Numbers 16:1 - Iñupiatun Mumiksat Uqalugiksuat

^1-2 Korah-m, iġñiŋata Izhar-m, iḷauruat Kohath-nun, kiŋuvaaguvluni Levi-mun, paaqłagniġaa aullarriñiŋa Moses. Piŋasullu allat iḷḷativlutiŋ maŋŋuqaqtuat Reuben-miñ, Dathan-miñ suli Abiram-miñ, iġñiŋich Eliab, suli On iġñiŋa Peleth iḷaqaqłutiŋ 250-tun iñugiaktigiruanik Israel-gum kiŋuvaaŋiññik, aullarrigisuuramignik nunaaqqimigni.

Numbers 16:1 Iomraidhean Croise

Psalms 106:16

Nullaummivigmigni isummanŋutchautigiŋaniġaik Moses-lu Aaron-lu, Atanġum ilaaguaqtaġivlugu iñugiraa.

Exodus 6:16

Levi piŋasunik iġñiqaŋaruq: Gershon, Kohath, Merari-ḷu: taapkua maŋŋuurut kiŋuvaamignun. Levi iñuuŋaruq 137-ni ukiuni.

Exodus 6:18

Kohath sisamanik iġñiqaŋaruq: Amram, Izhar, Hebron, Uzziel-lu. Kohath iñuuŋaruq 133-ñi ukiuni.

Exodus 6:21

Izhar iġñiqaŋaruq piŋasunik: Korah, Nepheg, Zichri-ḷu.

Numbers 15:41

Uvaŋa Atanġuruŋa God-igiraqsi; Egypt-miŋŋautiŋagivsi uvaŋa God-igitquvluŋa. Uvaŋa Atanġuruŋa God-igiraqsi.’”

Numbers 27:3

“Aapagiraqput tuquŋaruq nunagluktuami iġñiqaġaluaġnani. Maliġuaqtigiraŋiññi Korah-m iḷauŋaiñmiuq, akiḷḷiqsruiruani Ataniġmik; tuquŋaruq pisigivlugu ilaata piḷuutini.

Deuteronomy 11:6

Itqaġlugulu suŋatilaaŋa Dathan-mun Abiram-mullu, iġñiġutiŋiññun Eliab, kiŋuvaaŋich Reuben-gum. Takkuvsiññi nuna qupiŋaruq aasii tavraniittuapayaat katakłutiŋ quppamun, nanmiñiq iḷaŋich, tupiŋich, kivgaŋiḷḷu niġrutautiŋiḷḷu.

Jude 1:11

Qanutun tatamaanaqtigiruaq kasuġumaaġaat. Ilimiŋnik pasirauyumiñaqsiŋarut Cain-tauq piŋaraŋatun ittuamik. Maġġutipiallaŋarut inmiŋnik killuliqutipiaġatanun maniqallatuvaił̣ł̣utiŋ, Balaam-tuttauq. Suksraunġiqsauniaqtut qanuq makivsaallaŋarut akiḷḷiutivlutiŋ Korah-m makivsaallausiatun.