Numbers 14:2 - Iñupiatun Mumiksat Uqalugiksuat

² Uqamayukłutiŋ akiḷḷiġivlugik Moses-lu Aaron-lu, uqaqłutiŋ, “Nakuułhaaŋanayaqtuq tuqullakkupta Egypt-mi naakkaunnii tamaani nunagluktuami!

Numbers 14:2 Iomraidhean Croise

1 Kings 19:4

Elijah uvluqtutilaaŋatun pisuaġniqsuq nunagluktuamun. Nutqaqami aquptaaġniqsuq taġġił̣ł̣uni ataanun napaaqtum aasii tuqusulauqłuni tavrani. “Apai, Ataniiq,” aŋaiyyuruq. “Iñuggutiga piiġuŋ; Tuqugumaunnii nakuusiruq. Nakuułhaaqtuaguŋitchuŋa kiŋuniimniñ.”

Makpiġaaŋa Job-gum 3:11

Imma tuqumalaŋa aakagma iḷḷiaŋani naakka tuquluŋa aniḷuqqaaqtuŋa.

Psalms 106:24

Tavraasii suksraġiŋiñŋaniġaat nakuuruaq nuna, ukpiġiŋił̣ł̣ugitkii unniqsuqłiisigiŋaraŋi.

Psalms 106:25

Tupiġmigniillaġmiŋ uqamayuguuŋaniqsut suli naalaġnisuŋił̣ł̣ugu Ataniq.

Psalms 106:45

Itqaumaŋaniġaa sivunniuġutini iliŋiññun, suli nakuaqqutiqpagmiñi nagligiŋaniġaich.

Exodus 14:11

Uqaqtut Moses-mun, “Immaimña iḷuvviviqaŋaitpa Egypt-mi? Qaġġisiruksraġivisigut imña mauŋa nunagluktuami tuqutquvluta? Uvvaasii qiñiġuŋ kavyattualaniqput aullautikavsigut Egypt-miñ!

Exodus 15:24

Iñuich uqaviḷurraqsiŋarut Moses-mun aasii suli apiqsrivḷutiŋ, “Sumik imña imiġniaġniqpisa?”

Exodus 17:3

Aglaan iñuich imiġuliqpaiñŋavlutiŋ uqaviḷuutiŋaiḷḷaiŋagaat Moses. Uqaqhutiŋ, “Summan aullautiŋavisigut Egypt-miñ? Tuqutchukłuta miqłiqtuvullu pamiqsaavullu imiġuksiuluta?”

Jonah-m 4:3

Tavraasii Ataniiq, iñuggutiga piiġḷi. Tuquguma nakuułhaaqtuq iñuuniksramniñ.”

Jonah-m 4:8

Siqiñiq nuiganigman, God uunaqtuamik kiluagnamiñ anuqłiġuqtitchiŋaruq, aasii niaqumiñun siqiñġum uunnaŋata tunŋaruam sayaiqsipiallaŋagaa Jonah. Tuqugumiunnii iluaġiłhaaliŋagaa. “Nakuułhaaqsiruŋa tuquguma iñuuniksramniñ,” uqallaktuq.

Numbers 11:1

Iñuich uqamayunagutimmata Ataniq iviġaŋaiñŋaruq, tusaagamigich qinnaliŋaruq aasii igniġmik ikuallaivḷuni akunġanni aasii tuqułługich iñuich nullaġviallu suksraunġiqł̣ugu isukłiuruat.

Numbers 11:15

Tainna aŋalanniaqsimagumŋa, nagligiluŋa tuqunŋa, igḷutuŋaiqsaġiga aŋalamaqłuutin.”

Numbers 11:5

Egypt-miinŋaptaimña iḷaŋaniñ iqaluktuqtuaġuusugaugut, akiiḷaaqługich. Immasuli cucumber-t, watermelon-gich, leek-gich, aiñat, garlic-giḷḷu niqigisuusugaavut!

