Numbers 12:6 - Iñupiatun Mumiksat Uqalugiksuat

⁶ aasii Ataniq uqallaktuq, “Tusaasitchik uqalumnik! God-mun uqaqtiqaġman akunnavsiññi, Satqummiġaqtuŋa iliŋiññun qiñiqtuuraatigun suli uqautivlugich siññaktutigun.

Numbers 12:6 Iomraidhean Croise

Genesis 15:1

Taamna pianiŋman, Abram qiñiqtuuraaŋaruq aasii tusaavlugu Ataniq uqallaktuaq, “Iqsiñak, Abram. Anniyaitkutauniaqtuŋa iliŋnun anayanniuġunmi kamanaqtuamiglu akiḷiusiaksriḷḷutin.”

Genesis 20:7

Aglaan uvva, qaitqiguŋ aġnaq uiŋanun. Uqaqtauruq God-mun, suli aŋaiyyutiniaġaatin, tuquŋitchumautin. Aglaan utiqtinŋisuaġupku, tavra kilikkikpiñ tuquniaqtutin, ilviḷḷu suli iluqaġmiŋ iñugiratin.”

Genesis 28:12

Siññaktuqhuni tautuktuq mayuġauttanik nunamiñ qiḷaŋmuaglaan inniqsuanik, isaġulgich tamarra mayuqtuallu atqaqtuallu inniqsut.

Genesis 28:16

Jacob iqiiġami uqallaŋaruq, “Ataniq imma maaniinniqsuq! Uumani inimi inniqsuq, naluniqsaġa!”

Genesis 37:5

Atautchimi Joseph siññaktuŋaruq, aasii uqallautivlugich aniqatiini, uumigilivsaaqsiññaŋagaat.

Genesis 37:9

Tavrasuli Joseph siññaktuvsaaŋaruq aasii kilikługich aniqatiini, “Siññaktuvsaaqtuami, tautukługu siqiñiq, tatqiq, suli qulit atausiuruat (11) uvluġiat kurraqhutiŋ putqataġniqsut uvamnun.”

Genesis 46:2

God-im uqautiŋagaa qiñiqtuuraakun unnuami suli ququulavlugu, “Jacob, Jacob!” “Aaŋ, uvva uvaniittuŋa,” kiuŋagaa Jacob-gum.

2 Samuel 7:4

Aglaan unnuaġman Atanġum uqallautiŋagaa Nathan,

1 Kings 3:15

Solomon iqiiġami puttuqsriruq God-mun uqautitilaamiñik siññaktukun. Tavra Jerusalem-muŋaruq, qikaqhuniasii sivuġaani Atanġum Sivunniuġutaata Kiguunniŋani suli aitchuivḷuni ikipkautitigun iḷammiuġutitigunlu Ataniġmun. Taaptuma aquagun niqinaqipkaiŋaruq atanaurapayaamiñun.

1 Kings 3:5

Tavrani unnuaġmagu Ataniq niptaŋaruq Solomon-mun siññaktukun aasii God-im apiġivlugu, “Sumik uvamniñ aitchuqugaluaqpich?”

Makpiġaaŋa Job-gum 33:15

Unnuami iñuich siñigmata, God-im uqautiraġigai siññaktukun qiñiqtuuraakullu.

Makpiġaaŋa Job-gum 4:13

Siññaktupał̣ł̣uktun siñiḷḷuataqtinŋitkaaŋaunnii.

Psalms 105:15

“Anniaġnasigich piksraqtaatka; uqaqtitka piyuaġnasigik.”

Psalms 89:19

Qiñiqtuuraatigun iŋiḷġaan uqautiŋagitin iḷumutuuqtuaġiraġnun, “Ikayuŋagiga aŋuyaktiqpauruaq; Qaiñŋagiga aquppiutaqpak naliġaamnun iñugiraġniñ.

Exodus 7:1

Tavraasii Ataniq uqallaktuq Moses-mun, “God-auruatun iḷiñiaġikpiñ Pharaoh-mun, aasii aniqatikpich Aaron-gum uqautiniaġaa iliŋnun uqaqtauluni.

Numbers 24:4

tusaallaruaq sumik God uqallaktilaaŋanik. Tautuktuuraaqtuŋa God-miñ kamanaqtigiruamiñ. Puttuŋa ilaanun aasii irrakak agmaqtuk.

Matthew 1:20

Tavra taavrumiŋa isumalaaġutiqaqtillugu, Atanġum isaġulga niptaŋaruq ilaanun siññaktukun, aasii uqaqłuni, Joseph, kiŋunġuruatiin David-mun, sivuuġanak Mary-mik tuvaaqatiniksaġnipkun, qanuq ilaa siŋaiyaupkaŋagaa Ilitqusiġiksuam.

Matthew 2:19

Tavra Herod tuqumman, isaġulga Atanġum niptaŋaruq siññaktukun Joseph-mun Egypt-mi uqaqłuni,

Matthew 23:31

Tainna uqaqavsi, ilivsiññik iḷaurualirusi maŋŋuuvsiññun iñuaqtuqtuanun uqaqtiŋiñik God-im.

