israel-mi!”

Psalms 106:13

Aglaan qilaminiaq piiguŋaniqsut savaaŋiñik suli utaqqigaluaġnatiŋ qanuq pitquniaqtilaamignik.

Psalms 106:23

God uqallagman suksraunġiġñiaġnivḷugich iñuni, piksraqtaaġivlugu kivgani, Moses, makitaŋaniqsuq sivuġaani God-im, paaqłaŋanigaa God aasii suksraunġiqsinŋił̣ł̣ugich iñuich.

Numbers 14:2

Uqamayukłutiŋ akiḷḷiġivlugik Moses-lu Aaron-lu, uqaqłutiŋ, “Nakuułhaaŋanayaqtuq tuqullakkupta Egypt-mi naakkaunnii tamaani nunagluktuami!

Matthew 5:11

Quviasugitchi iñuich uqamaqłuktautigaluaqpasi nagliksaaqtitkaluaqpasiḷu suli nivlialutiŋ qanusipayaanik pigiitchuanik ilivsigun saglutigilusi pisigilugu maliġuaqtauniqsi uvamnun.

Acts 21:28

nipaalavlutiŋ, Israel-guruasii, ikayuġitchi. Uvva una iñuk iḷisaurriruaq iñuŋnik sumiḷiqaa paaqłakługich Israel-guruat, pitqurallu qaisauruat Moses-kun unalu aŋaiyyuvikpak. Aasiuvva paŋmapak qaġġirrimmiuq iḷaŋiññik Jew-guŋitchuat itqutivlugich aŋaiyyuvikpaŋmun, aasii salumaiḷivḷugu una ini ilaaguaqtauŋaruaq God-mun.

Acts 5:28

Tavra uqallautiŋagai, Piraksripiaġataŋagaluaġivsi iḷisaurritquŋił̣ł̣usi taavrumuuna Jesus-kun, naaggauvva ilivsi siaminŋagiksi iḷisaurrutiksi iñupayaanun Jerusalem-mi, aasii patchisaupkaqsaqłuta tuqutauniŋagun.

1 Corinthians 10:10

Suli uqamayuktuksrauŋitchugut iḷaŋisasuli piḷġusiatitun, suksraunġiqsittuat isaġulganun tuqqutim.

2 Corinthians 6:8

Piḷḷuataqtuagurugut suli Ataniġmun, iñuich isummatigilluataġaluaqpatigut, naagga isummatigigaluaqpatigut suuŋiḷauniḷuta, iñuich nanġaġaluaqpatigut naagga pasigaluaqpatigut. Piŋŋuaqtualigaluaġaatigut aasii uvagut pitqiksiġaŋitchugut.

Jude 1:16

Tamatkua iñuich ataramik uqamayuutiqaqtut pasivḷugiḷḷu allat iñuich, kamagiugaqługich pigiitchuat kipiġniuġutitiŋ. Uqavigaaġutigisuummiut inmiŋnik, suli uqayuqsaaġutivlugich iñuich ilaisa pitqukkatiŋ nalautquvlugich.