Numbers 14:1

Unnuaqtutilaatun iñuich qiaŋarut.

Numbers 14:22

nalliŋich unnii taapkua iñuich iñuuniaŋitchut isiġuminaġlutiŋ taamaptumuŋa nunamun. Qiñiŋagaluaqługu qaumaniŋa nayuqtauniġma aliuġnaqtuallu savaatka Egypt-mi suli nunagluktuami, aglaan uuktuġaat qiñuirrutiga qulitun suli kamagisuŋił̣ł̣uŋa.

Numbers 16:13

Naamaŋitpa tavra aullautiŋagavsigut naurisuqtuamiñ maqiugaqtuaq immugniglu honey-ñiglu nunaŋaniñ Egypt tuqutquvluta maani nunagluktuaŋani? Kamanniraaġugmivisigut suli?

Numbers 16:41

Uvlaakumman nunaaqqim iñugiraŋich iluqaġmiŋ uqamayuŋamagaik Moses-lu Aaron-lu uqallakłutiŋ, “Tuqunŋagisi imma Atanġum iñuŋisa iḷaŋich.”

Numbers 17:6

Moses-gum aasii uqautiŋagaich Israel-gum kiŋuvaaŋich, aullarrigillaaraŋich aasii qaitchiñiqsut ayauppianik ilaanun, atausiḷḷaa maŋŋullaaġiramigniñ, qulit malġuuvlugich (12), Aaron-guptauq ayauppiaŋa piqatigivlugu.

Numbers 20:2

Nullaġvianni tavrani imġiñŋaruq, tavraasii iñuich katinŋarut akiḷḷiqsruqługik Moses-lu Aaron-lu

Numbers 20:3

uqamayukłutiŋ: “Nakuułhaaŋanayaġniqsuq imma tuquaŋagupta sivuġaani Atanġum Tupqata piqatigilugich allat Israel kiŋuvaaŋich.

Numbers 20:4

Summan taimma mauŋautiŋaniqpisigut nunagluktuamun? Tuqutqusiññaqhuta tamaani niġrutivullu?

Numbers 21:5

aasii uqaaqsivḷutiŋ akiḷḷiġivlugu God suli Moses. Uqamayuŋarut, “Summan imña Egypt-miñ aullautiŋammiravsigut tuqutqusiññaqłuta maani nunagluktuami, niqaiḷami imġiḷamiḷu? Niqiqanŋuliqsugut uvva mattumiŋa niqigiitchuamik!”

1 Corinthians 10:10

Suli uqamayuktuksrauŋitchugut iḷaŋisasuli piḷġusiatitun, suksraunġiqsittuat isaġulganun tuqqutim.

Deuteronomy 1:27

Uqaviḷugmiusiuvva avanmun: ‘Atanġum uumigigaatigut. Aullautiŋagaatigut Egypt-miñ saqitchuksiññaqłuta Amor-miunun, tuqutquvluta iliŋiññun.

Deuteronomy 9:23

Tavrasuli nunannagiaqummasi aitchuutiginiaqtamiñik Kadesh Barnea-miillavsi, paaqłaŋalgiñmigiksi; ukpigiŋił̣ł̣ugu kamagisuŋił̣ł̣ugulu.

Hebrews 3:16

Kisut ipkua tusaagaluaqłutiŋ paaqłaŋaŋaruat? Taipkuagurut iluqaġmiŋ aullaqtuat Egypt-miñ, aullarriqaqłutiŋ Moses-mik.

Jude 1:16

Tamatkua iñuich ataramik uqamayuutiqaqtut pasivḷugiḷḷu allat iñuich, kamagiugaqługich pigiitchuat kipiġniuġutitiŋ. Uqavigaaġutigisuummiut inmiŋnik, suli uqayuqsaaġutivlugich iñuich ilaisa pitqukkatiŋ nalautquvlugich.