Numbers 16:19 - Iñupiatun Mumiksat Uqalugiksuat

¹⁹ Koram tavra katinŋagaich nunaaqqim iñuŋich, aasii qikaaqsivḷutiŋ sanmivḷugik Moses-lu Aaron-lu paaŋani Tupqum. Tavraŋŋatchiaq qaumanġa Atanġum niptaŋaruq iluqaiññun katittuanun,

Numbers 16:19 Iomraidhean Croise

Exodus 16:10

Aaron uqaqtillugu Israel-gum kiŋuvaaŋich qiviaġniqsut tuŋaanun nunagluktuam, aasii tavraŋŋatchiaq nuviyakun nuiruq qivliġruaqtun qaumaniŋa Atanġum.

Exodus 16:7

Uvlaami tautugniaġiksi Atanġum, itqatauniŋata qaumaniŋa. Tusaaŋagaasi uqaviḷuutigavsiuŋ—ii, ilaa paaqłakługu, qanukkii uvva uvaguk savaaġisiññaġivuk piraksriqsuutiŋi.”

Leviticus 9:23

Moses-lu Aaron-lu Tupqanuŋaruk isiqłutik Atanġum nayuqtauvianun, aasii anigamik, quviasaaġusiŋagaich iñuich, aasii tavra qaumanġa Atanġum nayuqtauniŋata niptaŋaruq iluqaiññun iñugnun.

Leviticus 9:6

Moses uqallaktuq, “Atanġum piraksriŋagaasi tamatkua iluqaisa tuvraquvlugich, qaumaniŋa nayuqtauniŋata niptaquvlugu ilivsiññun.”

Numbers 12:5

tavra Ataniq atqaŋaruq nuviyakun, qikaqhuni paaŋani Tupqum, ququulaniġaik, “Aaron! Miriam!” Iluqatik sivuġaanuktaaġniqsuk,

Numbers 14:10

Iluqaġmiŋ iñuich uyaġagnik miḷḷuuqtuġlugik tuqutchumaalliġñiġaik, aglaan tavraŋŋatchiaq iñuich tautukkaat qivliġruaqtun qaumanġa Atanġum niptaqtuaq qulaanun Tupqum.

Numbers 16:18

Siḷaavyiutillaamignik piŋaniqsut, aumaruanik aluanik ikusivḷutiŋ tivraġiksautiniglu, qikaŋarut paaŋani Tupqum piqatigivlugik Moses-lu Aaron-lu.

Numbers 16:20

tavraasi Ataniq uqallaktuq Moses-mullu Aaron-mullu,

Numbers 16:42

Katitanikkamiŋ akiḷḷiqsruqługik Moses-lu Aaron-lu, qiviaġniqsut Tupqum tuŋaanun aasii tautugniġaat nuviyam taluraŋa tupiq aasii qaumaniŋa Atanġum niptaŋaniqsuq.

Numbers 20:2

Nullaġvianni tavrani imġiñŋaruq, tavraasii iñuich katinŋarut akiḷḷiqsruqługik Moses-lu Aaron-lu

Numbers 20:6

Moses-lu Aaron-lu uŋasiksiḷaaqhutiŋ iñugniñ makinŋaruk paaŋanun Tupqum. Punŋaruk kiiñatik nunamukługik, aasii qaumanġata Atanġum niptaġvigiŋaniġaik.