Numbers 15:8 - Iñupiatun Mumiksat Uqalugiksuat

⁸ Itqanaiyaġuvsiuŋ aŋusalluġruaq ikipkaġlugu aitchuutauniaqtuaq naagga unniqsuunmun nalautitkanikpan naagga iḷammiuġutikun aitchuutaulugu Ataniġmun,

Numbers 15:8 Iomraidhean Croise

Leviticus 1:3

Aitchuiguvsi iḷaŋannik pamiqsaat ikipkaŋaruamik, qaġġirriruksraurusi aŋusallumik surruutaitchuamik sumik unnii. Paaŋanuglugu Tupqum Atanġum irvianun, ilaata akuqtullayumagaasi.

Leviticus 1:9

Iġġuġisigisi iḷuġutiŋich suli kiŋulliik niuŋik, aasii aŋaiyyuliqsiqpaum ikipkaġniaġaa iluqaan aitchuutauruaq ikipkaivigmi. Tivraġigñiŋa ikipkaqtam iviġaumanaqtuq Ataniġmun.

Leviticus 22:21

Kiñapayaaq aitchuisaġumi iḷammiuġnikun Ataniġmun, naakka taŋŋiqsaġlugu unniqsuqłiisigiŋarani naakka piyummatigivlugu aitchuiñiq, niġrun surruutaitchuksrauruq akuqtuqtauniaġumi.

Leviticus 3:1

Nalliqsi aitchuutiqaqpan pamiqsaavsi iḷaŋannik iḷammiuġutikun aitchuutausaġlugu, aŋusalluq naagga aġnasalluq surruutaitchuksrauruq.

Leviticus 3:5

Aŋaiyyuliqsit, Aaron-gum iġñiŋisa, ikipkaġniaġai iluqaisa iḷagilugich ikipkaqługich aitchuutauruanun. Tipaa taapkua niqauruat aitchuutit iviġaumagigaa Atanġum.

Numbers 15:24

killukkuaġniqpata naluvlutiŋ nunaaqqiuruat, aitchuiruksraurut aŋusalluġruamik ikipkautikun, tipaa iviġaumanaġniaqtuq Ataniġmun. Maliġiraksraġigaat piraksriun palauvaksramik aitchuutiksrakun suli wine-mik aitchuunmik. Maniriruksraurut aŋusallumik nagruligmik piḷuutinun aitchuunmik.

Numbers 15:7

Qaġġirrilusiḷu wine-miglu imaqtutigilugu piŋasutun pint-tun. Taapkua iluqaisa aitchuutigilugich tivraġiksuat Ataniġmun.

Numbers 15:9

qaġġirriḷusi palauvaksraq aitchuutauruaq itchaksratun pounds-tun uqumaisigilugu palauvak akullugu sisamanik pint-nik olive uqsruanik.

Numbers 8:8

Tavraasii piḷutiŋ pamiqsaamik aŋusalluayaamik aitchuutiksramiglu palauvaksramik akunŋaruamik olive uqsruanik; ilvich aasii allamik pamiqsaamik aŋusalluayaamik piḷutin piḷuunmun aitchuutiksramik.