Numbers 16:13 - Iñupiatun Mumiksat Uqalugiksuat

¹³ Naamaŋitpa tavra aullautiŋagavsigut naurisuqtuamiñ maqiugaqtuaq immugniglu honey-ñiglu nunaŋaniñ Egypt tuqutquvluta maani nunagluktuaŋani? Kamanniraaġugmivisigut suli?

Numbers 16:13 Iomraidhean Croise

Exodus 1:11

Tavraasi tiliuqtiliqsuŋagaich nagliksaaqtitaġisaqługich siġġaġnaqtuanik savaktiłługich. Israel-gum kiŋuvaaŋich nappaŋagaik nunaaqqik Pithom-lu Rameses-lu suġauttaqaġvigisaqługik umialigmun.

Exodus 1:22

Kiisaimmaa Pharaoh piraksriiñiqpuq iñugipayaaqtamiñun: “Hebrew-guruat aniqqammiqsuat iluqaisa aŋutaiyaat igitchaġisi Nile-mun kuugmun, aglaan aġnaiyaat iñuupkaġlugich.”

Exodus 16:3

uqallautivlugik, “Tuqunŋalisigut imma Atanġum Egypt-mi. Taavani uvva aquviłłuta niqipiaqtuġuuruaguut qanutupayaaġlu allanik niqinik niġisuktaptignik. Aglaan uvva qaġġisiŋagiptigut mauŋa nunagluktuamun paniġluta iluqata tuqutquvluta.”

Exodus 17:3

Aglaan iñuich imiġuliqpaiñŋavlutiŋ uqaviḷuutiŋaiḷḷaiŋagaat Moses. Uqaqhutiŋ, “Summan aullautiŋavisigut Egypt-miñ? Tuqutchukłuta miqłiqtuvullu pamiqsaavullu imiġuksiuluta?”

Exodus 2:14

Aŋutim kiugaa, “Immaimña kia aullarriġuqpatin suli isivġiqsiġuqłutin uvaptinnun? Tuqunniaġmiviŋa iñuaqtaqtun Egypt-miutun?” Tavraasii Moses iqsiḷiŋaruq isumaalutchakłuni, “Araa imma iñuich iḷitchuġiŋamarut suŋatilaamnik.”

Exodus 2:23

Iñugiaktuat ukiut qaaŋianigmata Pharaoh tuquŋaruq, aglaan Israel-gum kiŋuvaaŋich iiqtuaqtut kivgauvlutiksuli aasii ikayuqtisiularut. Qirrataat ikayuquvlutiŋ God-im tusaaŋagaa,

Numbers 11:20

aglaan naalġataġlugu tatqiq, niġisunġiġataqtillugu. Tainnaġniaqtusi ayyaŋavlugu Ataniq nayuutiruaq akunnavsiññi suli uqaviḷukłusi ilaanun summan aullaŋatilaavsiññik Egypt-miñ.’”

Numbers 11:4

Allaniŋŋaqtauruat iñuich iglauqatauŋarut Israel-gum kiŋuvaaŋiññun. Niqipiaqtuġulipiallagniqsut, Israel-gum kiŋuvaaŋich unnii iliŋich uqaavsiḷiŋarut: “Niqipiaqtuġlutaluqaimña!

Numbers 11:5

Egypt-miinŋaptaimña iḷaŋaniñ iqaluktuqtuaġuusugaugut, akiiḷaaqługich. Immasuli cucumber-t, watermelon-gich, leek-gich, aiñat, garlic-giḷḷu niqigisuusugaavut!

Numbers 13:27

Uqautigaat Moses, “Qimilġuŋagikput nuna aasii tautukługu maqiugaqtuaq immugniglu honey-ñiglu; marra aasii siiġñaŋisa iḷaŋich.

Numbers 14:2

Uqamayukłutiŋ akiḷḷiġivlugik Moses-lu Aaron-lu, uqaqłutiŋ, “Nakuułhaaŋanayaqtuq tuqullakkupta Egypt-mi naakkaunnii tamaani nunagluktuami!

Numbers 14:3

Summan imña Atanġum aullativatigut marrumuŋa nunamun? Tuqutauniaqtugut aŋuyakkupta, nuliavut miqłiqtuvullu iñunnaktaaġiniaġaich. Nakuułhaaġniaŋitpaimña Egypt-mun utiġupta?”

Numbers 16:12

Tavra Moses-gum qaitqugaluaġaik Dathan-lu Abiram-lu, uqallaksiññaŋaruk, “Qaiñiaŋitchuguk!

Luke 19:14

Tavra nunatqatiŋisa uumigiŋagaat aasii tilisiŋarut kivgamik inmiŋniñ aquagun, uqaqłutiŋ, Uvagut umialigisuŋitkikput taamna iñuk.

Acts 7:35

Taamna Moses pigisuŋisaŋat iñuich Israel-guruat uqaqłutiŋ, Kia atanauraġuqpatin isivġiqsiġuqłutillu uvaptiŋnun? God-im tiliŋagaa atanauraġuqługu annaurriruaġuqługulu ikayuqługu isaġulgum tautuŋakkaŋata ikualaruani uqpiŋñi.