Numbers 16:26 - Iñupiatun Mumiksat Uqalugiksuat

²⁶ Uqautigaich iñuich, “Piiġitchi tupiŋiñiñ ukua piḷuusiqirich suli aksianasigik suġautaŋich! Tainna piguvsi tuquniaqtusi piqatigilugich piḷuusiqiaŋich pisigilugich.”

Numbers 16:26 Iomraidhean Croise

Genesis 19:17

Anipqauragamik inimiñ, igḷua isaġulgum uqallaktuq, “Aqpamik iñuggutisi annautisauraqsigik! Kiŋiaġnasi naaggaunnii nutqaġnasi natiġnami. Aqpallusi qimiqqanuksauraġitchi, tuqutauŋitchumausi.”

Numbers 16:25

Tavraasii Moses, piqatiqaqłuni aullarriŋiñik Israel, Dathan-muŋaruq suli Abiram-mun.

Matthew 10:14

Tavra kialiqaa tukkuliŋitpasi naagga naalaġnisuŋitpatigik uqalusi, piiyaqsiuŋ avyuq isigavsiññiñ aniñiallavsi iglumiñ naagga nunaaqqimiñ.

Acts 13:51

Tavra piiyaŋagaak nunam avyua isigagmiŋniñ kiliktuutausaqługu ilaiññun ayyaiñiŋatigun, aasii aullaqłutiŋ Iconium-mun.

Acts 8:20

Tavra Peter-m uqallautiŋagaa, Manikpich suksrauqatigilisin, qanuq isumaŋaniqsutin piññaktaaġiyumiñaġasugalugu maniŋñik aitchuutaa God-im.

2 Corinthians 6:17

Taamna pisigilugu, piqasiqsuġnagich ukpiŋaitchuat piraġausiŋiññi. Avinŋasitchi iliŋiññiñ. Uvaŋa Ataniq piraksriġivsi. Piqqayaanagich pigiitchuat piraġausiŋich, aasii iviġaumaniaqtuŋa akuqtuġlusi.

Deuteronomy 13:17

Tutquqsiñiaġnasi supayaamik taaptumaŋŋa suksraaqtauganiŋaruamiñ, Atanġum qinnautiqpagmiñiñ mumiguni nagligiliġumagaasi. Ilaan nagligiliġḷusi iñugiaksipkaġniaġaasi atqunaġlusi, unniqsuqłiunmisun maŋŋuuvsigñuñ,

1 Timothy 5:22

Qilamiqsruuttaġinagu iḷisiñiaġniq argaŋnik ilaaguaqsiñiksramun iñuŋmik savaaŋanun Atanġum. Patchisauyumiñaqsiñak allat iñuich piḷuutiŋiññun. Qaunakkuiñ iliŋnik piḷuutaitchuglutin.

Revelation 18:4

Tavrani uvaŋa John tusaaŋammiuŋa allamik nipimik qiḷaŋmiñ uqallaktuamik, Annisitchi Babylon-miñ, iñutkaa, annisitchi ilaaniñ. Iḷauruksrauŋitchusi piḷuutiŋiñi. Iḷauruksrauŋitchusi tatavsausiaŋiñi.