Matthew 23:34

Tavra uqallautigivsi. Tilisiñiaqtuŋa ilivsiññun uqaqtiŋiñik God-im isumaturuaniglu iñuŋnik, iḷisaurriñiglu. Iḷaŋich tuqunniaġisi kikiaktuutilugiḷḷu aŋarrauranun, aasiisuli iḷaŋich ipiġaqtuġniaġisi aŋaiyyuvivsiññi, suli pigruqtitaġlugich nunaaqqiñiñ nunaaqqiñun.

Matthew 23:37

Jerusalem-miut. Yaqhii Jerusalem-miuguruasii, tuquġairuasii uqaqtiŋiñik God-im, uyaġagniglu miḷḷuuqługich tamatkua God-im tiliraŋi ilivsiññun. Qanutun akulaisigilugu katitchumiñaġaluaġaġigivsi iluqasi atautchimun, tiŋmiatun katitchiruatun piayaamiñik isaqquŋmi ataaŋnun, aasii pisulaitchusi.

Matthew 27:19

Tavra Pilate isivġiipkaqtillugu isivġiġvium aquppiutaŋiñi, nuliaŋan tilisivigiŋagaa uqaluŋmik, Iḷaksianagu taamna nalaunŋaruaq iñuk, qanuq iłuiḷḷiuġutigillakkiga ilaa unnuapak siññaktuġivlugu.

Luke 1:11

Tavra tavrani Atanġum isaġulga niptaŋaruq, makitavluni taliqpiata tuŋaani ikipkaivium tivraġiksaunmik.

Luke 1:22

Tavraasii anikami, uqautiyumiñaiñŋagai iñuich. Tavrani iḷitchuġiŋarut tautuktilaaŋanik qiñiqtuuraamik aŋaiyyuvikpaŋmi. Tavra urriqaŋagai argagmiñik uqallaiŋavluni.

Luke 20:6

Aglaattauq uqallakkupta, Iñuŋniñ piñiḷugu, iñuich iluqaġmiŋ miḷuqtuġniaġaatigut uyaġaŋnik, qanuq iliŋisa ukpiġipiallakkaat John uqaqtautilaaŋa God-mun.

Acts 10:11

Aasii tautukługu qiḷak aŋmaqtuaq, sunalu niŋiruaq qiññaqaqłuni ukił̣haaqpaktun, niŋitaŋat sisamatigun kaŋiġalluŋisigun nunamun.

Acts 10:17

Tavra Peter isumalġataviksillugu sumik sivuniqaġniaqtilaaŋanik qiñiqtuuraani, taapkuali iñuich tilirautiŋi Cornelius, apiqsruqtuiqqaaqłutiŋ Simon iglua sumiitilaaŋanik, makitaŋarut sivuġaani paaqpaum.

Ephesians 4:11

Aasii aitchuutiŋi innasiuŋarut, iñuich iḷaŋich tilirautquvlugich, iḷaŋich uqaqtautquvlugich God-mun, iḷaŋich tusaayugaaġiksuanik alġaqsruitquvlugich, iḷaŋich aŋaiyyuliqsautquvlugich iḷisaurrautquvlugiḷḷu.

Deuteronomy 18:15

Aglaan, tiliriñiaqtuq ilivsiŋñun God-im uqaqtaanik uvaptun ittuamik akunnavsiŋniñ, aasii kamagiraksraġigiksi.

Deuteronomy 18:18

Uvaŋa tiliriñiaqtuŋa God-im uqaqtaanik iliktun ittuamik akunġanniñ iñuŋisa; uqaluksriñiaġiga, uqautiniaġaich iñuich piraksriutipayauramnik.

Hebrews 1:1

Qaŋapak taimani God uqaġuuŋaruq maŋŋuuptiŋnun uqaqłuni uqaqtimigun iñugiaktuatigun allakaaġiiksuatigullu piḷġutchisigun,

Revelation 11:10

Tavraasii tamatkua iñuuruat nunami quviasualaniaqtut pisigilugik tuquruak taapkuak. Iliŋich quviasualaniaqtut aatchuqtuutilutiglu avanmun, qanuq taapkuak uqaqtiŋik God-im nagliksaaqtitchiŋaruk tamatkuniŋa iñuuruanik nunami.

Revelation 11:3

Aasii uvaŋa tiliñiaġikka malġuk uqaqtikka annuġaaqaġlugik miitchuŋnik ukił̣haanik, aasii iliŋik suaŋŋasiqsauniaqtuk alġaqsruiyumiñaqsiḷugik taapkunani 1,260 uvluni.

1 Samuel 28:6

tavraasii apiqsruŋagaa Ataniq suniaqtilaamiñik. Aglaan Atanġum kiuŋaitkaa suuramikunnii, siññaktukun unnii naagga Urim-kuaġluni naagga Thummim-kuaġluni naaggaunnii uqaqtaagun God-im.

1 Samuel 3:15

Samuel tuttaaŋaŋaruq uvlaaġataqtillugu; makinŋaruq aasii aŋmaqługich upkuaŋich igluŋata Atanġum. Sivuuġaŋaruq qanuq uqallautiniaqtilaaŋa Eli qiñiqtuuraamigun.

1 Samuel 3:21

Ataniq salapqiqtauŋaruq Shiloh-mi, qiñiqtirrusimisun Samuel-mun uqautigamiuŋ. Tavra Samuel uqaġman, iluqatik Israel-miittuat naalaġnisuuŋarut.