Numbers 15:30 - Iñupiatun Mumiksat Uqalugiksuat

³⁰ “Iḷisimagaluaŋŋaġmiŋ aglaan piḷuusiqigumiŋ, Israel-mun kiŋuvaagugaluaqpata naagga allaniñ nunaniŋŋaqtaugaluaġumiŋ, pasiraurut aŋalałługu Ataniq kipakkutikun, aasii tuqutauniaqtut,

Numbers 15:30 Iomraidhean Croise

Genesis 17:14

Kiñapayaaq aŋun nalunaiñŋutchiqsauŋaitchuaq iḷaullayumiñaitchuq uvaŋa iñugiramnun, qanukkii ilaata nalaunŋaitkaa inillaktauŋaruaq sivunniuġutikun unniqsuqłiiñiq uvamnun.”

Makpiġaaŋa Job-gum 38:15

Qaummaŋa uvlum qaummaqpaitchuq pigiiḷḷiqirinun sivunmuupkaŋił̣ł̣ugi aasii piaqłuktaunmiñ.

Psalms 19:13

Kivgaiñ tikisinnagu iḷisimagaluaŋŋaġmi piḷuusiqiniġmiñ! Aŋalatinnaŋa piḷuunmun. Tavraasii nunuurautaiññiaqtuŋalu patchisaiḷḷuŋalu piḷuutiqpagmiñ.

Psalms 69:9

Siġñiksrautiqpaum Aŋaiyyuvikpagnun payarigaaŋa; uqamaqłuktaqtuat ilipkun uqamaqłuktaġvigiŋagaanŋa uvaŋałhaaq.

Psalms 74:18

Aglaan itqaumalutin, Atanġuruatiin, akiḷḷiqpich kipagigaatin, isumalluaġiitchuat iñuich pisaaŋŋatikun suuŋiḷaġigaat atqiñ.

Psalms 74:22

Makinnaviñ, ilviñ God-auruatiin, sapunniaġuŋ sivuniġiran! Itqaumalutin isumalluaġiitchuat kipagiugaġaatin uvluqtutilaatun.

Psalms 79:12

Ataniiq, akisakkich allat nunaqpauruat tallimat malġuiqsuaġlugich, pisaaŋŋatiŋisitun iliŋnun.

Psalms 89:51

Akiḷḷiqpich pisaaŋaŋagaat umialiksraqtaaġiŋaran, Ataniiq! Sumupayaaġman tamarra pisaaŋavlugu.

Exodus 21:14

Aglaan kiña sivunniuqqaaġluni iñuaqpan, tuqutauruksrauruq, annaksaġaluaqpanunnii ikipkaivimñun.

Exodus 30:33

Kiñapayaaq tainnasiḷiuqpan tuvraġlugich naakka atuġlugich kimupayaamun aŋaiyyuliqsiqpauŋitchuamun iḷauŋaiġñiaqtuq iñugiramnun.’”

Proverbs 14:31

Aŋalamaqłukkupkich iḷiappauruat iñuich, kipagigiñ God savaŋaruaq iliŋiññik; aglaan aŋalalluataiñiq iliappauruanun nanġairuatun ittuq.

Leviticus 20:10

Aŋun allatuqatiqaġumi allam aŋutim nuliaŋanik, iluqatik aŋullu aġnaġlu tuqutauruksrauruk.

Leviticus 20:3

Nallivsi aitchuutigikpauŋ miqłiqtuni Molech-mun aasii salumaruaq Tupiġa salumaiḷiḷugu suli kanŋunaqsiḷiġlugu salumaruaq atiġa, akiḷḷiḷiutiniaġiga suli iḷauŋaiġñiaqtuq iñugiramnun.

Leviticus 20:6

“Qanuq piñiaqtilaavsiññik iḷisimasuglusi ullautiguvsi uqaqatiqaġuuruanun tuquŋaruat iḷitqusiŋiññik, akiḷḷiḷiutiniaġivsi suli iḷauyumiñaiġñiaqtusi iñugiramnun.

