Numbers 14:11 - Iñupiatun Mumiksat Uqalugiksuat

¹¹ Ataniq uqallaktuq Moses-mun, “Qanutun imña sivisutigiruami pisaaŋŋatikun aŋalanniaqpanŋa ukua iñuich? Ukpiġutiqaġugniaŋitpat uvamnun qanutun sivisutigiruami, savaŋagaluaqtilluŋa aliuġnaqtuanik akunġanni iñugiaktuanik?

Numbers 14:11 Iomraidhean Croise

Psalms 106:24

Tavraasii suksraġiŋiñŋaniġaat nakuuruaq nuna, ukpiġiŋił̣ł̣ugitkii unniqsuqłiisigiŋaraŋi.

Psalms 78:22

ukpiġutaił̣ł̣utikkii God-mun suli annautiyumiñaġnasugiŋił̣ł̣utiŋ ilaanun.

Psalms 78:32

Tainna aŋalatkaluaqtillutiŋ iñuich pigiiḷḷiqiŋaiŋaiññiqsut; aliuġnaqtuanik savakkaluaqtillugu ukpiġiŋaiññiġaat.

Psalms 95:8

“Siqquqsipkaġnasiuŋ uummatiksi, piusiŋatitun maŋŋuvsi Meribah-mi, piḷġusiatitun taiptumani uvlumi Massah-mi nunagluktuami.

Exodus 10:3

Tavra Moses-lu Aaron-lu Pharaoh-muŋaruk aasii uqallautivlugu, “Ataniq, God-iŋat Hebrew-guruat, innaqtuq, ‘Qanutuaglaan imña kamaksrisiqaġniaŋitpich uvamnun? Aullaqtitkich iñugiratka, nanġautiqaġumaut uvamnun.

Exodus 16:28

Tavraasii Atanġum uqallautigaa Moses, “Qanutun imña sivisutigiruamik ilivsi iñuit kamaginiaŋitpisigik piraksriutitka?

Exodus 23:21

Isaġulik naalaġniyumagiksi suli kamagilugu. Akiḷḷiqsruġnasiuŋ, qanuq ataniġnaqutiksriñŋagiga. Suliqutigiŋaiġñiaŋitkaasi tainna paaqłakkuvsiuŋ.

Exodus 32:9

Iḷisimaruŋa qanutun uqayunaisilaaŋiññik taapkua iñuich.

Proverbs 1:22

“Isumalluaġiitchuasii! Qanutuaglaaġlugu makautaŋaaġniaqpisi? Qanutuaglaaġlugu kipaginiaqpisiuŋ iḷisimman? Iḷitchiḷġataġumiñaitpisi?

Numbers 14:23

Isiġumiñaitkaat nuna unniqsuqłiisigiŋaraġa maŋŋuuġiraŋiññun. Nalliataunnii ayyaktuat uvamnik isiġumiñaitkaat.

Numbers 14:27

“Qanutun imña sivisutigiruami ukua piḷuusiqirich iñuich uqamayugniaqpat akiḷḷiġiluŋa? Tusaġnaġisugruanikkitka uqamayuutiŋich!

Numbers 32:10

Ataniq qinnaliŋaruq taiptumani uvlumi aasii unniqsuqłiivḷuni:

Matthew 17:17

Tavra Jesus kiuŋagai, Qanutun uvva ukpiġutaisigirusi killukuaqtigivlusiḷu iñuich. Qanutun sivisutigiruamik nayugaksraġivisi ukpiliġataqtillusi? Qanutun igḷutugaksraġivisi? Qaġġitchuuŋ nukatpiaġruk uvamnun.

Mark 9:19

Jesus uqallautiŋagai, qanutun uvva ukpiġutaisigirusi iñuich. Qanutun sivisutigiruamik nayugaksraġivisi ukpiliġataqtillusi? Qanutun igḷutugaksraġivisi? Qaġġitchuuŋ nukatpiaġruk uvamnun.

John 10:38

Aglaan savaaġigupkich God-im savaaŋi ukpiliutigisigik uvaŋaġruiññaq ukpiġiŋitkaluaġuvsiŋa. Tavraasii puttuqsriñiaqtusi nalupqisuŋaiġḷusi Aapam uvamniitilaaŋanik suli uvaŋa Aapamiitilaamnik.

John 12:37

Tavra ilaa piŋagaluaqtillugu qanutun iñugiaktigiruanik aliuġnaqtuanik nalupqinaiyautinik kiutilaamiñun takkuġmiŋni, iliŋich ukpiŋaitchut ilaanun.

John 15:24

Savaŋaitkuma savaanik akunġanni iñuum allam piŋaisaŋiñik, pasirauyumiñaitkaluaqtut. Aglaan paŋmapak tautuŋarut savaamnik suli uumigivlunuk uvaŋalu Aapagalu.

Deuteronomy 1:32

Tavraaglaan uqautiuraġniaqtillusi uvamnun, ukpiqqutaitchusi Ataniġmun, God-ivsiññun,

Hebrews 3:16

Kisut ipkua tusaagaluaqłutiŋ paaqłaŋaŋaruat? Taipkuagurut iluqaġmiŋ aullaqtuat Egypt-miñ, aullarriqaqłutiŋ Moses-mik.

Hebrews 3:18

Suli kisunun unniqsuqłiiŋava sumikunnii isiġumiñaiññivḷugich unaŋuiqsiġvigitqukkamiñun? Taipkunuŋa kisiiññun kamasuutaitchuanun.

Hebrews 3:8

uqaqsiġiiḷiñasi taipkua paaqłaŋŋataatitun God-mun, uuktuġmarruŋ nunagluktuami.