Numbers 16:22 - Iñupiatun Mumiksat Uqalugiksuat

²² Moses-lu Aaron-lu aglaan punŋaruk kiiñatiŋ tułługik nunamun aasii uqallakłutik, “God-auruatiin, iñuggusiqsimaaġiñ sunapayaaq. Nalliqput tavra piḷuusiqimman, qinnautisuuviuŋ iluqaan nunaaqqiuruaq?”

Numbers 16:22 Iomraidhean Croise

Genesis 18:32

Abraham uqallaktuq, “Qinnautinaŋa, Ataniiq, uqallavsaallagniaqtuŋa atausimik. Aasii qulitualugnik patchisaiḷaanik paqitkuvich?” Ilaa uqallaktuq, “Suksrauġiġñiaŋitkiga quliuruat inniqpata.”

2 Samuel 24:1

Tavrasuli Atanġum qinnautiŋagaa Israel, suli David-mun iluiḷḷiuqtiłługich. Atanġum uqallautigaa David, “Kisitchaqtuakkich iñuŋich Israel-guvlu Judah-vlu.”

2 Samuel 24:17

David-gum tautuŋagaa isaġulik tuquġairuaq iñugnik, aasii uqallautivlugu Ataniq, “Uvaŋa patchisauruŋa. Uvaŋauvva killukuaqtuaŋa. Suŋavat makua naglignaqtuat iñuich? Tatavsaqsigut uvaŋalu iḷatkalu.”

Makpiġaaŋa Job-gum 12:10

Ilaan God-im aŋalataġigai iñuusiŋich savaaġiŋaraġmi; iñupayauraq ilaan aŋalatkaa.

Psalms 99:6

Moses-lu Aaron-lu God-im aŋaiyyuliqsiqpaŋisa iḷagiŋagaik, suli Samuel aŋaiyyusuuŋaruaq ilaata atqanun; ququulaŋarut Ataniġmun, aasii ilaata kiuŋagai.

Leviticus 10:6

Tavra Moses-gum uqallautiŋagaich Aaron-lu iġñiŋiglu Eleazar-lu Ithamar-lu, “Iḷḷaiqsuŋaiññagich nutchasi naakkaunnii aligaġlugich annuġaasi qiñiġnaqtitchaġlusi qiñŋutilaaqsi. Tainna pituaġuvsi, tuquniaqtusi, aasii Atanġum qinnautiniaġaa iluqaan nunaaqqiuruaq. Allat aglaan Israel-gum kiŋuvaaŋich iḷasi qiñŋuyumiñaqtut, taapkuak pisigilugik Atanġum tuquttaŋik ikipkaqługik.

Leviticus 4:3

Aŋaiyyuliqsiqpak piḷuusiqiniqpan aasii taputilugich iñuich, aitchuiruksrauruq immulivium aŋusalluayaaŋanik surruutaitchuamik aasii ikipkaġvikun aitchuutigilugu Ataniġmun piḷuutini pisigilugu.

Numbers 14:5

Tavraasii Moses-lu Aaron-lu punŋaruk nunamun sivuġaanni Israel-gum kiŋuvaaŋich.

Numbers 16:23

Atanġum aasii uqautiŋagaa Moses,

Numbers 16:4

Moses-gum taamna tusaagamiuŋ, punŋaruq nunamun aasii aŋaiyyuaqsivḷuni.

Numbers 16:45

“Avuŋaqtaaġitchik ukunaŋŋa iñugniñ, suksraunġiġñiaġitka tavraniitillugich!” Iluqatik punniqsuk kiiñatik nunamukługik,

Numbers 27:16

“Ataniiq God, iñuggusiqsimaaġiñ sunapayaaq, aŋaiyyuruŋa nalunaiqsiiñ iñugmik aullarriyumiñaqtuamik

Romans 5:18

Tavra iñuum atautchim piḷuksisaata qaġġisimmagu suksraunġiun iñupayaanun, tainnalivsauq iñuum atautchim kamaksriñiŋata God-mik, qaġġisigaik suliqutigiŋaiqsauniġlu piiguġumiñaqsivḷugich piḷuutit iñuggullu iñupayaanun.

1 Corinthians 13:7

Iñuum piviuttaqsriruam allanik iñuŋnik manimmiḷḷagai pimaqłuutiŋich allat, ataramik ukpiġivlugu nakuuniqsraq iñuktigun, ataramik ququutivlugich pigigñiqsranik allat iñuich, suli manimmiḷgutiqaqtuiññaqłuni allanun iñuŋnun.

Hebrews 12:9

Taamnatualuuŋiñmiuq, nunami aapaqaqtugut tatavsaqtiksraptiŋnik aasii kamagisuugivut. Kamakkutiqałhaaqtuksraurugut Aapaŋannun ilitqutchivsa iñuggutiqaġumaugut.