Numbers 16:40 - Iñupiatun Mumiksat Uqalugiksuat

⁴⁰ Taamna kiliktuutigiŋagaa Israel-gum kiŋuvaaŋiññun kiñaunnii kiŋuniiġiŋitchaŋa Aaron-gum ikipkaivigmugluni ikipkaitquŋił̣ł̣ugu tivraġiksautinik Ataniġmun. Tainna pituaġumi suksraunġiqsauniaqtuq Korah-tun suli maliktiŋisitun. Iluqaan tamanna savaaġiŋaniġaat nalaułługu Atanġum piraksriutaa Eleazar-mun Moses-kuaqługu.

Numbers 16:40 Iomraidhean Croise

Psalms 115:10

Aŋaiyyuliqsiqpaich Aaron-gum kiŋuvaaŋi, ukpiġutiqaġitchi Ataniġmun. Ikayuġuugaasi suli akkiaġautauruq ilivsiññun.

Leviticus 22:10

“Aŋaiyyuliqsiqpaich qitunġaŋiḷḷu kisimiŋ niġiḷḷaniaqtut salumaruanik aitchuutinik; allat niġiyumiñaitkaich—iñuk unnii tukkuruaq aŋaiyyuliqsiqpagmun naakka savaktauluni ilaanun.

Numbers 1:51

Aullaġaġiguvsi nullaummivivsiññiñ, Levi-m kiŋuvaaŋich tupqiyallaaniaqtut aasii nappaġmiḷugu nullatqigviannun. Kiña alla iñuk qaninŋautiruaq Tupiġmun tuqutauniaqtuq.

Numbers 16:39

Tavra Eleazar-m aŋaiyyuliqsiqpaum kautaŋagai maptukłivḷugich siḷaavyiutiŋich matuliuqługu saniġaŋa ikipkaivium.

Numbers 3:10

Nalunaiġñiaġiñ piksraqtaaġilugu Aaron iġñiŋiḷḷu savaaġitqulugich savaaŋich aŋaiyyuliqsiqpauniġum; kiña alla tainna pisaaruaq tuqutauniaqtuq.”

Numbers 3:38

Moses-lu Aaron-lu, Aaron-guvlu iġñiŋich nullaqtuksrauŋarut sivuġaanun Tupqum kivaliñaaŋata. Savaaġiŋagaiḷḷi savaaksrautitiŋ Salumaruami Inimi Israel-gum kiŋuvaaŋiññun. Kiña alla iñuk savaksaaruaq tavrani tuqutauniaqtuq.

Hebrews 5:4

Kiñaliqaa aŋaiyyuliqsiqpagulaitchuq inmiñik, aglaan ilaa nalunaiqsiqaġaqtuq God-mik, Aaron-tuttauq nalunaiqsaŋatun.

Jude 1:11

Qanutun tatamaanaqtigiruaq kasuġumaaġaat. Ilimiŋnik pasirauyumiñaqsiŋarut Cain-tauq piŋaraŋatun ittuamik. Maġġutipiallaŋarut inmiŋnik killuliqutipiaġatanun maniqallatuvaił̣ł̣utiŋ, Balaam-tuttauq. Suksraunġiqsauniaqtut qanuq makivsaallaŋarut akiḷḷiutivlutiŋ Korah-m makivsaallausiatun.