Numbers 15:15 - Iñupiatun Mumiksat Uqalugiksuat

¹⁵ Taimuŋaaglaan, maliġiraksriutauruat ilivsiññun tunŋaniaġmiut tainnaptauq iglaaguruanun allaniñ nunaniŋŋaqtuaguruanun iñuuniaqtuanun akunnavsiññi. Ilivsiḷu iliŋiḷḷu ativlusi qiñiġaasi Atanġum;

Numbers 15:15 Iomraidhean Croise

Esther 9:27

Jew-guruat pitqurriutigiŋagaat, kiŋuniimigñullu, Jew-guġumaaqtuanullu, piviksraq nalautitaġikpan ukiutuaqpan taapkuak uvluk ilaaguaqtautquvlugik maliġuaġlugi Mordecai-m piraksriutiŋi.

Exodus 12:14

Itqautiqallaaruksraurusi ukiutuaqpan taaptumani uvlumi niqinaqivigilugu, itqautausaġlugu ilivsiññun, uvaŋa Atanġuruaq, qanuq savaŋatilaamnik. Quviasuutikun itqautigilugu taimuŋa.”

Exodus 12:24

Ilivsiḷu qitunġavsiḷu kamagiruksraġigisi makkua piraksriutit taimuŋa isuitchuamun.

Exodus 12:43

Atanġum uqautigaik Moses-lu Aaron-lu, “Uvva ukua Qulaurrisiqinikun maliġiraksrat: Israel-guŋitchuaq niġiñiaŋitchuq Qulaurrisiqinikun niqinik,

Exodus 12:49

Maliġiraksrat atiniaqtut Israel-guruanun Israel-guŋitchuanullu iñuunialiŋaruanun akunnavsiññi.”

Exodus 28:43

Aaron iġñiŋisalu atullaaraksraġiniaġaich Tupiġmukkumiŋ nayuqtauvimñun naakka ullautigumiŋ ikipkaivigmun aŋaiyyuliqsiqpauyyaġlutiŋ Salumaruami Inimi, tuqutauŋitchumaut nuisakpata timiŋich. Taamna tavra itchaġataġniaqtuaq maliġiraksraŋat Aaron-guvlu kiŋuniiŋisalu.

Leviticus 24:22

Taamna pitquraq tunŋaruq iluqavsiññun, Israel-gum kiŋuvaaŋiññun suli allaniñ nunaniŋŋaqtauruanun akunnavsiññi iñuuniaqtuanun, qanukkii Uvaŋa Ataniq, God-iksi.”

Numbers 10:8

Nipauqłuktaqtauniaqtut iġñiŋich Aaron, aŋaiyyuliqsiqpauruat. “Taamna maliġiraksriaq nalauttaksraġiniaġaat taimuŋaaglaan.

Numbers 15:14

Aasii allaniñ nunaniŋŋaqtaurauniñ akunnavsiññi iñuuniaqtuaqaqpan, sivikitchuami inniaqtuamik naagga itchaġataqtuanik, niqinik aitchuisaqpata, tipaa iviġaumagiraŋa Atanġmun, atuqtaksraġiniaġaich maliġiraksriaguruat taapkua.

Numbers 15:29

Maliġiraksriaq tunŋaruq iluqaiññun pisaaġiŋiłłutiŋ piḷuusiqiruanun, Israel-mun kiŋuvaagugaluaqpata naagga iñuuniaqatauruat allaniñ nunaniŋŋaqtauruaniñ.

Numbers 18:8

Atanġum uqallautiŋagaa Aaron, “Uvaŋa savaaksriñŋagikpiñ qaunagitquvlugich aitchuutit uvamnun: salumaruat aitchuutipayaat uvamnun Israel-guruat qaisaŋich uvamnun ilivsiññun qaitkitka iġñiġutignullu nalunaiqsaulugich iliŋnun, isuitchuamun.

Numbers 9:14

“Allaniñ nunaniñ akunnavsiññi iñuuniaqtuat Qulaurrusiqisukpata, maliġiraksraġigaich iluqaisa piraksrallu maliġiraksriallu. Pitquraq atiruq kimupayauraq, nutim tamaaniitkaluaqpata naakka allaniŋŋaqtaugaluaqpata.”

Galatians 3:28

Tavra iluqasi atausiŋŋuqatauŋaruasii Christ Jesus-mun, atirusi iluqasi. Allagiiŋitchut Jew-guruallu Greek-giḷḷu, kivgallu kivgauŋitchuallu, aŋutillu aġnallu, iluqaġmiŋ atirut.

Colossians 3:11

Iñuusiġiliutikaptigu taamna nutauruaq iñuusiq, sumiugitchuq akunġanni iñuich, Greek-gugaluaġmata Jew-gugaluaġmatalu, nalunaiñŋutchiŋavlutiglu timimiŋni God-mun naagga nalunaiñŋutchiŋaitkaluaġmata, aglagnik nalugaluaġmata, naagga aŋuyyiqigaluaġmata Scythians-tun, naagga kivgaugaluaġmata kivgauŋitkaluaġmatalu, qanuq Christ naumałhaaqtuq iluqaiññiñ iñuuvluni iluqaiññi ilaan iñuŋmiñi.

1 Samuel 30:25

David-gum taamna pitquraliaġiŋagaa, aasii maliġuaġuugaat Israel-mi pagmanunaglaan.