Numbers 15:29

Maliġiraksriaq tunŋaruq iluqaiññun pisaaġiŋiłłutiŋ piḷuusiqiruanun, Israel-mun kiŋuvaagugaluaqpata naagga iñuuniaqatauruat allaniñ nunaniŋŋaqtauruaniñ.

Numbers 9:13

Aglaan piraġausiq nalaullugu salumaruaguguvsi iglauŋiḷḷusiḷu, aasii iḷauŋitkuvsi Qulaurrusiqiruani, iḷauŋaiġñiaqtusi iñugiramnun, qanukkii aitchuutiqaŋitchusi uvamnun piviksraq nalautinman. Igḷutuqtaksraġigiksi tatavsausiaksraŋa piḷuutivsi.

Matthew 12:32

Suli kiñapayaaq uqallakkumi pigiitchuamik Iġñiŋagun iñuum suliqutigiŋaiqsauyumiñaqtuq itqaumayumiñaiġḷugu, aglaan kiñaliqaa uqallaqtuaq pigiitchuamik Ilitqusiġiksuakun suliqutigiŋaiqsauyumiñaitchuq, paŋmapak isuitchuamullu.

Deuteronomy 1:43

Uqautiuraġniaqtillusi Atanivsiññun sivunmuulgitchusi, paaqłagruiññaqługu kamanniraaqłusi aullaqilgitchusi qimiqqanun.

Deuteronomy 32:27

Akiḷḷiiŋich aglaan kamasaaquŋitkitka akiiḷiññigniḷugit iñumnik, uvamnik ququtagrugmiḷḷaisa.’

Hebrews 10:26

Qanuq piḷuusiqiugaaġupta pisaaġiugaġluta kaŋiqsiŋaqqaaġlugu iḷumun ittuaq, ikipkautiksravsaamik allamik piitchuq piḷuutiptiŋnun piiġutiksramik.

Hebrews 10:29

Qanutun suaŋałhaaqtuamik tatavsagaksrauruq iñuk tununniktuaq God-im Iġñiŋanik, anniqsuutauŋiññivḷugu Christ tuqqutaa ilaan ilaaguaqtirrusiani God-mun, aasii pisaaŋavlugu Ilitqusiġiksuaq nagliktuutiqpaqaqtuaq inmiñun.

2 Peter 2:10

tamatkuałhaaq iñuich aŋalataġipkaqtuat piḷuusiqisuguuruanun iñuusimiŋnun, suuŋiḷaqaqtuat God-im atanniqsimmataanik. Tamatkua iḷisaurrit iḷisaurriŋŋuaqtuat iḷumun ittuamik qikkisaitchut piġuqtiqtuagurullu, sivuuġagiŋitkaat uqamaqłuutiginiksraŋat kamanaqtuat paŋmani ittuat.

1 John 5:16

Kialiqaa tautukkumiuŋ aniqatini piḷuksiruaq aŋaiyyutiraksraġigaa God-mun suliqutigiŋaiqulugu aasii God-im suliqutigiŋaiġñiaġaa itqaumayumiñaiġḷugu piḷuutaa, ami piḷuksisiqaŋitpan piḷuunmik nalupqinaitchuamik tuqqutauyumiñaġluni. Iñuk piḷuksisiqaġumiñaġmiuq piḷuunmik nalupqinaitchuamik tuqqutiksramun. Uqallautiŋitkivsi ilivsiññun aŋaiyyutigitqulugu taamna God-mun.

1 Samuel 2:25

Iñuum pimaqłukpauŋ alla iñuk God-im ikayuġuugaa kaŋiqsipkaqługu killukuaqtuaq; aglaan kia ikayuġniaqpauŋ qiññuaqtuutilugu Ataniġmun?” Aglaan naalaġniŋiñŋagaat aapaktik, qanuq Atanġum tuqutaksriŋamagaich.

1 Samuel 3:14

Tavraasii unniqsuqłiiruŋa igluanun Eli-m, iḷaŋich qanutun itkaluaqtuam ikipkautim naagga aitchuutim piiġumiñaitkaich nagliksaaġutit taavsrumaŋŋa piḷuunmiñ.”