Numbers 15:4 - Iñupiatun Mumiksat Uqalugiksuat

^4-5 Kiña aitchuutiqaġumi pamiqsaanik naakka imnaiñik Ataniġmun, qaġġirrivsaaqsaqtuq uqumaisigilugu malġuk pounds-tun palauvagmik akunŋaruamik, malġuk pints-nik olive uqsruanik. Qaisaugisiruq palauvaksranun aitchuutauluni suli malġugnik pints-nik wine-mik kuviḷugu aitchuutauniaqtuamik.

Numbers 15:4 Iomraidhean Croise

Exodus 29:40

Sivulliq imnaiyaaq aitchuutaukpan aitchuiḷusi malġuktun pounds-tun uqumaisigiruamik palauvagmik akunŋaruamik olive uqsruanik. Kuvisiḷusi wine-mik aitchuutaulugu atausimik quart-mik.

Leviticus 1:13

Iġġuġlugich aasii iḷuġutiŋich kiŋulliiglu niuŋik, aasii aŋaiyyuliqsiqpaum ikipkaġniaġaa iluqaan aitchuutauruaq ikipkaivigmi. Tivraġigñiŋa ikipkaqtam iviġaumanaqtuq Ataniġmun.

Leviticus 14:10

Tallimat piŋayuanni uvlut qaġġirrigisirutin malġugnik aŋusallugnik imnaiyaagnik suli atausimik aġnasallumik imnaiyaamik atausimik ukiuqaqtuamik surruutaitchuanik, tallimatullu pounds-tun uqumaisigiruamik palauvagmik akunŋaruamik olive uqsruanik, suli avvaŋanik pint-gum olive uqsruanik.

Leviticus 2:1

Nallisi aitchuutiqaqpata palauvaksranik Ataniġmun, palauvalluatauruksrauruq. Uqsruliġḷugu olive uqsruanik tivraġiksaunmiglu iḷalugu

Leviticus 2:15

Iḷalugu olive uqsruanik suli tivraġiksaunmik.

Leviticus 23:13

Taapkua aitchuutiksrat aasii iḷalugich sisamatun pounds-tun uqumaisigiruamik palauvagmik akurrutiqaqtuamik olive-gum uqsruanik. Tipaa taaptuma iviġaumaġigaa Atanġum. Aitchuutisiḷu iḷalugich sisamatun qallutitun imaqtutigiruamik taaŋŋaliamik siiġnaniñ.

Leviticus 3:7

Aitchuutiqaġuvich imnaimik Ataniġmun,

Leviticus 6:14

Ukua uvva maliġiraksriagurut aitchuiruni palauvaksranik. Aaron iġñiŋisa, aŋaiyyuliqsiqpauruat, qaiññiaġaa palauvaksraq aitchuun Ataniġmun, sivuġaani ikipkaivium.

Numbers 28:12

Palauvaksramun aitchuutiksraq, palauvak akunŋaruaq olive uqsruanik: aŋusallullaamun, itchaksrat pounds-tun uqumaisigilugu palauvak; aŋusallumun imnaimun, sisamat pounds-tun uqumaisigilugu;

Numbers 28:4

Aitchuutigilugu sivulliq imnaiyaaq uvlaami, aasii tuglia anaqakpagu,

Numbers 29:6

Aitchuutauruat taapkua iḷḷatilugich ikipkautikun aitchuutauruanun sivulliŋanni uvluŋisa tatqim piqatigilugich palauvaksrat aitchuutit, suli uvlutuaġman ikipkautikun aitchuutauruanun palauvaksranun imiksraŋiḷḷu aitchuutauruat. Tamatkua niqit aitchuutauruat tipaat iviġaumagigaa Atanġum.

Romans 15:16

alġaqsruiriġuŋagaaŋa quliaqtuaġitquvlugich tusaayugaaġiksuat Christ Jesus-kun Jew-guŋitchuanun. Aŋaiyyuliqsiqpaktun aitchuiruatun aitchuutinik God-mun tupiġmi aŋaiyyuviŋmi, tainnatun God-mun savaktauvluŋa aitchuimmiuŋa God-mun tamatkuniŋa Jew-guŋitchuanik, akuqtuiruanik ilaan tusaayugaaġiksuaŋiñik. Aasii iliŋich akuqtuġnaġumiñaqsiŋarut ilaanun, qanuq ilaaguaŋagai ilaanun Ilitqusiġiksuaŋata.

Hebrews 13:16

Nakuurualiqiugaġitchi suli saqqiqinnillaalusi pigikkavsiññiñ, qanuq God-im tainnatchich aitchuutit iviġaumagigai.