Numbers 16:15 - Iñupiatun Mumiksat Uqalugiksuat

¹⁵ Moses uumitchakłuni uqallaktuq Ataniġmun, “Akuqtuġnagich taapkua aŋutit aitchuutiksrakkaluaŋich iliŋnun. Nalliat unnii pimaqłuŋaitkiga; kakaktiŋich unnii piññaktaaġiŋaitkitka.”

Numbers 16:15 Iomraidhean Croise

2 Samuel 22:22

Kamaksrisuuruŋa pitquraiññik Atanġum; Tununŋaitkigalu God-iga.

Exodus 32:19

Moses qalligami nullaummiviŋmun tautukkaa aŋusalluq nuġġaq suli iñuich kanaakkiuruat, qinnalipiaġataŋaruq. Tavrani natqani iġġim, miḷuqsautigaik aglagviik tigumiaqtagni aasii siqummalaaqługik.

Proverbs 21:27

Atanġum nakuaġiŋitkaich piḷuktuat iñuich ikipkautinik aitchuiruat inmiñun, patchisiqaġmatapiksuaq imma sumik piḷuktuamik.

Numbers 12:3

(Moses una piuniaŋitchuaguŋaruq iñuk, piuniaŋitchuaguniqtauvluni iñugniñ nunami.)

Numbers 16:16

Moses-gum uqallautigaa Korah, “Uvlaaku ilviḷḷu 250-iuruallu maliġuaqtitin Tupiġmuktuksraurusi Atanġum nayuqtauvianun; Aaron suli tavraniinniaġmiuq.

Matthew 5:22

Aglaalli uvaŋa uqallautigivsi uumiŋa. Iñupayaaq qinnaurriruaq aniqanmiñik anayasaaġniaqtuq isivġiqsauniġmun. Kialiqaa uqamaqłuutigumiuŋ aniqatini, anayasaaġniaqtuq isivġiqsauniġmun ataniġnaqusiraqtuaniñ. Kiñaliqaasuli uqallaurrigumi inna, Ilivich isumalluaġiitchuatiin, ilaa anayasaaġniaqtuq nagliksaaġviŋmugniksramun igniġmun.

Mark 3:5

Tavra Jesus qiñiġaallakługich qinnaliŋaruq pisigivlugu sivunmuuniŋat killukuaġniŋallu, aglaattauq iḷunŋutchautigiŋagai. Ilaan uqallautiŋagaa iñuk, Isaakkich argaktin. Tavra isaaŋagai, aasii argaŋi iłuaqsirauŋarut igḷumiktun.

1 Corinthians 9:15

Aglaan uvaŋa atuŋaitkiga nalliat-unnii tamatkua nalaunŋaruakun pamarrusiaqautiksrat, naaggaunnii ukuniŋa tuyuŋitchuŋa piññaksaġluŋa tainnatchimik pamarrusiaksramik. Sugiŋił̣haaġiga tuquguma alġaqsruiḷuŋa akiiḷaaġluŋa tammaiñiġmiñ ilivsiññun alġaqsruiñiksramik.

2 Corinthians 1:12

Quyaruŋa isumama killuliqirualiŋiñmaŋa itqaġaġikapku iñuuniaġusiġa sivuġaanni iñupayaat, ilivsił̣haaġluami takkuvsiññi, qanuq iñuuŋaruŋa piḷuutaitchuakun piŋŋuaġutaitchuakullu sivuġaani God-im. Iluqaan iññiqiniġa aulanŋitkaa iñugruiññaum pisaasuutaata, aglaan God-im nagliktuutiqpaŋata.

2 Corinthians 7:2

Saġiagisigut piviuttaġilutalu. Pimaqłuiŋaitchugut iñuŋmik. Asiñuurriŋaitchugut iñuŋmik. Ivayaġniŋaitchugut iñuŋmik.

Ephesians 4:26

Qinnaliġuvsi piḷuksisiginagu. Qinnaŋanasi uvluqtutilaaŋatun,

1 Thessalonians 2:10

Iḷisimarusi, God-ttauq iḷisimammiuq, uvagut iññiqusiqput ilivsiññik ukpiqtuanik piḷuutaiñŋaruq, suli nalaunŋavluni, pasiñaġumiñaił̣ł̣uniḷu.