Numbers 15:40 - Iñupiatun Mumiksat Uqalugiksuat

⁴⁰ Niviŋaluqutauruat itqaqtinniaġaasi kamagitqulugich piraksriutipayaatka, suli iluġaaġlusi salumaniaqtusi Atanivsiññun.

Numbers 15:40 Iomraidhean Croise

Psalms 103:18

iliŋiññun iḷumutuuqłutiŋ kamaksriruanun sivunniuġutaanik suli ataramik kamaksrivḷutiŋ ilaata piraksriutiŋiññik.

Leviticus 19:2

uqautitquvlugich nunaaqqiuruat Israel-mi, “Piḷuutaitchuksraurusi qanuq uvaŋa, Ataniq God-iksi, piḷuutaitchuŋa.

Leviticus 22:31

Ataniq uqallaktuq, “Kamagisigik piraksriutitka. Uvaŋa Atanġuruŋa.

Numbers 15:41

Uvaŋa Atanġuruŋa God-igiraqsi; Egypt-miŋŋautiŋagivsi uvaŋa God-igitquvluŋa. Uvaŋa Atanġuruŋa God-igiraqsi.’”

Romans 12:1

Tavra aniqatiit, God nagliktauniġman, qapiŋaisaaġivsi aitchuutigitquvlugich timisi God-mun. Iñuich aitchuimmatun niġrutinik ikipkautiksranik God-mun, aasii tamatkua niġrutit payaappauruksrauŋitchut akuqtuġnaġumiñaġniaġumiŋ, tavraliasii qapiŋaisaaġivsi aitchuutigitquvlugich timisi God-mun, iñuuruanik aitchuimmatun piḷuutaitchuanik akuqtuġnaġumiñaqtuanik ilaanun. Tainnauvva pikavsi, aŋaiyyuvigipiaġiksi God.

Ephesians 1:4

Savaŋaiñŋaġmi unnii nunamik, God-im piksraqtaaġianiŋagaatigut atausiŋŋuqatautquvluta Christ-mun, iñuuyumiñaquvluta nalaunŋaruakun, suli pasiñaġumiñaiḷḷuta piḷuunmik sivuqqamiñi.

Colossians 1:2

Tuyuutaurut ilivsiññun ilaaguaqtauruanun God-mun, atausiŋŋuqatauŋaruanun Christ-mun, aniqatinun ukpiġnaqsiŋaruanun ilaanun Colossae-miittuanun, God Aapavut nagliktuutiqpaqaġlisuq tutqiutiqaqtillusiḷu.

1 Thessalonians 4:7

Qanuq uvva God-im sivunniutigiŋaitkaa uvagut iñuutquluta piḷuunmi, aglaan iñuuniaquvluta piḷuutaiḷḷuta.