Numbers 15:25 - Iñupiatun Mumiksat Uqalugiksuat

²⁵ Aŋaiyyuliqsiqpaum savaaġiniaġaa piraġausiq nalaullugu salummaġniksraŋat nunaaqqiuruat, tavraasii suliqutigiŋaiqsauniaqtut, killukkuaġutaat pisaaġilutiŋ piŋaiñmarruŋ atakkii qaġġirrirut piḷuutinun aitchuutiksranik niqinik Ataniġmun.

Numbers 15:25 Iomraidhean Croise

Leviticus 15:15

Aŋaiyyuliqsiqpaum aitchuutiginiaġaa igḷua piḷuun pisigilugu aasii igḷua ikipkaġlugu. Tavra tainna savaaġiniaġaa piraġausiuruaq salumasiñiaġniŋanun iñuum.

Leviticus 4:20

Ilaata tainnasuli piñiaġaa taamna aŋusalluayaaq piusimisun sivuani piḷuutinun aitchuutauruamun, aasii tainna pigumi ikipkaiḷuni aitchuutiqaġniaqtuq iñuich piḷuutiŋiñun, aasii iliŋich suliqutigiŋaiqsauniaqtut.

Leviticus 4:26

Tavraasii ikipkaġisigaa iluqaan qaunnaŋa, ikipkausimisun qaunnaŋannik niġrutit tuquttaŋisa iḷammiuġunmun aitchuutauruanun. Tainna tavra aŋaiyyuliqsiqpaum ikipkaġlugu aitchuutiginiaġaa piḷuutaa pisigilugu aullarriuruam, aasii ilaa suliqutigiŋaiqsauniaqtuq.

Leviticus 4:31

Tavraasii qaunnaŋa iluqaan piiġñiaġaa, qaunnaŋat piiġusiatitun niġrutit tuqunmatigik iḷammiuġunmun aitchuutauniaqtuat, aasii aŋaiyyuliqsiqpaum ikipkaġniaġaa ikipkaivigmi tipaa iviġaumanaġniaġmiuq Ataniġmun. Tainna tavra aŋaiyyuliqsiqpaum aitchuutiginiaġaa iñuum piḷuutiŋiñun, suli ilaa suliqutigiŋaiqsauniaqtuq.

Leviticus 4:35

Tavraasii iluqaan qaunnaŋa piiġisigaa, qaunnaŋa piiġmatun imnaimiñ tuquttaŋanniñ iḷammiuġunmun aitchuutausaqługu, aasii ikipkaġisigaa ikipkaivigmi iḷagilugich niqit aitchuutauruat Ataniġmun. Tainna tavra pigumi aŋaiyyuliqsiqpaum aitchuutiginiaġaa ikipkaġlugu piḷuutiŋanun, aasii suliqutigiŋaiqsauniaqtuq.

Luke 23:34

Tavra Jesus uqallaŋaruq, Aapaaŋ, suliqutigiŋaiġuŋ itqaumayumiñaiġḷugu piḷuutaat, qanuq nalurut suliqitilaamiŋnik. Suli saaptautigiŋagaich autaaġukługich ilaan annuġaaŋi.

Acts 13:39

Aasii kiñaliqaa ukpiqtuaq ilaanun annaktitauruq piḷuutipayauramiñ, aasii nalaunŋarualirauvluni. Tainna iñuk iḷiyumiñaitchuq kamagilugich pitqurat aitchuutauŋaruat Moses-kun.

Romans 3:25

God-im tiliŋagaa Jesus tuqutquvlugu aasii maqipkaġlugu auŋa akiḷiqsaġlugich piḷuutiŋich iluqaġmiŋ ukpiqtuat inmiñun. Taamna piŋagaa salapqiġukługu nalaunŋatini suliqutigiŋaiqsiñiġmigun piḷuutinik, piḷuusiqiaŋiññik-unnii iñuich Christ tuquŋaiñŋaan. God-im tatavsaŋaitkai tavrauvvaa manimmiḷgutiqaqłuni.

Deuteronomy 21:21

Tavra aŋutiŋisa nunaaqqim uyaġagnik miḷḷuuġlugu tuqutkisigaat, tavraasii piiġñiaġiksi pigiitchuaq. Israel iñuŋisa tusaaniaġaat qanuq pitilaaŋanik aasii iqsiḷiġutiŋ.

Hebrews 2:17

Taamna pisigivlugu Jesus timiqaqtuksrauŋaruq aniqatiimisun, nagliksrauluni piḷḷuatautikullu aŋaiyyuliqsiqpaŋnun qaukłiutquvlugu savaurriñiġmi God-mik, naamaruamik akiḷiitquvlugu piḷuutiŋisigun iñuich.

Hebrews 9:7

Aglaan iḷuanun kaŋiḷḷium aŋaiyyuliqsiqpaich qaukłiat kisimi isiġuuniqsuq atausiaqsiññaqługu ukiuq, augutiligaaqłuni piḷuutaiġutiksramiñik iñuiḷḷu piḷuutiŋisa piiġutiksraŋannik.

1 John 2:2

Aasii God-im suliqutigiŋaiġumiñaġai itqaumayumiñaiġḷugich piḷuutivut pisigilugu Christ inuaŋaitchuaguvluni akiḷiutauŋaruaq piḷuutiptiŋnun tuqukami. Ilaa tuquŋaruq pisigisuŋaġnagich uvagułhiñaq piḷuutivut, aglaallu piḷuutiŋich iñupayaurat.